Ɛksadɔso 14:23 - AHYERƐLƐ KRONGRON

²³ Misraimfoɛ pole bɛ so. Faro mbɔngɔ mɔ, ye teaseɛnam ne ye pɔngɔhanɛfoɛ amukoraa belili bɛ si bɛhɔle ɛpo ne afia.

Ɛksadɔso 14:23 Iomraidhean Croise

1 Ahemvo 22:20

Na AWURADE bisale kyɛ, ‘Nwa yeɛ ɔkɔlakalaka Ahabo, maa ɔkɔɔho kɔtɔ wɔ Ramote Gileade ɔ?’ Yeɛ bɛ nu biala hyirele ye adwene,

Ɛksadɔso 14:17

Me de, ngɔma Misraimfoɛ kobubu mmakaa kotua bɛ so, amaa ɔnate so bapo Yisraelfoɛ so. Na ɔnate Faro ne ye asraafoɛ amukoraa so, ye teaseɛnam mɔ ne ye pɔngɔhanɛfoɛ so, ngɔhyɛ me nwo animnyam.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 15:19

Mmerɛ bɔ Faro mbɔngɔ mɔ, ye teaseɛnam mɔ ne ye pɔngɔhanɛfoɛ hɔle ɛpo ne anu nen, AWURADE mane ɛpo nzue ne sale ye si oobu fale bɛ so; nakoso Yisraelfoɛ de, bɛfale aseɛ wosee so wɔ ɛpo ne afia.

Ɛksadɔso 15:9

Pɔfoɛ ne hane kyɛ, ‘Ngɔpo bɛ so, ngɔɔto bɛ, ngɔhyɛ koɛ nu nzesadeɛ ne, na me kra ko koyi. Ngɔhwe me ngrandɛ, na me sa kɔma bɛ boso konua.’

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.