Ɛksadɔso 13:3 - AHYERƐLƐ KRONGRON

³ Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 13:3 Iomraidhean Croise

Gyenesise 15:16

Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

1 Ahemvo 8:42

(ofikyɛ bɛkɔte wɔ dumaa kandinga ne, wɔ tumi piri ne, ɔne wɔ tumi asaa ne nga), ná sɛ amanvraniɛ ne ɔbafa ye nye kyire sua he ɔbɔ mbaeɛ a,

1 Aberɛso Dwirɛ 16:12

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Nehemia 1:10

Bɛte wɔ somvoɛ mɔ ne wɔ maen bɔ afa wɔ tumi piri ne w’anwoserɛ kandinga ne apepɛ ale bɛ ɔ.

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

Edwein 105:5

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Edwein 114:1

Mmerɛ bɔ Yisrael fili Misraim ne, bɔ Yakob boso ama fili maen bɔ bɛkã dwudwolɛ foforɛ so ne,

Edwein 136:11

ye bɔ ɔyele Yisrael fili bɛ nu ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 136:12

ye bɔ ole tumi piri ne tumi asaa yeɛ ɔyele bɛ ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 89:14

Tenenee ne ndɛenbualɛ turoloo te w’ahennie bia nyinasoɛ; ɔdɔ bɔ onni ngasi ɔne nahorɛlilɛ beli wɔ nyunu.

Ɛksadɔso 12:15

“Ɛmɔkoli paanoo kabrɛdi ɛlɛsoo. Kyẽa bɔ oli moa ne, ɔsɛ kyɛ ɛmɔye mɔle harewaa biala befi ɛmɔ awuro mɔ nu, ofikyɛ ofi kyẽa bɔ oli moa ne alaa bɔ ɔkwaadwu kyẽa bɔ ɔtɔ so nzoo nen, sona biala bɔ okoli mɔle harewaa ne, bɛkɔpɛ ye asue bekofi Yisraelfoɛ nu.

Ɛksadɔso 12:17

Ɔsɛ kyɛ ɛmɔdi Paanoo Kabrɛdi aluolue ne, ofikyɛ sɔ kyẽa ne yeɛ nyele ɛmɔ amukoraati mvili Misraim aseɛ so ɔ. Yiti ɛ́mɔtu sɔ kyẽa ne besie berɛ beli sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:19

Ɛlɛsoo ne anu, ɔnzɛ kyɛ benwu mɔle harewaa wɔ ɛmɔ awuro; ofikyɛ ebiala bɔ okoli mɔle harewaa nen, sɛ ɛwɔfoɛ ahɔ oo, anaa bɛwole ye maen ne anu oo, bɛkɔpɛ sɔ sona ne asue bekofi Yisraelfoɛ nu.

Ɛksadɔso 12:2

“Bosome he yeɛ ɔkɔyɛ ɛmɔ bosome bɔ oli moa ɔ; ɔkɔyɛ afoɛ ne anu bosome bɔ oli moa kɔma ɛmɔ.

Ɛksadɔso 12:41

Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 12:42

Sɔ kɔngɔen ne, AWURADE lili Yisraelfoɛ nwo afofi, kyɛbɔ ɔkɔyɛ bɔ ɔkɔye bɛ kofi Misraim aseɛ so ɔ. Yiti odwu sɔ kyẽa ne kɔngɔen a, Yisraelfoɛ aworɛ ndoatoasoɛ amukoraa besili pɛ bɛfa bɛye AWURADE ayɛ.

Ɛksadɔso 12:8

Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Ɛksadɔso 13:14

Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 20:8

“Kaye afofikyẽa ne, ná di ye krongron.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Ɛksadɔso 3:20

Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 34:18

“Di Paanoo Kabrɛdi aluolue ne. Di paanoo kabrɛdi ɛlɛsoo, kyɛbɔ mahyɛ wɔ ne, bosome Abibo nu mmerɛ bɔ mahyɛ ne, ofikyɛ bosome Abibo nu yeɛ etuli wɔ bo fili Misraim ɔ.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Ɛksadɔso 7:4

nakoso Faro ngɔtɛ ɛmɔ so. Ngɔfa me tumi ngɔhwe Misraim so, na ngɔfa asohwenɛ piri so ngɔye me lɔen, me mmenia Yisraelfoɛ, ngofi Misraim aseɛ so.

