Ɛksadɔso 14:14 - AHYERƐLƐ KRONGRON

¹⁴ AWURADE kɔho kɔma ɛmɔ, yiti ɛmɔ de, ɛ́mɔyɛ konn.”

Ɛksadɔso 14:14 Iomraidhean Croise

2 Aberɛso Dwirɛ 20:15

Ɔhane kyɛ, “Yudafoɛ amukoraa, Yerusalemfoɛ ne Nana Yehosafate, ɛ́mɔtie. AWURADE nwa nyoo, ‘Sɔ ɛlɔen piri he, nnɛma ɛmɔsuro bɛ, yeɛ nnɛmɔma ɛmɔ kunu tete ɛmɔ wɔ bɛ nwo; ofikyɛ koɛ ne ɔtte ɛmɔ koɛ, na mmom ɔte Nyameɛ koɛ.

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

2 Aberɛso Dwirɛ 20:29

Mmerɛ bɔ maen maen amukoraa bɛtele kyɛ AWURADE waho watia Yisrael pɔfoɛ mɔ nen, Nyameɛ nwo suronyi tɔle bɛ so.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Nehemia 4:20

Yiti nekaa biala bɔ ɛmɔkɔte totorobɛndo nga ne, ɛmɔhã bɛ nwo bɛbra yɛ nwo berɛ. Yɛ Nyameɛ kɔho kɔma yɛ.”

Nehemia 9:11

Na ɛpakyele ɛpo ne anu wɔ bɛ nyunu, amaa ɔnate so bɛfale aseɛ wosee so bɛpɛle ɛpo ne, nakoso mmenia bɔ né bɛfoa yɛ nana mɔ ne de, egyili bɛ guale buma ne anu kyɛ nyɔboɛ bɔ bagyi bagua asue piri nu ɔ.

Edwein 35:1

Ao AWURADE, tu wɔ nye sie bɛ bɔ betu bɛ nye besie me so ɔ nemɔ aso, na ko tia bɛ bɔ bɛko betia me ne!

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 83:1

Ao Nyameɛ, nnɛkã wɔ noa to nu; ao Nyameɛ, nnɛmua wɔ noa, yeɛ nnɛyɛ konn!

Ɛksadɔso 14:15

Na AWURADE sele Mose kyɛ, “Nzu ati yeɛ esu frɛ me ye? Ka kyire Yisraelfoɛ kyɛ bɛhɔ bɛ nyunu.

Ɛksadɔso 14:25

Ɔmane bɛ teaseɛnam nemɔ gya sɛkyesɛkyele bɔ né bɛngora ndɛ kɔ ɔ. Yiti Misraimfoɛ sele kyɛ, “Ɛ́mɔma yɛ́nwati yɛ́fi Yisraelfoɛ mɔ nwo wa, ofikyɛ AWURADE gyi bɛ si ɔko tia Misraim.”

Ɛksadɔso 15:3

AWURADE te koɛhonɛniɛ; ye dumaa li AWURADE.

Yesaya 30:15

Na AWURADE Nyameɛ, Yisrael Krongronniɛ ne, ɔnwa: “Sɛ ɛmɔsa bɛba me berɛ, ɔne kyɛ ɛmɔde bɛ nwome wɔ me nu a, yeɛ ɛmɔkonya ngoa ɔ; konnyɛlɛ ne anyelasoɛ nu yeɛ ɛmɔ anwoserɛ wɔ ɔ.” Nakoso ɛmɔanguro ye sɔ,

Awuye 3:26

Ɔte paa kyɛ ɛkɔyɛ konn anyelasoɛ nu kɔnwondɛ AWURADE ngoalelɛ ne ɔ.

Deuteronomi 1:30

Na AWURADE ɛmɔ Nyameɛ bɔ oli ɛmɔ nyunu ne, ye bɔbɔ ɔkɔho kɔma ɛmɔ, kyɛbɔ ɔho mane ɛmɔ wɔ Misraim bɔ ɛmɔ nye tua ne.

Deuteronomi 20:4

Ofikyɛ AWURADE ɛmɔ Nyameɛ yeɛ ɔne ɛmɔ nate ɔ, kyɛ ɔne ɛmɔ pɔfoɛ mɔ kwaaho ma ɛmɔ, ná odi ngonim ma ɛmɔ.’

Deuteronomi 3:22

Nnɛma ɛmɔsuro bɛ, ofikyɛ AWURADE ɛmɔ Nyameɛ yeɛ ɔko ma ɛmɔ ɔ.’

Yosua 10:10

Na AWURADE mane bɛ nye so tanene bɛ wɔ Yisraelfoɛ nyunu. Yisraelfoɛ huhuni bɛ paa wɔ Gibeon, na bɛfoane bɛ maa bɛɛfale Bete Horon pambaa atee ne aso, na behuhuni bɛ alaa beedwuli Aseka ne Makeda.

Yosua 10:14

Ofikyɛ AWURADE ho mane Yisraelfoɛ. Kyẽa bɔ ɔte sɔ de, né ebie ɔwwale le, yeɛ ofi sɔ kyẽa ne koso, sɔ kyẽa ne bie amma le, bɔ yeɛ AWURADE tiele kuro sona sufrɛ sɔa ɔ.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Yosua 23:10

Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.

Yosua 23:3

Ɛmɔ bɔbɔ bɛ nye tua nikyee biala bɔ ɔnate ɛmɔ ti AWURADE ɛmɔ Nyameɛ wafa wayɔ sɔ maen hemɔ amukoraa ɔ, ofikyɛ AWURADE ɛmɔ Nyameɛ ne, ye yeɛ ɔho mane ɛmɔ ɔ.

Maenbulɛfoɛ 5:20

Nzramaa mɔ fili nyameɛso bɛɛhone; bɛnate b’atee so bɛhone betiale Sisera.

1 Samuel 4:7

ɛserɛ hane bɛ, na bɛhane kyɛ, “Nyameɛ bie awa b’asikyeleɛ ne anu.” Na besa bɛbɔle awuye kyɛ, “Yawu oo, yawu oo! Edwirɛ sɔa de, yɛnnwuni bie le.