Ɛksadɔso 13:14 - AHYERƐLƐ KRONGRON

¹⁴ Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:14 Iomraidhean Croise

Gyenesise 30:33

Yiti kyẽa bie sɛ ɛbaneanea m’akatuaa nu a, me nahorɛlilɛ kobua me be. Sɛ enwu abɔngye bɔ ye nwo ɔtte kyerekyerɛɛ anaa ndetaa ndetaa, anaakyɛ boaen ba bɔ ɔtte bire wɔ me deɛ nu a, bu sɔ kaka ne kyɛ mawua.”

1 Aberɛso Dwirɛ 16:12

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Nehemia 1:10

Bɛte wɔ somvoɛ mɔ ne wɔ maen bɔ afa wɔ tumi piri ne w’anwoserɛ kandinga ne apepɛ ale bɛ ɔ.

Edwein 136:11

ye bɔ ɔyele Yisrael fili bɛ nu ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 145:4

Aworɛ ndoatoasoɛ ko kɔkamvo wɔ nnwumaa kohyire aworɛ ndoatoasoɛ foforɛ, ná wabɔ wɔ nnwumaa mbiri mbiri ne anwo dawure.

Edwein 78:4

Yɛngɔfa yɛngɔfea bɛ mma mɔ, na mmom aworɛ ndoatoasoɛ bɔ ɔba ye, yɛkɔhã yɛkohyire bɛ: AWURADE animnyam nnwumaa ne ye tumi, ɔne anwanwadeɛ mɔ bɔ wayɔ ɔ.

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 12:41

Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 13:8

Na sɔ kyẽa ne, kyire nu kyire ɛwa kyɛ, ‘Ɔnate nikyee bɔ AWURADE yɔ mane me wɔ mmerɛ bɔ mvili Misraim ne ati ɔ.’

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Yeremia 34:13

“AWURADE Yisrael Nyameɛ nwa nyoo: Mmerɛ bɔ nyele ɛmɔ nana mɔ mvili ngoaasolɛ tebea nu wɔ Misraim aseɛ so mmale ne, me ne bɛ yɛyɛle apam kyɛ,

Daniel 9:15

Na afei, AWURADE yɛ Nyameɛ bɔ ɛnate wɔ tumi piri so ɛyele wɔ maen fili Misraim aseɛ so wale, bɔ ale dumaa maa waadwu ɛnɛ ɔ, yayɔ bɔne, yayɔ bɔ bɛnyɔ ɔ.

Asomafoɛ 13:17

Yisrael Nyameɛ neaneane nu yele yɛ nana mɔ, na ɔyɛle bɛ mmeni titire wɔ mmerɛ bɔ né bɛte amanvrafoɛ wɔ Misraim aseɛ so ne. Nyameɛ nate ye tumi piri so yele bɛ fili Misraim,

Deuteronomi 5:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ nate tumi piri ne tumi asaa so yele wɔ fili berɛ. Ye sɔ ne ati, AWURADE wɔ Nyameɛ ahyɛ wɔ kyɛ eli afofikyẽa ne aso.

Deuteronomi 5:6

“ ‘Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Deuteronomi 6:12

nea yé né wɔ wora amvi AWURADE bɔ ɔyele wɔ fili Misraim aseɛ so, fili ngoaasolɛ nu ne.

Yosua 22:24

Nna sɔ ɔ! Ɛhe ati yeɛ yɛsili ɔ: Né yɛsuro kyɛ kyẽa bie ɛmɔ mma kɔha kohyire yɛ mma kyɛ, ‘Nzikyɛ ngitahoɛ koraa yeɛ ɔla ɛmɔ ne AWURADE Yisrael Nyameɛ b’afia ɔ?

Yosua 24:17

Ofikyɛ AWURADE yɛ Nyameɛ yeɛ ɔyele yɛ ne yɛ nana mɔ fili Misraim aseɛ so ngoaasolɛ nu wale ɔ. Na nzɛngyerɛnneɛ mbiri mbiri bɔ yɛnwuni ye ne, ye yeɛ ɔyɔle ɔ. Atee bɔ yɛfale so ne amukoraa, yeɛ maen maen mukoraa bɔ yɛɛfale so ne, ɔbɔle yɛ nwo waen fili nu.

Yosua 4:6

amaa ɔnate so wayɛ ngayeɛ wama ɛmɔ. Na sɛ kyẽa bie ɛmɔ mma mɔ bisa ɛmɔ kyɛ, ‘Sɔ nyɔboɛ hemɔ, bɛ bo kyire sɛɛ?’ a,

Maenbulɛfoɛ 2:12

Na AWURADE bɔ ɔte bɛ nana mɔ Nyameɛ bɔ ɔyele bɛ fili Misraim aseɛ so ne de, bɛyakyili ye si lilɛ. Nyameɛ foforɛ biemɔ bɔ bɛwɔ maen maen bɔ bapɛ bɛ nwo bayia nemɔ aso ne, beelili bɛ si, bɛsɔnene bɛ, na bewurale AWURADE apue mane ye ahone huli.

Maenbulɛfoɛ 6:8

na AWURADE somane ngɔmhyɛlɛniɛ wɔ Yisraelfoɛ berɛ maa oosele bɛ kyɛ, “AWURADE Yisrael Nyameɛ nwa nyoo: Me yeɛ nyele ɛmɔ mvili Misraim, ná nyele ɛmɔ mvili ngoaasolɛ nu ɔ.