Yeremia 34:13

“AWURADE Yisrael Nyameɛ nwa nyoo: Mmerɛ bɔ nyele ɛmɔ nana mɔ mvili ngoaasolɛ tebea nu wɔ Misraim aseɛ so mmale ne, me ne bɛ yɛyɛle apam kyɛ,

Daniel 9:15

Na afei, AWURADE yɛ Nyameɛ bɔ ɛnate wɔ tumi piri so ɛyele wɔ maen fili Misraim aseɛ so wale, bɔ ale dumaa maa waadwu ɛnɛ ɔ, yayɔ bɔne, yayɔ bɔ bɛnyɔ ɔ.

Mateo 10:12

Sɛ ɛmɔwura awuro bie anu a, ɛ́mɔbisa berɛ ama ahye.

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

1 Korintofoɛ 11:24

ɔlale ase, na obubuli nu, na ɔhane kyɛ, “[Ɛmɔle beli.] Ɛhe te me nipadua bɔ bébubu bɛ́ma ɛmɔ ɔ; ɛ́mɔyɔ he bɛ́fa bɛ́kaye me.”

1 Korintofoɛ 5:8

Yiti nnɛmɔma yɛfa mɔle harewaa daa ne, bɔ ɔte bɔne ne amumuyɛɛ yɛdi aluolue ne, na mmom ɛ́mɔma yɛfa mɔle kabrɛdi bɔ ɔte adwene bɔ nu te ɔne nahorɛlilɛ ne yeɛ yɛli ɔ.

Ɛfesofoɛ 1:19

Mesrɛ kyɛ, ɔma ɛmɔnwu ye tumi totohyia bɔ ɔbo so ma yɛ bɔ yɛde yɛdi ne, kyɛbɔ ye anwoserɛ tumi nikyeeyɔlɛ

Deuteronomi 13:10

Fa nyɔboɛ boro ye ku ye, ofikyɛ AWURADE wɔ Nyameɛ bɔ ɔyele wɔ fili Misraim aseɛ so, fili ngoaasolɛ nu ne, ahaa sɔ sona ne maa ɛtwe wɔ nwo fi ye nwo.

Deuteronomi 13:11

Na Yisraelfoɛ amukoraati bɛkɔte, bekosuro, na bɛngɔyɔ amumuyɛɛ bɔ ɔte sɔaa ko wɔ ɛmɔ nu.

Deuteronomi 13:5

Nakoso sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne de, ɛ́mɔhu ye, ofikyɛ wafa ye noa dwirɛ wabɔ mmenia asɔne wafi AWURADE wɔ Nyameɛ bɔ ɔyele ɛmɔ fili Misraim aseɛ so, ná olele wɔ fili ngoaasolɛ nu ne nwo. Na ɔtwetwe wɔ fi atee bɔ AWURADE wɔ Nyameɛ hyɛle wɔ kyɛ ɛfa so ne aso. Yiti ɔsɛ kyɛ etu bɔne ne bo fi wɔ nu.

Deuteronomi 13:6

“Na sɛ eliɛma bienzua, ɛse awa bienzua anaa eni awa bienzua, anaa ɛwa bienzua anaa brasua, anaa ɛye bɔ ɔla w’ahone nwo, anaa ebiɛngo bɔ ɛne ye bɛbɔ kyiremvua bɛtafe po lakalaka wɔ ahameɛ kyɛ, ‘Maa yɛɛso nyameɛ foforɛ biemɔ’ (bɔ wɔ anaa wɔ nana mɔ bɛnze bɛ),

Deuteronomi 15:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ lele wɔ. Na ɛhe ati yeɛ ɔmaa ɛnɛ kyẽa ye méhyɛ mmeraa he méma wɔ ɔ.

Deuteronomi 16:1

Di Abɔtra aluolue ne hyɛ AWURADE wɔ Nyameɛ animnyam wɔ bosome Abibo nu, ofikyɛ bosome Abibo nu yeɛ AWURADE wɔ Nyameɛ yele wɔ fili Misraim kɔngɔen ɔ.

