Ɛksadɔso 12:21 - AHYERƐLƐ KRONGRON

²¹ Afei Mose frɛle Yisrael mbanyi amukoraa, na osele bɛ kyɛ, “Ebiala ɔɔhye boaen ko ma ye awuro ama, ná ohu ye fa yɛ Abɔtra boaen ne.

Ɛksadɔso 12:21 Iomraidhean Croise

2 Ahemvo 23:21

Nana Yosia fale ahyɛdeɛ mane maen ne amukoraa kyɛ, “Ɛmɔli Abɔtra aluolue ne bɛma AWURADE ɛmɔ Nyameɛ kyɛbɔ amba, bahyerɛ ye wɔ apam nwomaa he anu ne.”

Ɛsra 6:20

Ofikyɛ né asɔfo nemɔ ne Lewifoɛ nemɔ bapete bɛ nwo bama bɛ mukoraa bɛ nwo ate. Yiti Lewifoɛ nemɔ huhuni Abɔtra boaen ne bɛmane bɛ bɔ bafi nnurehyelɛ nu bawa ne amukoraa, bɛ mmango asɔfo nemɔ, ɔne bɛ bɔbɔ bɛ nwo.

Ɛksadɔso 12:11

Atee he aso yeɛ ɔsɛ kyɛ ɛmɔpe so bedi ɔ: ɛ́mɔbɔ ɛmɔ abɔsoɛ, ɛ́mɔwura ɛmɔ mbaboa, ɛ́mɔfa ɛmɔ pɔmaa nemɔ bétiratira, ná ɛ́mɔli ye ndɛndɛ. AWURADE Abɔtra ne ɛne.

Ɛksadɔso 12:20

Nnɛma ɛmɔdi nikyee harewaa biala. Ɛ́mɔli paanoo kabrɛdi wɔ nekaa biala bɔ ɛmɔkɔtena ɔ.”

Ɛksadɔso 12:3

Ka kyire Yisrael maen ne amukoraa kyɛ, bosome he anu kyẽa bɔ ɔtɔ so buru ne, ɔsɛ kyɛ bienzua biala pena boaen akrɔngrɔma ko ma ye awuro ama, awuro biala nu kohia boaen akrɔngrɔma ko.

Ɛksadɔso 17:5

Na AWURADE buale Mose kyɛ, “Fa Yisrael mbanyi nemɔ bie boka wɔ nwo so, ná se di mmenia ne nyunu. Fa pɔmaa bɔ ɛfa fini asue Naele nu ne tira, ná kɔ.

Ɛksadɔso 19:7

Yiti Mose wale ɔɔfrɛfrɛle Yisrael mbanyi, na ɔfale edwirɛ amukoraa bɔ AWURADE ahyɛ ye kyɛ ɔha ne tole bɛ nyunu.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Numeri 11:16

Yiti AWURADE sele Mose kyɛ, “Yisrael mbanyi bɔ ɛse kyɛ bɛte mmenia ne aso mbanyi ne atitire ne, boaboa bɛ nu aburasoo noa ma me. Fa bɛ bra ɛtena sua ne anu, ná ɛne bɛ gyina berɛ.

1 Korintofoɛ 10:4

na bɛ mukoraa bɛnone sunzum nu anonneɛ komapɛ ne ala. Ofikyɛ, sunzum nu Nyɔbotaen bɔ né oli bɛ si ne, nu nzue yeɛ bɛnone ɔ, na sɔ Nyɔbotaen ne ole Kristo.

Hebrifoɛ 11:28

Ɔnate gyidie so yeɛ ɔfa hyehyɛle Abɔtra ne, ɔne mogya petenɛ wɔ b’anoa nyunu ɔ, kyɛbɔ ɔkɔyɛ ná ewue abɔfo ne wanguku bɛ bamuɛbaa nemɔ ɔ.

Yosua 5:10

Mmerɛ bɔ né Yisraelfoɛ wɔ asikyeleɛ berɛ wɔ Gilgal nen, bosome ne anu kyẽa bɔ ɔtɔ so buru ne nna ne, ye nɔsoa ne, belili Abɔtra ne wɔ Yeriko aseɛ frɛtɛɛ ne aso.