Ɛksadɔso 14:25 - AHYERƐLƐ KRONGRON

²⁵ Ɔmane bɛ teaseɛnam nemɔ gya sɛkyesɛkyele bɔ né bɛngora ndɛ kɔ ɔ. Yiti Misraimfoɛ sele kyɛ, “Ɛ́mɔma yɛ́nwati yɛ́fi Yisraelfoɛ mɔ nwo wa, ofikyɛ AWURADE gyi bɛ si ɔko tia Misraim.”

Ɛksadɔso 14:25 Iomraidhean Croise

2 Aberɛso Dwirɛ 20:29

Mmerɛ bɔ maen maen amukoraa bɛtele kyɛ AWURADE waho watia Yisrael pɔfoɛ mɔ nen, Nyameɛ nwo suronyi tɔle bɛ so.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Nehemia 6:16

Na yɛ pɔfoɛ nemɔ amukoraa bɛtele nen, maen maen amukoraa bɔ bapɛ yɛ nwo bayia ne, esuronyi tɔle bɛ so, na bɛ nyunu guale ase paa. Ofikyɛ benwuni kyɛ yɛ Nyameɛ yeɛ waboka maa yayɔ sɔ adwuma he ɔ.

Nehemia 9:11

Na ɛpakyele ɛpo ne anu wɔ bɛ nyunu, amaa ɔnate so bɛfale aseɛ wosee so bɛpɛle ɛpo ne, nakoso mmenia bɔ né bɛfoa yɛ nana mɔ ne de, egyili bɛ guale buma ne anu kyɛ nyɔboɛ bɔ bagyi bagua asue piri nu ɔ.

YOB NWOMAA NE 11:20

Nakoso amumuyɛɛfoɛ de, bɛ nye so kɔyɛ bɛ wusiwusi, bengonya neka fee bɛngɔnwati ngɔhɔ, na b’anyelasoɛ ala ole ewue.”

YOB NWOMAA NE 20:24

Sɛ ɔnwati fi buralɛ akodeɛ noa a, kɔɔbere agyaen kosina ye.

YOB NWOMAA NE 27:22

Ɔbɔ ye kɔ bɔ onnwu ye anwumvoin ɔ, na otu amirika serɛserɛ kyɛ ɔnwati fi ye sa nu.

Edwein 35:1

Ao AWURADE, tu wɔ nye sie bɛ bɔ betu bɛ nye besie me so ɔ nemɔ aso, na ko tia bɛ bɔ bɛko betia me ne!

Edwein 46:9

Ɔmaa koɛ bo ɔpɛ alaa kɔka aseɛ noa dɔ; obubu agyaen nu, na obubu pealɛɛ nu gɔsɔgɔsɔ, na ɔfa see yera teaseɛnam mɔ.

Edwein 68:12

“Koɛhonɛfoɛ b’ahemvo mɔ bɛnwatinwati!” Mmrasua bɔ bɛwɔ awuro yeɛ bɛkyɛ koɛ nu nzesadeɛ ne ɔ,

Edwein 76:6

Ao Yakob Nyameɛ, ɛteateane bɛ ne, pɔngɔhanɛniɛ ne ɔne ye pɔngɔ ne, bɛlale berɛ pakayaa.

Ɛksadɔso 14:14

AWURADE kɔho kɔma ɛmɔ, yiti ɛmɔ de, ɛ́mɔyɛ konn.”

Ɛksadɔso 14:18

Na sɛ ɔnate Faro ne ye teaseɛnam mɔ, ɔne ye pɔngɔhanɛfoɛ so mehyɛ me nwo animnyam a, Misraimfoɛ konwu ye kyɛ me ole AWURADE.”

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 15:3

AWURADE te koɛhonɛniɛ; ye dumaa li AWURADE.

Yesaya 31:4

Ofikyɛ AWURADE sele me kyɛ: Kyɛbɔ gyata anaa gyata akrɔngrɔma ɔyɛ ye komvi hoohoo gua naen bɔ wahye ye ɔ so, bɔ mmoaenneafoɛ kure bɛba ye so a onzuro kyɛ bɛteatea nu begua ye so, anaakyɛ ɔndɛ b’anwunanwuna ne aso ne, sɔ ala yeɛ Asafo AWURADE kodwu kɔwa kɔɔho koɛ wɔ Sion bokaa ne ye pambaa ne aso ɔ.

Yeremia 51:21

wɔ yeɛ mefa wɔ mebubu pɔngɔ ne pɔngɔhanɛniɛ nu gɔsɔgɔsɔ ɔ, na wɔ yeɛ mefa wɔ mebubu teaseɛnam ne teaseɛnamhanɛniɛ nu gɔsɔgɔsɔ ɔ;

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.

Amose 5:19

Wayɛ kyɛ sona bɔ wanwati gyata bɔ kwabrafo waayia ye ɔ; anaa wahɔ awuro waafa ye sa wafua fasue so, ná ewoo aha ye ɔ.

Amose 9:1

Nwuni AWURADE kyɛ ogyi afɔleɛ bokyea ne aso, na ɔhane kyɛ, “Bonima abotire ne, fa nikyee bɔ so maa aponnwaa nemɔ bɛwoso, ná dwiri gua bɛ mukoraa bɛ ti so, na ngɔfa ngrandɛ ngohũhũ bɛ bɔ baha ne’. Bɔ ɔkɔyɛ kyɛ ɔnwati biala, ɔngɔhora nwati, yeɛ bɔ okofi nu kofite biala, ongonya ye ti ngodidi nu.

Deuteronomi 1:30

Na AWURADE ɛmɔ Nyameɛ bɔ oli ɛmɔ nyunu ne, ye bɔbɔ ɔkɔho kɔma ɛmɔ, kyɛbɔ ɔho mane ɛmɔ wɔ Misraim bɔ ɛmɔ nye tua ne.

Deuteronomi 3:22

Nnɛma ɛmɔsuro bɛ, ofikyɛ AWURADE ɛmɔ Nyameɛ yeɛ ɔko ma ɛmɔ ɔ.’

Deuteronomi 32:31

Ofikyɛ bɛ nyɔbotaen ne, ɔtte kyɛ yɛ Nyɔbotaen ne, na yɛ pɔfoɛ mɔ bɔbɔ po bɛse.

Yosua 10:14

Ofikyɛ AWURADE ho mane Yisraelfoɛ. Kyẽa bɔ ɔte sɔ de, né ebie ɔwwale le, yeɛ ofi sɔ kyẽa ne koso, sɔ kyẽa ne bie amma le, bɔ yeɛ AWURADE tiele kuro sona sufrɛ sɔa ɔ.

Maenbulɛfoɛ 4:15

Na AWURADE mane ahunundetelɛ tɔle Sisera so, ɔne ye teaseɛnamhanɛfoɛ amukoraa so, yeɛ ye koɛhonɛfoɛ amukoraa so wɔ Barake nyunu. Sisera dwu fili ye teaseɛnam ne aso nwatili ye gya kunu.