Ɛksadɔso 14:10 - AHYERƐLƐ KRONGRON

¹⁰ Na mmerɛ bɔ Faro pingyele bɛ ne, Yisraelfoɛ mane bɛ nye so, na benwuni kyɛ Misraimfoɛ bɛ́po bɛ so; yiti ɛserɛ piri hane Yisraelfoɛ nemɔ, na besu bɛfrɛle AWURADE.

Ɛksadɔso 14:10 Iomraidhean Croise

2 Aberɛso Dwirɛ 18:31

Teaseɛnam so safohene nemɔ nwuni Yehosafate pɛ, bɛhane kyɛ, “Yisrael hene ɛhe oo!” Yiti bɛfale koɛ ne bɛɛtoale Yehosafate’. Ɔteateane nu, na AWURADE pepɛ lele ye. Nyameɛ foane bɛ fili ye nwo.

Nehemia 9:9

“Yɛ nana mɔ bɔ né bɛwɔ Misraim ne, enwuni amaneɛ bɔ né bɛwɔ nu ɔ, na etiele bɛ sufrɛ wɔ Ɛpo Kɔkorɛ noa.

Edwein 106:44

Nakoso onwuni amaneɛ bɔ né benwu ye ne, na otiele bɛ sufrɛ.

Edwein 107:13

Yeɛ besu bɛfrɛle AWURADE wɔ b’amaneɛnwunɛ nu, na ɔpepɛ lele bɛ fili b’anwokyere nu.

Edwein 107:19

Yeɛ besu bɛfrɛle AWURADE wɔ b’amaneɛnwunɛ nu, na ɔpepɛ lele bɛ fili b’anwokyere nu.

Edwein 107:28

Yeɛ besu bɛfrɛle AWURADE wɔ b’amaneɛnwunɛ nu, na ɔpepɛ lele bɛ fili b’anwokyere nu.

Edwein 107:6

Yeɛ besu bɛfrɛle AWURADE wɔ b’amaneɛnwunɛ nu, na ɔpepɛ lele bɛ fili b’anwokyere nu.

Edwein 34:17

Sɛ teneneefoɛ besu bɛpena mmokalɛ a, AWURADE tie bɛ sufrɛ, na ɔpepɛ de bɛ fi b’amaneɛ amukoraa nu.

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 81:7

Esu frɛle me wɔ w’amaneɛnwunɛ nu, na mbepɛ nnele wɔ; nekaa bɔ agralaa wɔ wɔ mvealeɛ nu ne, berɛ yeɛ mmane wɔ mmuayɛɛ, na nzole wɔ neane wɔ Meriba asue anwo. Sela

Ɛksadɔso 13:17

Faro mane mmenia ne ate kyɛ bɛhɔ nen, Nyameɛ amva bɛ amva Filistifoɛ aseɛ so, ɔwɔ nu kyɛ né berɛ yeɛ ɔte tika ɔ. Ofikyɛ Nyameɛ hane kyɛ, “Sɛ mmenia ne kɔtɔ koɛ nu a, annea a né banu bɛ nwo, ná basa bahɔ Misraim.”

Ɛksadɔso 15:25

Yiti Mose sũ frɛle AWURADE, na AWURADE hyirele ye bakaa bie. Ogyili bakaa ne tole nzue ne anu, na nzue ne yɛle fɛ. AWURADE yɛle ahyɛdeɛ ne nhyehyɛleɛ mane bɛ wɔ berɛ, na osole bɛ neane wɔ berɛ.

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Yeremia 22:23

Ao, wɔ bɔ ɛte Lebanon bɔ anwo wɔ saen wɔ sida mmakaa nu ɔ, sɛ aworɛ nu yealɛ ba wɔ so kyɛbɔ aworɛ nu yealɛ kã brasua a, kyɛbɔ ekosi kɔbɔ awuye ɔ!”

Deuteronomi 9:7

Kaye, na nnɛma wɔ wora fi kyɛbɔ ewurale AWURADE wɔ Nyameɛ apue mane ye ahone huli wɔ ɛserɛ so ne, ofi kyẽa bɔ efili Misraim aseɛ so wale, kɔpem kyɛ ɛmɔɔdwuli wa ɔ; AWURADE dwirɛ so alaa yeɛ ɛmɔahwi bafa ɔ.

Yosua 24:6

Na nyele ɛmɔ nana mɔ mvili Misraim nen, ɛmɔɔdwuli ɛpo ne noa. Na Misraimfoɛ fale teaseɛnam mɔ ne pɔngɔhanɛfoɛ bɛpole ɛmɔ nana mɔ so toonn beedwuli Ɛpo Kɔkorɛ ne noa.

Yosua 24:7

Yisraelfoɛ sũ frɛle AWURADE, na ɔfale awosii kabii tole ɛmɔ ne Misraimfoɛ b’afia. Ɔmane ɛpo oobu fale bɛ so katale bɛ so; na ɛmɔ nye nwuni nikyee bɔ mva nyɔle Misraim ɔ. Na ɛhe asi ne, ɛmɔtenane ɛserɛ so bɛhyɛle.

1 Yohane 4:18

Esuronyi nne ɔdɔ nu, na mmom ɔdɔ bɔ odi mu ne, otutu esuronyi bo, ofikyɛ esuronyi ne asohwenɛ nwo ahunundetelɛ yeɛ bɛnate ɔ, na ebiala bɔ osuro ne, ye ɔdɔ nni mu.