Ɛksadɔso 12:27 - AHYERƐLƐ KRONGRON

²⁷ Ɛmɔhã kyɛ, ‘Ɔte Abɔtra afɔleɛ bɔ yɛbɔ yɛma AWURADE bɔ ohuhuni Misraimfoɛ ne. Nakoso odwuli Yisraelfoɛ awuro mɔ nwo wɔ Misraim nen, ɔpɛle nu hɔle maa yɛnyane yɛ ti yɛdidili nu.’ ” Na mmenia ne bɔle bɛ ti ase bɛsɔne (Nyameɛ).

Ɛksadɔso 12:27 Iomraidhean Croise

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

2 Aberɛso Dwirɛ 20:18

Yeɛ Yehosafate bɔle ye nu ase fale ye nyunu butuli ase. Na Yudafoɛ ne Yerusalemfoɛ amukoraa bɛfale bɛ nyunu bebutuli ase wɔ AWURADE nyunu bɛsɔnene AWURADE.

2 Aberɛso Dwirɛ 29:30

Nana Hesekia ne ye mbanyi nemɔ, bɛfale ahyɛdeɛ mane Lewifoɛ ne kyɛ, edwein bɔ Dawide ne Asafe bɔ ɔse ase ne bahyehyɛ bato berɛ ne, bɛ́to bɛ́ye AWURADE ayɛ’.” Bele anigye bɛtole ayɛyelɛ dwein, na bɛbɔle bɛ nu ase bɛsɔnene Nyameɛ.

Nehemia 8:6

Na Ɛsra yele AWURADE, Nyameɛ piri ne ayɛ, na mmenia ne amukoraa bɛmomane bɛ sa so besurole so kyɛ, “Amen, Amen!” Na bɛfale bɛ nyunu bebutubutuli ase bɛsɔnene AWURADE.

Edwein 44:1

Ao Nyameɛ, anwanwadeɛ bɔ ɛyɔle ye daa tete ne, wɔ yɛ nana mɔ b’aberɛ so ne, yɛ nana mɔ bahã bahyire yɛ; yɛ bɔbɔ yate ye wɔ yɛ so anu.

Edwein 78:5

Ɔhyehyɛle ahyɛdeɛ wɔ Yakob nu, na ɔhyɛle mmeraa wɔ Yisrael nu. Ɔfa yɛle ahyɛdeɛ mane yɛ nana mɔ, kyɛ bɛfa behyirehyire bɛ mma mɔ,

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 12:11

Atee he aso yeɛ ɔsɛ kyɛ ɛmɔpe so bedi ɔ: ɛ́mɔbɔ ɛmɔ abɔsoɛ, ɛ́mɔwura ɛmɔ mbaboa, ɛ́mɔfa ɛmɔ pɔmaa nemɔ bétiratira, ná ɛ́mɔli ye ndɛndɛ. AWURADE Abɔtra ne ɛne.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 12:28

Na Yisraelfoɛ mɔ hɔle bɛɛyɔle sɔ, kyɛbɔ AWURADE hyɛle Mose ne Aarɔn ne ala.

Ɛksadɔso 13:14

Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:8

Na sɔ kyẽa ne, kyire nu kyire ɛwa kyɛ, ‘Ɔnate nikyee bɔ AWURADE yɔ mane me wɔ mmerɛ bɔ mvili Misraim ne ati ɔ.’

Ɛksadɔso 34:25

“Mogya bɔ ɛfa bɔ afɔleɛ ma me ne, nnɛfa paanoo harewaa boka so; yeɛ naen bɔ ɛfa bɔ Abɔtra aluolue afɔleɛ ne, nnɛma ebie ka ma aleɛ kye so.

Ɛksadɔso 34:8

Na Mose yɛle ndɛndɛ bɔle ye ti ase sɔnene AWURADE.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

1 Korintofoɛ 5:7

Yiti ɛ́mɔye mɔle harewaa daa ne befi ɛmɔ nu amaa ɛmɔayɛ mɔle torɛ foforɛ, kyɛbɔ ɛmɔte kabrɛdi ne ala. Ofikyɛ bafa Kristo bɔ ɔte y’Abɔtra boaen ne babɔ afɔleɛ bama yɛ.

Deuteronomi 16:2

Abɔtra afɔleɛ ne, ku mmoaen ne nandwie ma AWURADE wɔ Nyameɛ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 16:5

Nguro bɔ AWURADE wɔ Nyameɛ ɔ́fa ma wɔ ne, nnɛbɔ Abɔtra afɔleɛ ne wɔ nu biala so.