Ɛksadɔso 12:41 - AHYERƐLƐ KRONGRON

⁴¹ Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 12:41 Iomraidhean Croise

Gyenesise 50:24

Yeɛ Yosef sele oliɛma nemɔ kyɛ, “Mebaawu, nakoso Nyameɛ kɔɔnea ɛmɔ. Na aseɛ bɔ ɔtale ye nwo ndaen hyirele Abraham ne Yisake ne Yakob ne, ɔkɔye ɛmɔ kofi aseɛ he aso ɔkɔfa ɛmɔ kɔhɔ so.”

1 Ahemvo 6:1

Yisraelfoɛ fili Misraim aseɛ so bɛwale ne, ye afoɛ bɔ ɔtɔ so ɛyaa nna ne aburawɔtwɛ ne anu, né Solomon anya afoɛ nna wɔ Yisrael bia ne aso. Na bosome Siwe bɔ yeɛ ɔte bosome bɔ ɔtɔ so nyɔ ne anu, Solomon hyɛle ye bo sili AWURADE awuro ne.

2 Aberɛso Dwirɛ 14:12

Yiti AWURADE lili Yitiopiafoɛ nemɔ aso ngonim mane Asa ne Yuda maen, na Yitiopiafoɛ nemɔ nwatili.

Edwein 102:13

Ekodwɔso konwu Sion anwumvoin, ofikyɛ mmerɛ aso kyɛ ɛdo ye ɔ, mmerɛ bɔ ahyehyɛ ato berɛ ne waso.

Edwein 114:1

Mmerɛ bɔ Yisrael fili Misraim ne, bɔ Yakob boso ama fili maen bɔ bɛkã dwudwolɛ foforɛ so ne,

Edwein 136:11

ye bɔ ɔyele Yisrael fili bɛ nu ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Ɛksadɔso 12:17

Ɔsɛ kyɛ ɛmɔdi Paanoo Kabrɛdi aluolue ne, ofikyɛ sɔ kyẽa ne yeɛ nyele ɛmɔ amukoraati mvili Misraim aseɛ so ɔ. Yiti ɛ́mɔtu sɔ kyẽa ne besie berɛ beli sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 13:14

Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:16

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, anaa ngayeɛ wɔ wɔ nwoma so, ofikyɛ AWURADE nate tumi piri so yeɛ ɔyele yɛ fili Misraim ɔ.”

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 3:10

Yiti bra. Mésoma wɔ maa ɛkɔ Faro berɛ ɛkɔye me mmenia Yisraelfoɛ efi Misraim!”

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 6:26

Aarɔn ne Mose ole mmenia bɔ AWURADE ha hyirele bɛ kyɛ, “Ɛ́mɔye Yisraelfoɛ béfi Misraim aseɛ so, kyɛbɔ bɛ kure kure si te ɔ.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 7:4

nakoso Faro ngɔtɛ ɛmɔ so. Ngɔfa me tumi ngɔhwe Misraim so, na ngɔfa asohwenɛ piri so ngɔye me lɔen, me mmenia Yisraelfoɛ, ngofi Misraim aseɛ so.

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Lewitikɔso 23:43

amaa ɛmɔ aworɛ ndoatoasoɛ anwu kyɛ mmane Yisrael ama tenane asese nu mmerɛ bɔ nyele bɛ mvili Misraim aseɛ so ne: Me ole AWURADE ɛmɔ Nyameɛ.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Numeri 23:22

Nyameɛ bɔ ɔyele bɛ fili Misraim ne, ye anwoserɛ te kyɛ torɔen mmɛen ma bɛ.

Numeri 33:1

Yisraelfoɛ tuli bɛ bo koɛhonɛfoɛ kure kure fili Misraim aseɛ so, bɔ né Mose ne Aarɔn la bɛ noa ne, nekaa ahoroɔ bɔ bɛkyekyele asikyeleɛ mɔ ɛhe.

Yohane 7:8

Ɛmɔ de, ɛmɔhɔ aluolue ne abo. Na me de, mengɔhɔ aluolue ne abo, ɔnate kyɛ me mmerɛ ne onnya oddwuli.”

Asomafoɛ 1:7

Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

Deuteronomi 16:1

Di Abɔtra aluolue ne hyɛ AWURADE wɔ Nyameɛ animnyam wɔ bosome Abibo nu, ofikyɛ bosome Abibo nu yeɛ AWURADE wɔ Nyameɛ yele wɔ fili Misraim kɔngɔen ɔ.

Deuteronomi 4:37

Na ɔnate kyɛ ohurole wɔ nana mɔ dwirɛ ne ati, ɔpale nu yele bɛ bosofoɛ. Na ye bɔbɔ deinn ɔnate ye tumi piri so yeɛ ɔyele wɔ fili Misraim ɔ.

Yosua 24:5

Afei nzomane Mose ne Aarɔn, na nikyee bɔ nyɔle ye wɔ Misraim ne, ɔmane ɛhawo pirikua wale berɛ. Na ɛhe asi ne, nyele ɛmɔ mvili berɛ.

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”