Ɛksadɔso 13:5 - AHYERƐLƐ KRONGRON

⁵ Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 13:5 Iomraidhean Croise

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Gyenesise 50:24

Yeɛ Yosef sele oliɛma nemɔ kyɛ, “Mebaawu, nakoso Nyameɛ kɔɔnea ɛmɔ. Na aseɛ bɔ ɔtale ye nwo ndaen hyirele Abraham ne Yisake ne Yakob ne, ɔkɔye ɛmɔ kofi aseɛ he aso ɔkɔfa ɛmɔ kɔhɔ so.”

1 Aberɛso Dwirɛ 1:15

Hiwifoɛ, Akifoɛ, Sinifoɛ,

Ɛksadɔso 12:24

Odi kyɛ ɛmɔdi sɔ dwirɛ he aso; ɔte nhyehyɛleɛ ma wɔ ne wɔ boso ama afebɔɔ.

Ɛksadɔso 13:10

Yiti di sɔ nhyehyɛleɛ he aso wɔ ye mmerɛ so afoɛnoa biala.

Ɛksadɔso 13:11

Na sɛ AWURADE fa wɔ kodwu Kanaanfoɛ aseɛ so, ná ɔfa ma wɔ, kyɛbɔ ɔtale ndaen hyirele wɔ ne wɔ nana mɔ ne a,

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 32:13

Kaye wɔ ngoaa Abraham, Yisake ne Yisrael bɔ ɛtale wɔ bɔbɔ wɔ nwo ndaen sele bɛ kyɛ, ‘Ngɔma ɛmɔ boso ama kɔsone pee kyɛ ewienu nzramaa; na aseɛ he amukoraati bɔ mabɔ ye nwo anohoba ne, ngɔfa ngɔma ɛmɔ boso ama, na ɔkɔyɛ bɛ deɛ afebɔɔ.’ ”

Ɛksadɔso 33:1

Na AWURADE sele Mose kyɛ, “Fi ɛwa kɔ, ɛne mmenia bɔ ɛɛyele bɛ fili Misraim aseɛ so wale ne. Aseɛ bɔ ndale ndaen mva mɔle Abraham, Yisake ne Yakob anohoba kyɛ, ‘Wɔ bosofoɛ yeɛ ngɔfa ngɔma bɛ ɔ’ ne, kɔ so.

Ɛksadɔso 34:11

Di bɔ ɛnɛ méhyɛ wɔ ne aso. Tie, ngɔfoa Amorifoɛ, Kanaanfoɛ, Hitifoɛ, Perisifoɛ, Hiwifoɛ ne Yebusifoɛ ngofi wɔ nyunu.

Ɛksadɔso 6:4

Mene bɛ koso yɛyɛle m’apam, kyɛ ngɔfa Kanaan aseɛ bɔ bɛɛtenane so bɛyɛle ɛwɔfoɛ ne ngɔma bɛ.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Yeremia 11:5

amaa ɔnate so, ndaen bɔ nda ngyirele ɛmɔ nana mɔ kyɛ ngɔma bɛ aseɛ bɔ nyɔfone sue ne woɛ tengyɛ wɔ so, kyɛbɔ ɔte ɛnɛ ala ye ne, mamaa wawa nu.” Yeɛ mmuale kyɛ, “Ao AWURADE, maa ɔbra nu sɔ.”

Yeremia 32:22

na ɛfale sɔ aseɛ he mane bɛ, aseɛ bɔ nyɔfonesue ne woɛ tengyɛ wɔ so, bɔ ɛtale ndaen kyɛ ɛkɔfa kɔma bɛ nana mɔ ne.

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Lewitikɔso 20:24

Nakoso mahã mahyire ɛmɔ kyɛ, Ɛmɔ yeɛ ɛmɔkɔfa b’aseɛ ne ɔ, na ngɔfa aseɛ bɔ nyɔfonesue ne woɛ tengyɛ wɔ so ɔ ngɔma ɛmɔ maa ɔkɔyɛ ɛmɔ deɛ. Me ole AWURADE ɛmɔ Nyameɛ, na maye ɛmɔ masie ahameɛ mafi maen maen ngaa nemɔ anu.

Numeri 11:12

Aso me yeɛ mvale mmenia hemɔ amukoraati mmale wiase ɔ? Me yeɛ nwole bɛ ɔ, bɔ yeɛ ɛkã kyire me kyɛ, ‘Dodo bɛ kyɛbɔ baanealɛniɛ ododo adɔma bɔ otua nyɔfone noa ɔ’, ná mva bɛ ngɔ aseɛ bɔ ɛtale ndaen fa hyɛle bɛ nana mɔ bɔ ne aso ɔ?

Numeri 13:27

Bɛbɔle Mose amaneɛ kyɛ, “Yɛɛdwuli aseɛ bɔ ɛsomane yɛ wɔ so ne aso. Nyɔfonesue ne woɛ tengyɛ wɔ so, na so mmakaammaa ne bie ɛhe.

Numeri 14:16

‘Aseɛ bɔ AWURADE tale ndaen kyɛ ɔkɔfa kɔma mmenia nemɔ ne, wangora wamva bɛ wangɔandwu so, yiti yeɛ wahũhũ bɛ wɔ ɛserɛ ye aso ye.’

Numeri 14:30

ɛmɔ nu ko po ngodwu aseɛ bɔ ndale ndaen kyɛ ngɔfa ɛmɔ ngɔɔtena so ne aso, sana Yefune awa Kalebo ɔne Nun awa Yosua.

Numeri 32:11

‘Nahorɛ nu, bɛ bɔ befili Misraim bɛwale ne, bɛ nu biala bɔ wali ofi afoɛ aburanyɔ bɔ ɔkɔ ne, ongonwu aseɛ bɔ ndale ndaen kyɛ ngɔfa ngɔma Abraham, Yisake ɔne Yakob ne, ofikyɛ banni nahorɛ bamma me.

Deuteronomi 12:29

“Maen maen mɔ bɔ ɛkwaatu bɛ fi berɛ ne, sɛ AWURADE wɔ Nyameɛ maa sɔ maen nemɔ bɛbɔ, ná etu bɛ fi berɛ, ná ɛfa aseɛ ne yɛ wɔ deɛ tena so a,

Deuteronomi 19:1

“Sɛ AWURADE wɔ Nyameɛ ɔsɛkye maen maen bɔ AWURADE wɔ Nyameɛ ɔ́fa b’aseɛ ma wɔ ne, ná etu bɛ fi berɛ, ná ɛtena bɛ nguro ne b’awuro nemɔ nu a,

Deuteronomi 26:1

“Aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne, sɛ edwu so, wɔ sa ka ye, ná ɛtena so a,

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 24:11

Na ɛmɔpɛle asue Yɔɔdan bɛwale Yeriko nen, Yerikofoɛ ne ɛmɔ hone. Sɔ ala yeɛ Amorifoɛ, Perisifoɛ, Kanaanfoɛ, Hitifoɛ, Gɛgasifoɛ, Hiwifoɛ ne Yebusifoɛ bɛ ne ɛmɔ hone ɔ. Na mvale bɛ nwurale ɛmɔ sa.