Ɛksadɔso 12:8 - AHYERƐLƐ KRONGRON

⁸ Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Ɛksadɔso 12:8 Iomraidhean Croise

2 Aberɛso Dwirɛ 35:13

Bɛtotone Abɔtra naen ne wɔ see nu kyɛbɔ nhyehyɛleɛ ne kyire ne, na afɔleɛ krongron nemɔ, bɛtone ye wɔ ngukue nu, dadesɛn mɔ nu ne kyɛnzee mɔ nu, na bɛfa bɛmane maen mmaa ne amukoraa ndɛndɛ so.

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Ɛksadɔso 1:14

Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.

Ɛksadɔso 12:9

Nnɛma ɛmɔdi ye monɛ, yeɛ nnɛma ɛmɔfa nzue bɛto, na mmom ɛ́mɔtoto: ye ti, ye gya ne ye kunu nningyein ne boka so.

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 13:7

Ɛlɛsoo yeɛ ɛ́mɔli paanoo kabrɛdi ɔ; ɔnzɛ kyɛ benwu paanoo harewaa biala wɔ ɛmɔ berɛ, anaa mɔle harewaa wɔ ɛmɔ aseɛ so nekaa biala.

Ɛksadɔso 23:18

“Mogya bɔ ɛfa bɔ afɔleɛ ma me ne, nnɛfa paanoo harewaa boka so; yeɛ nnɛma aleɛ kye ɛloe bɔ ɔwɔ m’afɔleɛ nu ne aso.

Ɛksadɔso 34:25

“Mogya bɔ ɛfa bɔ afɔleɛ ma me ne, nnɛfa paanoo harewaa boka so; yeɛ naen bɔ ɛfa bɔ Abɔtra aluolue afɔleɛ ne, nnɛma ebie ka ma aleɛ kye so.

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Amose 4:5

Ao ɛmɔ, Yisraelfoɛ, ɛ́mɔfa paanoo harewaa bɛ́bɔ asennaa afɔleɛ. Ɛ́mɔbɔ akyɛdeɛ afɔleɛ nwo dawure, ɛ́mɔfa bɛ́to dwaa, ofikyɛ bɔ ɛmɔkuro kyɛ ɛmɔyɔ hɔ ɛne,” AWURADE Nyameɛ noa dwirɛ ɛne.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 16:12

Afei bɛtele ye bo kyɛ nna paanoo harewaa yeɛ osele bɛ kyɛ bɛ́nea bɛ nwo yé wɔ ye nwo ɔ, na mmom Farasiifoɛ ne Sadusiifoɛ bɛ ngyerɛkyerɛ nwo.

Mateo 26:26

Bɛwɔ so bɔ bedidi nen, Yesu fale paanoo, oyirale so, obubuli nu, ɔfa mane asuafoɛ nemɔ, na ɔhane kyɛ, “Ɛ́mɔle beli; ɛhe te me nwonaen.”

Galatiafoɛ 5:9

Mɔle harewaa kãa bie yeɛ ɔma mɔle torɛ ne amu keka ɔ.

Deuteronomi 16:7

To naen ne, ná di ye wɔ nekaa bɔ AWURADE wɔ Nyameɛ kɔneanea nu kɔye kosie berɛ ne. Na aleɛ kye ngyerɛmɔ a, sá kɔ wɔ tena sua nu.

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.