Ɛksadɔso 14:17 - AHYERƐLƐ KRONGRON

¹⁷ Me de, ngɔma Misraimfoɛ kobubu mmakaa kotua bɛ so, amaa ɔnate so bapo Yisraelfoɛ so. Na ɔnate Faro ne ye asraafoɛ amukoraa so, ye teaseɛnam mɔ ne ye pɔngɔhanɛfoɛ so, ngɔhyɛ me nwo animnyam.

Ɛksadɔso 14:17 Iomraidhean Croise

Gyenesise 50:9

Teaseɛnam mɔ ne pɔngɔhanɛfoɛ bokale ye so bɛ ne ye hɔle; né ɛlɔen ne te piri paa.

Gyenesise 6:17

Tie, ngɔma nzueyilɛ kɔwa aseɛ so kɔɔsɛkye anwoɔnaen biala bɔ owura ewienu bo bɔ ngoa nwomeɛ wɔ ye nu; na nikyee biala bɔ ɔwɔ aseɛ so kowu.

Gyenesise 9:9

“Nea, me ne ɛmɔ ne kyẽa bie ɛmɔ boso ama yɛ́yɛ m’apam;

Ɛksadɔso 14:23

Misraimfoɛ pole bɛ so. Faro mbɔngɔ mɔ, ye teaseɛnam ne ye pɔngɔhanɛfoɛ amukoraa belili bɛ si bɛhɔle ɛpo ne afia.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 14:8

Na AWURADE mane Misraim hene Faro bubuli mmakaa tuale ye so, yiti ɔpole Yisraelfoɛ so, wɔ mmerɛ bɔ né Yisraelfoɛ nate atunu bɛ́kɔ ngonimlilɛ so ɔ.

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 4:23

Na mekã mekyire wɔ kyɛ, “Ma mma ne ɔhɔ ɔɔsɔne me.” Na sɛ amma ye ate ma wangɔ a, ngohũ wɔ bamuɛbaa bienzua.’ ”

Ɛksadɔso 7:3

Nakoso ngɔma Faro kɔyɛ asobrakyeɛ. Ɔwɔ nu kyɛ ngɔma me nzɛngyerɛnneɛ ne anwanwadeɛ kɔsone pee wɔ Misraim aseɛ so de,

Yesaya 48:15

Me, me yeɛ mahã ɔ, mafrɛ ye. Mafa ye mawa, na okoyie ye yé wɔ ye atee biala so.

Yesaya 51:12

“Me, me yeɛ mekyekye ɛmɔ wora ɔ, na wɔ, nzikyɛ sona ole wɔ, bɔ esuro kuro sona bɔ owu ɔ, ɔne sona awa bɔ bɛyɔle ye kyɛ ndire ɔ;

Yeremia 23:39

yiti tie, me, me wora kofi ɛmɔ bɔkɔɔ, na ngɔpo ɛmɔ ne kuro bɔ mva mane ɛmɔ ne ɛmɔ nana mɔ ne, na ngɔfoa ɛmɔ ngofi me nyunu.

Hesekiel 28:22

Kã kyɛ, ‘AWURADE Nyameɛ nwa nyoo, “O Sidon, tie, meko metia wɔ, na m’animnyam kɔla ali wɔ wɔ nu. Na sɛ metwe ye so, ná mema me krongronyɛlɛ da ali wɔ ye nu a, ye de bekonwu kyɛ me ole AWURADE.

Hesekiel 34:11

“Ofikyɛ AWURADE Nyameɛ nwa nyoo: Tie, me, me bɔbɔ ngɔɔpena me mmoaen nemɔ boso, na ngɔnea bɛ so.

Hesekiel 34:20

“Bɔ AWURADE Nyameɛ ɔkã kyire bɛ hɔ ɛhe: Ɛ́mɔtie, me, me bɔbɔ ngobua mmoaen bɔ balɔ nemɔ, ɔne bɔ bafɔ nemɔ b’afia ndɛen.

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Hesekiel 6:3

ná kã kyɛ, ‘Ɛmɔ, Yisrael mmokaa, ɛ́mɔtie AWURADE Nyameɛ noa dwirɛ. Bɔ AWURADE Nyameɛ ɔkã kyire mmokaa ne pambaa mɔ, asue mɔ ne bɔnza mɔ ɛhe: Ɛ́mɔtie, me, mebaafa ngrandɛ meba ɛmɔ so, na ngɔsɛkye ɛmɔ asɔneyɛɛ nemɔ.

Hosea 5:14

Ofikyɛ ngɔyɛ kyɛ gyata ngɔma Efraim, yeɛ ngɔyɛ kyɛ gyata ba ngɔma Yuda awuro ama. Me, me yeɛ ngɔtete bɛ nu pasapasa ngɔhɔ ɔ; ngɔfa ngɔhɔ, na ebiala ngɔpepɛ ngole ye.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

Maenbulɛfoɛ 4:7

Na ngɔtwetwe Yabin ye safohene Sisera maa ɔne ye teaseɛnam mɔ ne ye koɛhonɛfoɛ mɔ bekooyia wɔ wɔ Kison bɔnza ne anu; afei ngɔfa ye ngowura wɔ sa.’ ”

1 Samuel 6:6

Nzu ati yeɛ ɛmɔyɛ asoserɛ kyɛbɔ Misraimfoɛ ne Faro yɛle asoserɛ ne? Oguale Misraimfoɛ nyunu ase yiele nen, aso bamma Yisraelfoɛ ate ma bangɔ?