Ɛksadɔso 13:12 - AHYERƐLƐ KRONGRON

¹² tu abɔdeɛ biala bɔ okoli moa kofi koɛsɛen nu kɔwa ne sie berɛ ma AWURADE. Wɔ nyɛmmoa mɔ bɛ bamuɛbaa bienzua mukoraa te AWURADE deɛ.

Ɛksadɔso 13:12 Iomraidhean Croise

Nehemia 10:36

Afei koso, yɛkɔfa yɛ bamuɛbaa mmienzua mɔ ne yɛ nandwie mɔ, mmoaen mɔ ne abɔngye mɔ bɛ mma mɔ bɔ oli moa ne yɛkɔhɔ yɛ Nyameɛ awuro yɛkɔɔma asɔfo bɔ bɛyɔ Nyameɛ awuro berɛ ɛsɔnenɛ adwuma ne, kyɛbɔ bahyerɛ ye wɔ mmeraa ne anu ne.

Nehemia 10:37

Yɛkɔfa ɛhemɔ yɛkɔbrɛ asɔfo nemɔ maa bɛkɔfa bekogua Nyameɛ awuro berɛ pumbu nemɔ anu: yɛ mɔle nu paa paa ne, y’akyɛdeɛ mɔ, bakaa biala so mmaa, nzaa ne ngoo. Yɛ fieso aleɛ wora, yɛkɔfa buru nu ngyɛmuɛ ko yɛkɔbrɛ Lewifoɛ nemɔ, ofikyɛ Lewifoɛ yeɛ odi kyɛ bede buru nu ngyɛmuɛ ko ne befi yɛ nguraa nemɔ amukoraa nu ɔ.

Ɛksadɔso 13:1

AWURADE sele Mose kyɛ,

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Ɛksadɔso 22:28

“Nnɛkã edwirɛ tɛɛ tia Nyameɛ, yeɛ nnɛnoma wɔ maen panyi.

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 34:19

Koɛsɛen biala nu bamuɛbaa te me deɛ: wɔ nyɛmmoa nyii bamuɛbaa mukoraati, nandwie oo, boaen oo, ɔte me deɛ.

Ɛksadɔso 34:20

Fa boaen ba sesã afunum bamuɛbaa biala, nakoso sɛ anzesã ye de a, ye de bu afunum ne kɔme anu. Wɔ mma nemɔ anu bamuɛbaa bienzua biala, odi kyɛ ɛpɔ ye fi AWURADE berɛ. Nnɛma ebiala fa ye sa mbaen ba me nyunu.

Hesekiel 16:20

Na wɔ mma mmienzua ne wɔ mma mmrasua bɔ ɛwole bɛ mane me ne, ɛfale bɛ bobɔle afɔleɛ mane mmosoen nemɔ kyɛ beli. Wɔ gyandera ne, aso ɔte nikyee kaaba,

Hesekiel 44:30

Na fieso nningyein mukoraa nu mmaa bɔ oli moa ne, nu paa paa ne, ɔne afɔleɛ ahoroɔ biala bɔ ofi ɛmɔ afɔleɛ mukoraa nu ne, ɔkɔyɛ asɔfo nemɔ deɛ. Na ɛmɔ mɔle bɔ oli moa ne koso, odi kyɛ ɛmɔfa bɛma asɔfo nemɔ, amaa ɔnate so saleɛ awa ɛmɔ awuro.

Lewitikɔso 27:26

“Nnɛma ebiala tu kaka biala bamuɛbaa sie berɛ ma AWURADE; ɔnate kyɛ ɔte bamuɛbaa ne ati, ɔte AWURADE deɛ. Kyɛ nandwie ahɔ oo, anaa boaen ahɔ oo, AWURADE deɛ ɔ.

Numeri 18:15

Abɔdeɛ biala, kyɛ sona oo, kyɛ kaka oo, ye bamuɛbaa bɔ bɛkɔfa bɛkɔma AWURADE ne, ɔte wɔ deɛ. Nakoso kuro sona bamuɛbaa mɔ de, odi kyɛ ɛpɔ bɛ, yeɛ ngaka bɔ bɛ nwo nde mɔ bamuɛbaa mɔ koso, odi kyɛ ɛpɔ bɛ.

Numeri 3:12

“Nea, maye Lewifoɛ ne mafi Yisraelfoɛ nu, na mafa bɛ masi Yisraelfoɛ bamuɛbaa mɔ amukoraa bɛ gya nu. Lewifoɛ mɔ kɔyɛ me deɛ,

Numeri 3:13

ofikyɛ bamuɛbaa amukoraa te me deɛ. Mmerɛ bɔ ngukuni Misraim aseɛ so bamuɛbaa amukoraa ne, nduli Yisrael bamuɛbaa amukoraa nziele berɛ mane me nwo, kyɛ mmenia deɛ oo, kyɛ ngaka deɛ oo; bɛte me deɛ. Me ole AWURADE.”

Numeri 8:17

Ofikyɛ Yisraelfoɛ bamuɛbaa amukoraa, kyɛ sona oo, kyɛ kaka oo, ɔte me deɛ. Kyẽa bɔ nguni bamuɛbaa amukoraa wɔ Misraim aseɛ so ne yeɛ nduli bɛ nziele berɛ mane me nwo ɔ.

Luka 2:23

(kyɛbɔ bahyerɛ ye Awurade mmeraa ne anu kyɛ, “Bamuɛbaa bienzua biala bɔ okoli moa kofi koɛ ne anu kɔwa ne, bɛkɔfrɛ ye krongron bɛkɔma Awurade”)

Deuteronomi 15:19

“Wɔ nandwie ne mmoaen mɔ bɛ bamuɛbaa bienzua biala, tu bɛ sie berɛ ma AWURADE wɔ Nyameɛ. Nnɛfa wɔ nandwie bamuɛbaa yɔ adwuma, yeɛ nnɛpepɛ wɔ boaen bamuɛbaa nwiaa.