Ɛksadɔso 14:19 - AHYERƐLƐ KRONGRON

¹⁹ Afei Nyameɛ abɔfo bɔ né oli Yisrael ɛlɔen ne nyunu ne, ɔse oolili bɛ si. Na munungum ningɔnn ne fili bɛ nyunu oolili bɛ si,

Ɛksadɔso 14:19 Iomraidhean Croise

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Edwein 78:53

Olili bɛ nyunu wɔ asomdwee nu ma yiti banzuro, nakoso bɛ pɔfoɛ mɔ de, ɛpo ne bu fale bɛ so.

Ɛksadɔso 14:20

na oogyinane Misraim ɛlɔen ne Yisrael ɛlɔen b’afia. Na kɔngɔen ne amukoraa, munungum ne yɛle awosii mane bue ko, yeɛ ɔtale mane bue ko; yiti bue ko ne angora ambingye obiɛngo kɔngɔen ne.

Ɛksadɔso 14:24

Na alebahyene ne, AWURADE tole ye nye fale see ningɔnn ne munungum ne anu neane Misraim asraafoɛ ne, na ɔmane Misraim asraafoɛ nemɔ nye so tanene bɛ.

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Yesaya 52:12

Ɛmɔngofi berɛ bɛngɔhɔ ye ndɛndɛ so, yeɛ ɛmɔngɔnwati bɛngɔhɔ, ofikyɛ AWURADE koli ɛmɔ nyunu, yeɛ Yisrael Nyameɛ ne kogyina ɛmɔ si.

Yesaya 58:8

Sɛ ɛyɔ sɔ a, wɔ kanea kopukye kyɛ alehyeleɛ, na w’anwonyerɛsalɛ kɔwa ndɛndɛ. Wɔ tenenee koli wɔ nyunu moa, ná AWURADE animnyam agyina wɔ si.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Hosea 12:13

Na AWURADE nate ngɔmhyɛlɛniɛ so yele Yisrael fili Misraim, na ɔnate ngɔmhyɛlɛniɛ so ɔbɔle ye nwo waen.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Numeri 20:16

Yɛsu yɛfrɛle AWURADE. Otiele yɛ suɛ, na ɔsomane abɔfo maa ɔɔyele yɛ fili Misraim. Kekesaala ye yɛwɔ Kadese, kuro bɔ ɔwɔ w’aseɛ ne noa ne aso.