Ɛksadɔso 14:21 - AHYERƐLƐ KRONGRON

²¹ Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 14:21 Iomraidhean Croise

Gyenesise 8:1

Nakoso Nyameɛ lole Nowa ne ngaka ne nyɛmmoa mukoraa bɔ bɛ ne ye wɔ ɛlɛen alaka ne anu. Nyameɛ mane mvrama tu fale aseɛ so, na nzue ne hwene.

2 Ahemvo 2:8

Yeɛ Elia yele ye ataadeɛ aguasoɛ ne, ɔbobɔle fa fini asue ne anye, na asue ne anu pakyele nyɔ guale bɛen ne famaa, kɔpem kyɛ bɛ munyɔ bɛnatele bɛpɛle wɔ aseɛ wosee so ɔ.

Nehemia 9:11

Na ɛpakyele ɛpo ne anu wɔ bɛ nyunu, amaa ɔnate so bɛfale aseɛ wosee so bɛpɛle ɛpo ne, nakoso mmenia bɔ né bɛfoa yɛ nana mɔ ne de, egyili bɛ guale buma ne anu kyɛ nyɔboɛ bɔ bagyi bagua asue piri nu ɔ.

YOB NWOMAA NE 26:12

Ɔfale ye tumi brɛle ɛpo ase, na ɔfale ye nimdeɛ lili ɛpo nu sasrabɔnzam so ngonim.

YOB NWOMAA NE 38:24

Nekaa bɔ kanea ofi bɔ ɔta ne, ɛse ye atee, anaa nekaa bɔ eyia afiteleɛ mvrama ofi ɔbɔ ɔkɔ aseɛ so amukoraa ne, ɛse ye atee?

Edwein 136:13

ye bɔ ɔpakyele Ɛpo Kɔkorɛ nu nyɔ ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 148:8

see ne asukɔtwea nyɔboɛ, asukɔtwea ne ɛborɔ, mvrama bɔ otu serɛserɛ di Nyameɛ ahyɛdeɛ so ɔ,

Edwein 66:6

Ɔmane ɛpo kakyili aseɛ wosee maa bɛnatele bɛ gya kunu bɛpɛle nzue ne. Berɛ yeɛ yɛlili ahurusi wɔ ye nu ɔ,

Edwein 74:13

Wɔ tumi yeɛ ɛfa pakyepakyele ɛpo nu ɔ, na wɔ yeɛ ɛpɛkyɛle sasrabɔnzam nemɔ ti wɔ nzue nemɔ anu ɔ.

Edwein 78:13

Ɔpakyele ɛpo nu maa bɛfale nu, na ɔmane nzue ne boale ye noa gyinane berɛ kyɛ fasue.

Ɛksadɔso 14:16

Ma wɔ pɔmaa ne aso, ná tengyɛ wɔ sa ɛpo ne aso ma nu hyɛ nyɔ, amaa ɔnate so Yisraelfoɛ afa aseɛ wosee so bapɛ ɛpo ne.

Ɛksadɔso 14:20

na oogyinane Misraim ɛlɔen ne Yisrael ɛlɔen b’afia. Na kɔngɔen ne amukoraa, munungum ne yɛle awosii mane bue ko, yeɛ ɔtale mane bue ko; yiti bue ko ne angora ambingye obiɛngo kɔngɔen ne.

Ɛksadɔso 15:8

Wɔ bonyi anu nwomeɛ mane nzue ne boaboale ye noa, asorɔkye ne gyinane berɛ kyɛ ɛwaen; na buma ne bɔle kunguma wɔ ɛpo afia.

Ɛksadɔso 7:19

Na AWURADE sele Mose kyɛ, “Ka kyire Aarɔn kyɛ, ‘Fa wɔ pɔmaa ne, ná tengyɛ wɔ sa wɔ Misraim nzue mɔ so: b’asue mbiri mɔ, Naele sa mɔ, b’abura mɔ ne b’ɛkwaa mukoraa so ma bɛkakyi mogya. Misraim aseɛ ne aso mukoraa kɔyɛ mogya, bua ne angora mɔ anu po.’ ”

Yesaya 23:11

Watengyɛ ye sa wahyire ɛpo so, wapusu ahennie mɔ, na AWURADE ahyɛ mmeraa wafa Kanaan nwo, kyɛ bɛsɛkye ye anwoserɛ afealeɛ nemɔ.

Yesaya 43:16

AWURADE bɔ ɔpakye atee to ɛpo nu, bɔ ɔpɛ esaa to asue mbiri mɔ anu,

Yesaya 44:27

Me yeɛ mekã mekyire buma kyɛ, ‘Wewe, ngɔma w’asue mɔ kɔwewe’.

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yesaya 51:10

Ɛpo bɔ ɔte buma kandinga ne anu nzue ne, aso nna wɔ yeɛ ɛmaa ɔwewele ɔ? Aso nna wɔ yeɛ ɛmane ɛpo buma ne abo dɔ kakyili atimbire mane bɛ bɔ aapɔ bɛ ne kyɛ bɛpɛ ye ɔ?

Yesaya 51:15

Ofikyɛ me ole AWURADE, wɔ Nyameɛ, bɔ ɔkã ɛpo nu ma ye asorɔkye bɔ wuruwuru ne, ye dumaa li Asafo AWURADE.

Yesaya 63:12

Ye bɔ ɔmane ye animnyam asaa ne oolili Mose famaa so, ná ɔne ye bɛnatele ne, ye bɔ ɔpakyele nzue ne anu wɔ bɛ nyunu ɔfa nyane dumaa afebɔɔ mane ye nwo ne;

Yesaya 63:13

ye bɔ ɔfale bɛ fale buma ne anu kyɛbɔ pɔngɔ fa ɛserɛ so ne, na banzoti.

Habakuku 3:8

Ao AWURADE, aso asue mɔ yeɛ w’ahone huli bɛ so ne anaa? Asue mɔ yeɛ ɛfɛle bɛ so yaa ne anaa? Ɛpo yeɛ wɔ nye borole ye so ne anaa, mmerɛ bɔ né ɛte wɔ mbɔngɔ so, ne wɔ ngoalelɛ teaseɛnam mɔ nu ne?

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

Yosua 2:10

Ofikyɛ, yate kyɛbɔ AWURADE mane Ɛpo Kɔkorɛ nu nzue wewele wɔ ɛmɔ nyunu, wɔ mmerɛ bɔ né ɛmɔfi Misraim bɛ́ba ne, ɔne nikyee bɔ ɛmɔfa bɛyɔle Amorifoɛ ahemvo nyɔ nemɔ: Sihon ne Ogo, bɔ bɛwɔ asue Yɔɔdan si dɔ ne, kyɛbɔ ɛmɔhuhuni bɛ bɔkɔɔ ne.

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 4:23

Ofikyɛ AWURADE ɛmɔ Nyameɛ mane Yɔɔdan nu nzue wewele mane ɛmɔ, kɔpem kyɛ ɛmɔpɛle asue ne ɔ, kyɛbɔ AWURADE ɛmɔ Nyameɛ yɛle Ɛpo Kɔkorɛ ne ala, bɔ ɔmaa ɔwewele mane yɛ kɔpem kyɛ yɛpɛle asue ne ɔ.