Ɛksadɔso 13:15 - AHYERƐLƐ KRONGRON

¹⁵ Ofikyɛ mmerɛ bɔ Faro bubuli mmakaa tuale ye so kyɛ ɔngɔma yɛngɔhɔ nen, AWURADE huhuni Misraim aseɛ so bamuɛbaa mukoraati, fite mmenia bamuɛbaa mɔ so, maa oodwuli nyɛmmoa bamuɛbaa mɔ so. Na ɔnate sɔ ati yeɛ mefa kaka bamuɛbaa bienzua biala mebɔ afɔleɛ mema AWURADE ɔ. Nakoso me mma mɔ bɛ nu bamuɛbaa bienzua biala de, mepɔ ye (mefi AWURADE berɛ).’

Ɛksadɔso 13:15 Iomraidhean Croise

Edwein 105:36

Ohuhuni bɛ maen ne anu bamuɛbaa amukoraa, bɔ bɛte bɛ bienzua nu anwoserɛ amukoraa bɔ oli moa ne.

Ɛksadɔso 12:29

Ye abunnamu ne, AWURADE huhuni Misraim aseɛ so bamuɛbaa mmienzua mukoraati, fite Faro bamuɛbaa bienzua bɔ ɔtena ye bia so ɔ so, kodwu sona bɔ bahye ye nnure bawura kuku nu ye bamuɛbaa so, ɔne nyɛmmoa mɔ bɛ bamuɛbaa mɔ so.

Ɛksadɔso 3:19

Me de, mese kyɛ Misraim hene ngɔma ɛmɔ ate ma ɛmɔngɔhɔ, sana tumi piri bie hyɛ ye so koraka.

Ɛksadɔso 34:20

Fa boaen ba sesã afunum bamuɛbaa biala, nakoso sɛ anzesã ye de a, ye de bu afunum ne kɔme anu. Wɔ mma nemɔ anu bamuɛbaa bienzua biala, odi kyɛ ɛpɔ ye fi AWURADE berɛ. Nnɛma ebiala fa ye sa mbaen ba me nyunu.

Ɛksadɔso 4:23

Na mekã mekyire wɔ kyɛ, “Ma mma ne ɔhɔ ɔɔsɔne me.” Na sɛ amma ye ate ma wangɔ a, ngohũ wɔ bamuɛbaa bienzua.’ ”

Numeri 18:15

Abɔdeɛ biala, kyɛ sona oo, kyɛ kaka oo, ye bamuɛbaa bɔ bɛkɔfa bɛkɔma AWURADE ne, ɔte wɔ deɛ. Nakoso kuro sona bamuɛbaa mɔ de, odi kyɛ ɛpɔ bɛ, yeɛ ngaka bɔ bɛ nwo nde mɔ bamuɛbaa mɔ koso, odi kyɛ ɛpɔ bɛ.

Numeri 3:46

Na kyɛ ɔkɔyɛ ná ɛkɔpɔ Yisraelfoɛ bamuɛbaa ɛyaa nyɔ ne aburasoo ne nza, bɔ bɛbo Lewifoɛ ne somaa so nen,