Ɛksadɔso 12:37 - AHYERƐLƐ KRONGRON

³⁷ Yisraelfoɛ tu fili Ramese bɛhɔle Sukote. Mmienzua kɔyɛ apee ɛyaa nzia yeɛ bɛfale ase bɛhɔle ɔ; banga mmrasua ne ngwadaa bammoka so.

Ɛksadɔso 12:37 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 15:5

Afei Nyameɛ fale ye fitele, na osele kyɛ, “To wɔ nye anwuro na ka nzramaa nemɔ, na nea sɛ ɛkɔhora kɔha bɛ a.” Na osele ye kyɛ, “Sɔ ala yeɛ wɔ boso ama kɔyɛ ɔ.”

Gyenesise 46:3

Na osele kyɛ, “Me ole Nyameɛ, wɔ baba ye Nyameɛ, nnɛsuro kyɛ ɛkɔhɔ Misraim, ofikyɛ ngɔma wɔ bosofoɛ kɔyɛ maen kandinga wɔ dɔ.”

Gyenesise 47:11

Yeɛ Yosef bɔle ɔse ne oliɛma mɔ atenaseɛ, na ɔmane bɛ aseɛ bɔ ɔkye aleɛ paa wɔ Ramese mbɔtam wɔ Misraim maen nu, kyɛbɔ Faro hyɛle ne.

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 10:9

Na Mose sele kyɛ, “Yɛ ne yɛ ngwadaa ne yɛ mbanyi, yɛ mma mmienzua ne mmrasua, yɛ mmoaen ne yɛ nandwie mɔ yeɛ yɛkɔhɔ ɔ, ofikyɛ, ɔsɛ kyɛ yɛdi aluolue yɛhyɛ AWURADE animnyam.”

Ɛksadɔso 13:20

Betuli bɛ bo befili Sukote, na beesikyele Etam, wɔ ɛserɛ ne noa.

Ɛksadɔso 38:26

Sona horɛ biala tuale bika ko (bika ko te kilo ko nu ngyɛmuɛ ɛyaa nyɔ, kyɛbɔ nekaa krongron berɛ kilo nonɛ te ɔ). Bɛhale mmienzua mukoraa bɔ bali afoɛ aburanyɔ bɔ ɔkɔ ne, na né bɛte apee ɛyaa nzia ne nza ɔne ɛyaa nnu ne aburannu.

Numeri 1:2

“Ɛ́mɔha Yisraelfoɛ amukoraa, kyɛbɔ bɛ mmusua mmusua ne bɛ nana mɔ sasofoɛ te ɔ. Ɛmɔhyerɛ bienzua biala dumaa ngoko ngoko;

Numeri 1:46

bɛ mu bɛ somaa te apee ɛyaa nzia ne nza ɔne ɛyaa nnu ne aburannu.

Numeri 11:21

Na Mose buale kyɛ, “Mmenia bɔ ndua bɛ noa ye, bɛ somaa te apee sɔ alaa ɛyaa nzia. Nakoso ɛnwa, ‘Ngɔma bɛ naen maa bekoli ye bosome ko mumua’!

Numeri 2:32

Yisraelfoɛ bɔ bɛhale bɛ ne, bɛ somaa ɛne, kyɛbɔ bɛ nana mɔ bɛ sasofoɛ te ɔ. Asikyeleɛ ahoroɔ nemɔ anu mmenia bɔ bɛhale bɛ kure kure ne amukoraa, bɛ somaa te apee ɛyaa nzia ne nza ɔne ɛyaa nnu ne aburannu.

Numeri 26:51

Bɛhale Yisraelfoɛ ne, bɛ somaa te apee ɛyaa nzia ne ko, ɛyaa nzoo ɔne aburasa.

Numeri 33:3

Bosome bɔ oli moa, ye kyẽa bɔ ɔtɔ so buru ne nnu ne, besili nu befili Ramese. Belili Abɔtra ne, ye alehyeleɛ, Yisraelfoɛ sili bɛ hue betuli bɛ bo, bɔ né Misraimfoɛ nye tua bɛ ɔ.

Numeri 33:5

Yiti Yisraelfoɛ tuli bɛ bo fili Ramese, na bɛɛkyekyele asikyeleɛ wɔ Sukote.