Ɛksadɔso 14:13 - AHYERƐLƐ KRONGRON

¹³ Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Ɛksadɔso 14:13 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 46:3

Na osele kyɛ, “Me ole Nyameɛ, wɔ baba ye Nyameɛ, nnɛsuro kyɛ ɛkɔhɔ Misraim, ofikyɛ ngɔma wɔ bosofoɛ kɔyɛ maen kandinga wɔ dɔ.”

Gyenesise 49:18

Ao AWURADE, wɔ ngoalelɛ yeɛ menea ye ate ɔ.

2 Ahemvo 6:16

Elisa buale kyɛ, “Nnesuro, ofikyɛ yɛ lɔen bɔ begyi yɛ si ne, bɛsone bɛtra bɛ lɔen deɛ ne.”

1 Aberɛso Dwirɛ 11:14

Nakoso Eleasa ne Dawide begyinane pindinn wɔ ayuo boo ne afia bɛho belele aseɛ ne, na behuhuni Filistifoɛ nemɔ. AWURADE pepɛ lele bɛ, na ɔmaa belili ngonim piri paa.

2 Aberɛso Dwirɛ 20:15

Ɔhane kyɛ, “Yudafoɛ amukoraa, Yerusalemfoɛ ne Nana Yehosafate, ɛ́mɔtie. AWURADE nwa nyoo, ‘Sɔ ɛlɔen piri he, nnɛma ɛmɔsuro bɛ, yeɛ nnɛmɔma ɛmɔ kunu tete ɛmɔ wɔ bɛ nwo; ofikyɛ koɛ ne ɔtte ɛmɔ koɛ, na mmom ɔte Nyameɛ koɛ.

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

Nehemia 9:9

“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 68:21

Nakoso Nyameɛ ye pɔfoɛ mɔ de, ɔkɔpɛkyɛ bɛ ti, bɛ bɔ bɛnate bɔne atee so ne, ɔkɔpakyepakye bɛ ti kwangoa.

Edwein 78:53

Olili bɛ nyunu wɔ asomdwee nu ma yiti banzuro, nakoso bɛ pɔfoɛ mɔ de, ɛpo ne bu fale bɛ so.

Edwein 91:8

Wɔ nye mbaen yeɛ ɛkɔfa kɔnea ɔ, na ekonwu bɔnefoɛ b’akatuaa.

Ɛksadɔso 14:30

Yiti AWURADE lele Yisraelfoɛ fili Misraimfoɛ sa nu sɔ kyẽa ne; na Yisraelfoɛ nwuni Misraimfoɛ kyɛ bawuwu bagua mboanoa berɛ.

Ɛksadɔso 20:20

Na Mose buale mmenia ne kyɛ, “Nnɛma ɛmɔsuro, ofikyɛ Nyameɛ awa kyɛ ɔbaaso ɛmɔ nea, amaa ɔnate so ye nwo suronyi atena ɛmɔ nu, ná ɛmɔanyɔ bɔne.”

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yesaya 30:15

Na AWURADE Nyameɛ, Yisrael Krongronniɛ ne, ɔnwa: “Sɛ ɛmɔsa bɛba me berɛ, ɔne kyɛ ɛmɔde bɛ nwome wɔ me nu a, yeɛ ɛmɔkonya ngoa ɔ; konnyɛlɛ ne anyelasoɛ nu yeɛ ɛmɔ anwoserɛ wɔ ɔ.” Nakoso ɛmɔanguro ye sɔ,

Yesaya 35:4

Ɛmɔhã behyire bɛ bɔ ahunundetelɛ atɔ bɛ so ne kyɛ, “Ɛ́mɔgyina pindinn, nnɛma ɛmɔsuro! Ɛ́mɔtie, ɛmɔ Nyameɛ ɔ́ba batɔ wereɛ! Nyameɛ bɔ ɔma ɛmɔ sa kã bɔ wafi ɛmɔ sa ne, ɔbaapepɛ de ɛmɔ ngoa.”

Yesaya 43:11

Me, me ole AWURADE, na defoɛ biala nne berɛ ko bɔ ɔboka me so ɔ.

Yesaya 7:4

ná se ye kyɛ, Gyina pindinn, yɛ konn, nnɛsuro, yeɛ nnɛma wɔ kunu tete wɔ wɔ gyetia nyɔ hemɔ bɔ begye monɛɛmonɛɛ ne anwo, bɔ bɛ ole Sirianiɛ Resin ɔne Remalia awa ne bɛ yaa hahii bɔ bafɛ ne.

Yeremia 3:23

Amba, dede bɔ ɔwɔ mmokaa nemɔ aso ne, ɔne mmokaa nemɔ aso anigye ne, ɔte mbaen. Amba, AWURADE yɛ Nyameɛ nu yeɛ Yisrael ngoalelɛ wɔ ɔ.

Awuye 3:26

Ɔte paa kyɛ ɛkɔyɛ konn anyelasoɛ nu kɔnwondɛ AWURADE ngoalelɛ ne ɔ.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Hosea 13:9

Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Habakuku 3:13

Efite hɔle kyɛ ɛfa ngoalelɛ brɛ wɔ maen, kyɛ ɛfa brɛ wɔ sona bɔ apopa ye ngoo ne. Nzɛmmɔneniɛ n’awuro ne aso panyi ne, ɛpɛkyɛle ye, na ɛmane ye nwo lale so fi ye gya bo kodwu ye ti so.

Habakuku 3:8

Ao AWURADE, aso asue mɔ yeɛ w’ahone huli bɛ so ne anaa? Asue mɔ yeɛ ɛfɛle bɛ so yaa ne anaa? Ɛpo yeɛ wɔ nye borole ye so ne anaa, mmerɛ bɔ né ɛte wɔ mbɔngɔ so, ne wɔ ngoalelɛ teaseɛnam mɔ nu ne?

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Mateo 28:5

Na abɔfo ne sele mmrasua ne kyɛ, “Nnɛma ɛmɔsuro! Na mese kyɛ ɛmɔpena Yesu bɔ bɛbɔle ye mmeamudua nu ne.

Deuteronomi 20:3

Ɔ́ha hyire bɛ kyɛ, ‘Yisrael, tie, ɛnɛ kyẽa ye, ɛne wɔ pɔfoɛ mɔ bɛkwaaho koɛ. Nnɛma wɔ kunu tete wɔ, nnɛsuro, nnɛma wɔ nwo wosowoso wɔ, yeɛ nnɛma bɛ nwo suronyi tɔ wɔ so.

1 Samuel 11:13

Nakoso Sɔɔlo buale kyɛ, “Yɛngohu sona biala ɛnɛ kyẽa ye, ofikyɛ ɛnɛ te kyẽa bɔ AWURADE apepɛ ale Yisrael ɔ.”

1 Samuel 12:16

Yiti ɛmɔɔgyina wa bɛnea sɔ anwanwadeɛ he bɔ AWURADE baayɔ ma ɛmɔ nye nwu ye ɔ.