Ɛksadɔso 13:11 - AHYERƐLƐ KRONGRON

¹¹ Na sɛ AWURADE fa wɔ kodwu Kanaanfoɛ aseɛ so, ná ɔfa ma wɔ, kyɛbɔ ɔtale ndaen hyirele wɔ ne wɔ nana mɔ ne a,

Ɛksadɔso 13:11 Iomraidhean Croise

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Gyenesise 28:15

Nea, ngyi wɔ si na ngɔbɔ wɔ nwo waen nekaa biala bɔ ɛkɔhɔ ɔ, na ngosa ngɔfa wɔ ngɔwa aseɛ ye aso. Ofikyɛ mengɔyakyi wɔ nu kɔpem kyɛ ngɔyɔ bɔ mafa mahyɛ wɔ bɔ ne amu ɔ.”

Edwein 105:42

Ofikyɛ ɔkayele ye bɔhyɛ krongron ne, ɔne ye somvoɛ Abraham.

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 32:13

Kaye wɔ ngoaa Abraham, Yisake ne Yisrael bɔ ɛtale wɔ bɔbɔ wɔ nwo ndaen sele bɛ kyɛ, ‘Ngɔma ɛmɔ boso ama kɔsone pee kyɛ ewienu nzramaa; na aseɛ he amukoraati bɔ mabɔ ye nwo anohoba ne, ngɔfa ngɔma ɛmɔ boso ama, na ɔkɔyɛ bɛ deɛ afebɔɔ.’ ”

Numeri 11:12

Aso me yeɛ mvale mmenia hemɔ amukoraati mmale wiase ɔ? Me yeɛ nwole bɛ ɔ, bɔ yeɛ ɛkã kyire me kyɛ, ‘Dodo bɛ kyɛbɔ baanealɛniɛ ododo adɔma bɔ otua nyɔfone noa ɔ’, ná mva bɛ ngɔ aseɛ bɔ ɛtale ndaen fa hyɛle bɛ nana mɔ bɔ ne aso ɔ?