Ɛksadɔso 12:6 - AHYERƐLƐ KRONGRON

⁶ Ɛ́mɔfa ye bésie toonn ma odwu bosome he anu kyẽa bɔ ɔtɔ so buru ne nna ne, na afei Yisrael maen ne amukoraa behũhũ bɛ mmoaen ne nɔsoa.

Ɛksadɔso 12:6 Iomraidhean Croise

2 Aberɛso Dwirɛ 35:1

Yosia lili Abɔtra aluolue hyɛle AWURADE animnyam wɔ Yerusalem. Bosome bɔ oli moa ne, ye kyẽa bɔ ɔtɔ so buru ne nna ne aso yeɛ behuni Abɔtra boaen ne ɔ.

Ɛsra 6:19

Bosome bɔ oli moa ne anu, ye kyẽa bɔ ɔtɔ so buru ne nna ne, mmenia bɔ befili nnurehyelɛ nu bɛwale ne, belili Abɔtra aluolue ne.

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:17

Ɔsɛ kyɛ ɛmɔdi Paanoo Kabrɛdi aluolue ne, ofikyɛ sɔ kyẽa ne yeɛ nyele ɛmɔ amukoraati mvili Misraim aseɛ so ɔ. Yiti ɛ́mɔtu sɔ kyẽa ne besie berɛ beli sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:18

Bosome bɔ oli moa ne anu, kyẽa bɔ ɔtɔ so buru ne nna ne ye nɔsoa, bɔ ɔkwaadwu kyẽa bɔ ɔtɔ so aburanyɔ ne ko ne ye nɔsoa, ɛ́mɔli paanoo kabrɛdi.

Ɛksadɔso 12:47

Ɔsɛ kyɛ Yisraelfoɛ mukoraati bedi sɔ aluolue ne.

Ɛksadɔso 16:1

Yisraelfoɛ tuli bɛ bo befili Elim, na Yisrael ɛlɔen ne amukoraa wale Sin ɛserɛ bɔ ɔla Elim ne Sinai b’afia ne aso. Betu befili Misraim aseɛ so ne, bosome bɔ ɔtɔ so nyɔ ne anu, kyẽa bɔ ɔtɔ so buru ne nnu ne aso yeɛ bedwuli Sin ɛserɛ ne aso ɔ.

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 19:1

Yisraelfoɛ tuli bɛ bo befili Misraim aseɛ so ne, ye bosome bɔ ɔtɔ so nza ne anu, kyẽa bɔ oli moa ne yeɛ bedwuli Sinai ɛserɛ ne aso ɔ.

Ɛksadɔso 29:39

Fa boaen akrɔngrɔma ko bɔ afɔleɛ ngyerɛmɔ, ná fa ko ne koso bɔ afɔleɛ nɔsoa.

Ɛksadɔso 29:41

Boaen akrɔngrɔma ko bɔ waha ne, fa bɔ afɔleɛ nɔsoa. Fa aleɛ afɔleɛ ne anonneɛ afɔleɛ ne boka so kyɛ ngyerɛmɔ deɛ ne ala. Maa ɔbo fonafona, na ɔte afɔleɛ bɔ bɛfa see bɛyera ye bɛma AWURADE ɔ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Hesekiel 45:21

“Bosome bɔ oli moa ne, ye eleburu ne nna ne aso, ɛ́mɔli Abɔtra aluolue ne, na ɛ́mɔli paanoo kabrɛdi ɛlɛsoo.

Lewitikɔso 23:5

Bosome bɔ oli moa ne, ye kyẽa bɔ ɔtɔ so buru ne nna ne, ye nɔsoa, odi kyɛ ɛmɔbɔ Abɔtra afɔleɛ bɛma AWURADE.

Numeri 28:16

Bosome bɔ oli moa ne, ye kyẽa bɔ ɔtɔ so buru ne nna ne, odi kyɛ bɛbɔ Abɔtra afɔleɛ bɛma AWURADE.

Numeri 28:18

Kyẽa bɔ oli moa ne, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 9:11

Kyẽa bɔ ɔtɔ so buru ne nna wɔ bosome bɔ ɔtɔ so nyɔ ne anu ne, aleɛ dwo a yeɛ odi kyɛ bedi Abɔtra ne ɔ. Odi kyɛ bɛfa paanoo kabrɛdi ne awɔwee nyaa yeɛ bɛboka so bedi ɔ.

Mateo 27:20

Yeɛ asɔfo mbanyi ne maen mbanyi nemɔ bɛyele bɛ nye bewurale ɛlɔen ne kyɛ bɛsrɛ ma ɔyakyi Baraba, ná behũ Yesu.

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Marko 15:1

Na aleɛ baahye ne, ndɛndɛ so, asɔfo mbanyi ne maen mbanyi ne ahyerɛlɛfoɛ ne badwafoɛ ne amukoraa bɛhɔle agyina, na bɛkyekyele Yesu bɛfale ye beewurale Pilato sa.

Marko 15:11

Nakoso asɔfo mbanyi nemɔ pesa wurale ɛlɔen ne noa maa bɛsrɛle ye kyɛ ɔyakyi Baraba mmom ma bɛ.

Marko 15:25

Ngyerɛmɔ nnɔngono yeɛ bɛbɔle ye mmeamudua nu ɔ.

Marko 15:8

Na ɛlɔen ne wale, na bɛhyɛle ye bo bɛsrɛle Pilato serɛserɛ so kyɛ, kyɛbɔ ɔyɛ a ɔyɔ ma bɛ ne, ɔ́yɔ ma bɛ.

Luka 23:1

Afei mmenia worawora ne amukoraa bedwɔsole, na bɛfale ye bɛhɔle Pilato nyunu.

Luka 23:18

Na bɛ mukoraa bɛbɔle nu bɛteane nu kyɛ, “Ye akoaa he fi berɛ, ná yakyi Baraba ma yɛ!”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 3:14

Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Yosua 5:10

Mmerɛ bɔ né Yisraelfoɛ wɔ asikyeleɛ berɛ wɔ Gilgal nen, bosome ne anu kyẽa bɔ ɔtɔ so buru ne nna ne, ye nɔsoa ne, belili Abɔtra ne wɔ Yeriko aseɛ frɛtɛɛ ne aso.