Ɛksadɔso 14:16 - AHYERƐLƐ KRONGRON

¹⁶ Ma wɔ pɔmaa ne aso, ná tengyɛ wɔ sa ɛpo ne aso ma nu hyɛ nyɔ, amaa ɔnate so Yisraelfoɛ afa aseɛ wosee so bapɛ ɛpo ne.

Ɛksadɔso 14:16 Iomraidhean Croise

2 Ahemvo 4:29

Na Elisa sele Gehasi kyɛ, “Bɔ w’abɔsoɛ, fa me pɔmaa ne tira, na si nu kɔ. Sɛ eyia ebiala wɔ atunu a, nnebisa ye ahye; na sɛ ebiala bisa wɔ ahye a, nnesuro. Fa me pɔmaa ne kɔto akwadaa ne aso.”

Ɛksadɔso 14:15

Na AWURADE sele Mose kyɛ, “Nzu ati yeɛ esu frɛ me ye? Ka kyire Yisraelfoɛ kyɛ bɛhɔ bɛ nyunu.

Ɛksadɔso 14:26

Na AWURADE sele Mose kyɛ, “Tengyɛ wɔ sa wɔ ɛpo ne aso ma nzue ne sá ha bɔ nu, ná obu fa Misraimfoɛ ne bɛ teaseɛnam mɔ ne bɛ pɔngɔhanɛfoɛ so.”

Ɛksadɔso 17:5

Na AWURADE buale Mose kyɛ, “Fa Yisrael mbanyi nemɔ bie boka wɔ nwo so, ná se di mmenia ne nyunu. Fa pɔmaa bɔ ɛfa fini asue Naele nu ne tira, ná kɔ.

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Ɛksadɔso 4:17

Fa pɔmaa he tira, na ye yeɛ ɛkɔfa kɔyɔ nzɛngyerɛnneɛ ɔ.”

Ɛksadɔso 4:2

Na AWURADE bisale ye kyɛ, “Nzikyɛ yeɛ otira wɔ sa nu ye?” Obuale kyɛ, “Pɔmaa ɔ.”

Ɛksadɔso 4:20

Yiti Mose fale ɔye ne ye mma mmienzua nyɔ ne tenatenane afunum so, na osa hɔle Misraim aseɛ so. Na ɔfale Nyameɛ pɔmaa ne tirale.

Ɛksadɔso 7:19

Na AWURADE sele Mose kyɛ, “Ka kyire Aarɔn kyɛ, ‘Fa wɔ pɔmaa ne, ná tengyɛ wɔ sa wɔ Misraim nzue mɔ so: b’asue mbiri mɔ, Naele sa mɔ, b’abura mɔ ne b’ɛkwaa mukoraa so ma bɛkakyi mogya. Misraim aseɛ ne aso mukoraa kɔyɛ mogya, bua ne angora mɔ anu po.’ ”

Ɛksadɔso 7:9

“Sɛ Faro ka kyire ɛmɔ kyɛ, ‘Ɛ́mɔyɔ sɛngyerɛnneɛ bie behyire a, ye de ka kyire Aarɔn kyɛ, ‘Gyi wɔ pɔmaa ne to Faro nyunu berɛ ma ɔkakyi ewoo.’ ”

Yesaya 10:26

Asafo AWURADE kofi ye mbire, kyɛbɔ ohuni Midian wɔ Orebo nyɔbotaen ne anwo ne, na ɔkɔma ye pɔmaa ne aso kohyire ɛpo ne aso, kyɛbɔ ɔyɔle ye Misraim ne.

Habakuku 3:8

Ao AWURADE, aso asue mɔ yeɛ w’ahone huli bɛ so ne anaa? Asue mɔ yeɛ ɛfɛle bɛ so yaa ne anaa? Ɛpo yeɛ wɔ nye borole ye so ne anaa, mmerɛ bɔ né ɛte wɔ mbɔngɔ so, ne wɔ ngoalelɛ teaseɛnam mɔ nu ne?

Numeri 20:11

Yeɛ Mose pagyale ye sa, na ɔfale ye pɔmaa ne fini nyɔbotaen ne aso pɛen nyɔ. Nzue pu fili nu wale pee, na mmenia nemɔ ne bɛ nyɛmmoa mɔ none bie.

Yosua 8:18

Na AWURADE sele Yosua kyɛ, “Buralɛ tendenn tworɔntworɔn bɔ otira wɔ sa nu ne, tengyɛ ye wɔ Aye so, ofikyɛ ngɔfa kuro ne ngowura wɔ sa.” Yiti Yosua tengyɛle buralɛ tendenn tworɔntworɔn bɔ otira ye sa nu ne wɔ kuro ne aso.