Deuteronomi 16:12

Kaye kyɛ né ɛte kanga wɔ Misraim, ná di sɔ ahyɛdeɛ nemɔ aso nahorɛ nu.

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.

Deuteronomi 24:18

Kaye kyɛ né ɛte kanga wɔ Misraim, na AWURADE wɔ Nyameɛ lele wɔ fili berɛ; yiti méhyɛ wɔ kyɛ di sɔ dwirɛ he aso.

Deuteronomi 24:22

Kaye kyɛ né ɛte kanga wɔ Misraim aseɛ so; yiti méhyɛ wɔ kyɛ di sɔ dwirɛ he aso.

Deuteronomi 26:8

Yiti AWURADE nate tumi piri ne tumi asaa so, tumi nnwumaa, nzɛngyerɛnneɛ ne anwanwadeɛ so yele yɛ fili Misraim.

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Deuteronomi 5:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ nate tumi piri ne tumi asaa so yele wɔ fili berɛ. Ye sɔ ne ati, AWURADE wɔ Nyameɛ ahyɛ wɔ kyɛ eli afofikyẽa ne aso.

Deuteronomi 5:6

“ ‘Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Deuteronomi 6:12

nea yé né wɔ wora amvi AWURADE bɔ ɔyele wɔ fili Misraim aseɛ so, fili ngoaasolɛ nu ne.

Deuteronomi 6:21

wɔ koso bua ɛwa ne kyɛ, ‘Né yɛte Faro nganga wɔ Misraim, nakoso AWURADE nate tumi piri so yeɛ ɔyele yɛ fili Misraim ɔ;

Deuteronomi 7:8

Na mmom, AWURADE kuro ɛmɔ dwirɛ, yeɛ osa di ndaen bɔ ɔta hyirele ɛmɔ nana mɔ ne aso. Na ɛhe ati yeɛ ɔmaa AWURADE nate tumi piri so yele ɛmɔ ɔ, na ɔyele ɛmɔ fili ngoaasolɛ nu, fili Misraim hene Faro sa nu.

Deuteronomi 8:14

ye de nea yé né anwomasoɛ amma wɔ nu, ná wɔ wora amvi AWURADE wɔ Nyameɛ bɔ ɔyele wɔ fili Misraim aseɛ so, fili ngoaasolɛ nu ne;

Deuteronomi 9:12

Afei AWURADE sele me kyɛ, ‘Dwɔso ná fi wa dwu kɔ aseɛnwo dɔ ndɛndɛ, ofikyɛ wɔ mmenia bɔ ɛɛyele bɛ fili Misraim wale ne babɔ musue. Edwirɛ bɔ nhyɛle bɛ kyɛ beli so ne, bali ye nwo makyebu ndɛndɛ so; na bahuro nikyee bayɔ amoen baso ye.’

Yosua 24:17

Ofikyɛ AWURADE yɛ Nyameɛ yeɛ ɔyele yɛ ne yɛ nana mɔ fili Misraim aseɛ so ngoaasolɛ nu wale ɔ. Na nzɛngyerɛnneɛ mbiri mbiri bɔ yɛnwuni ye ne, ye yeɛ ɔyɔle ɔ. Atee bɔ yɛfale so ne amukoraa, yeɛ maen maen mukoraa bɔ yɛɛfale so ne, ɔbɔle yɛ nwo waen fili nu.

Maenbulɛfoɛ 2:12

Na AWURADE bɔ ɔte bɛ nana mɔ Nyameɛ bɔ ɔyele bɛ fili Misraim aseɛ so ne de, bɛyakyili ye si lilɛ. Nyameɛ foforɛ biemɔ bɔ bɛwɔ maen maen bɔ bapɛ bɛ nwo bayia nemɔ aso ne, beelili bɛ si, bɛsɔnene bɛ, na bewurale AWURADE apue mane ye ahone huli.

Maenbulɛfoɛ 6:8

na AWURADE somane ngɔmhyɛlɛniɛ wɔ Yisraelfoɛ berɛ maa oosele bɛ kyɛ, “AWURADE Yisrael Nyameɛ nwa nyoo: Me yeɛ nyele ɛmɔ mvili Misraim, ná nyele ɛmɔ mvili ngoaasolɛ nu ɔ.