Ɛksadɔso 13:18 - AHYERƐLƐ KRONGRON

¹⁸ Yiti ɛserɛ so atee bɔ ɔkɔ Ɛpo Kɔkorɛ nwo ne, Nyameɛ mane mmenia ne makye fale so. Na Yisraelfoɛ tu fili Misraim aseɛ so bɛhɔle kyɛ mmenia bɔ bɛ́kɔ koɛ ɔ.

Ɛksadɔso 13:18 Iomraidhean Croise

Gyenesise 50:25

Yosef mane Yisrael mma nemɔ tale ndaen hyirele ye, na ɔhane kyɛ, “Nyameɛ kɔɔye ɛmɔ kofi wa. Na sɛ ɔba ye sɔ a, ɛ́mɔsoa me mmowue béfi wa bɛhɔ.”

Edwein 107:7

Olili bɛ nyunu fale bɛ fale atee tee so maa benyane kuro bɛtenane so.

Edwein 136:16

ye bɔ olili ye maen nyunu fale ɛserɛ ne aso ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 68:8

aseɛ wosole, na nyameɛso tɔle esue guale ase wɔ Nyameɛ, Yisrael Nyameɛ nyunu, na Sinai wosole wɔ Nyameɛ nyunu.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 14:2

“Ka kyire Yisraelfoɛ kyɛ besa bɛ si beesi asikyeleɛ wɔ Pi Hahirote nyunu, wɔ Migidol ne ɛpo ne b’afia, wɔ Baal Sefon nyunu. Ye ndendeneɛ so yeɛ ɔsɛ kyɛ ɛmɔsi asikyeleɛ ne ɔ, wɔ ɛpo ne anoa.

Ɛksadɔso 14:9

Misraimfoɛ pole bɛ so: Faro mbɔngɔ mɔ ne teaseɛnam amukoraa, ye pɔngɔhanɛfoɛ ne ye asraafoɛ amukoraa, na bɛɛtole bɛ kyɛ basi asikyeleɛ wɔ ɛpo ne noa wɔ Pi Hahirote, wɔ Baal Sefon nyunu.

Deuteronomi 17:16

Nakoso sona bɔ okoli hene ne de, ɔnzɛ kyɛ ɔma ye mbɔngɔ mɔ sone pee, yeɛ ɔnzɛ kyɛ ɔma mmenia ne sá kɔ Misraim kyɛ ɔkwaapena mbɔngɔ pee, ofikyɛ AWURADE aha ahyire ɛmɔ kyɛ, ‘Ɔnzɛ kyɛ ɛmɔsa bɛ si bɛfa sɔ atee ne aso ko.’

Deuteronomi 32:10

“Onwuni ye wɔ ɛserɛ so, ɛserɛ pralaa suronyisuronyi so; ɔfale ye wurale ye kunu, ɔneane ye so, na ɔbɔle ye nwo waen kyɛ ye nye kyiremvua.

Yosua 1:14

Ɛmɔ aye mɔ, ɛmɔ mma mɔ, ɔne ɛmɔ nyɛmmoa kɔha asue Yɔɔdan si aseɛ bɔ Mose fa mane ɛmɔ ne aso. Nakoso ɛmɔ nu koɛhonɛfoɛ ne amukoraa de, ɔsɛ kyɛ bɛfa b’akodeɛ bɛpɛ asue ne bedi ɛmɔ aliɛma nemɔ anyunu moa, ná bɛboka bɛ,

Yosua 4:12

Rubenfoɛ ne Gadefoɛ ne Manase abusua kure ne bue pɛle asue ne. Né betiratira akodeɛ beli Yisraelfoɛ nyunu moa, kyɛbɔ Mose hyɛle bɛ ne.

Yosua 4:13

Mmenia kɔyɛ apee aburanna, bɔ basiesie bɛ nwo bɛkɔ koɛ yeɛ bɛpɛle asue ne ɔ, na bɛhɔle koɛ wɔ Yeriko aseɛ frɛtɛɛ ne aso wɔ AWURADE nyunu.