Ɛksadɔso 12:16 - AHYERƐLƐ KRONGRON

¹⁶ Ɔsɛ kyɛ ɛmɔyɛ nyianu krongron wɔ kyẽa bɔ oli moa ne, yeɛ kyẽa bɔ ɔtɔ so nzoo ne koso ɛ́mɔyɛ nyianu krongron. Nnɛma ɛmɔyɔ adwuma wɔ sɔ ngyẽa ne; sana aleɛ bɔ ebiala koli angome yeɛ ɛ́mɔyɔ ye nwo adwuma ɔ.

Ɛksadɔso 12:16 Iomraidhean Croise

Ɛksadɔso 16:23

na Mose buale bɛ kyɛ, “Bɔ AWURADE ahyɛ hɔ ɛne: ‘Ɛhema te nwomelelɛ kyẽa bɔkɔɔ, afofikyẽa krongron ma AWURADE. Yiti bɔ ɛmɔkɔtoto ne, ɛ́mɔtoto, yeɛ bɔ ɛmɔkɔto ne koso, ɛ́mɔto. Na bɔ ɔkɔha ne, odi kyɛ ɛmɔfa besie maa odwu ɛhema ngyerɛmɔ.’ ”

Ɛksadɔso 16:29

Ɛmɔanwu ye kyɛ, AWURADE ama ɛmɔ afofikyẽa, na ye sɔ ati yeɛ kyẽa bɔ ɔtɔ so nzia ne, ɔma ɛmɔ elenyɔ aleɛ ɔ. Yiti ɔsɛ kyɛ ebiala tena ye awuro; nnɛma ebiala tu ye gya baa fite fi ye awuro kyẽa bɔ ɔtɔ so nzoo ne.”

Ɛksadɔso 16:5

Na kyẽa bɔ ɔtɔ so nzia ne, sɛ bɛboaboa bɔ bɛkɔsesa ne noa a, ɔsɛ kyɛ ɔyɛ ɛlɛho biala deɛ bɔ bɛsesa ne ye faa nyɔ.”

Ɛksadɔso 20:10

Nakoso kyẽa bɔ ɔtɔ so nzoo ne de, ɔte afofikyẽa ma AWURADE wɔ Nyameɛ. Nnɛyɔ adwuma biala sɔ kyẽa ne: wɔ oo, ɛwa bienzua oo, ɛwa brasua oo, w’akoaa oo, w’afaneɛ oo, w’ayɛmmoa oo, anaa ɛwɔfoɛ bɔ ɔte wɔ kuro ɔ.

Ɛksadɔso 34:18

“Di Paanoo Kabrɛdi aluolue ne. Di paanoo kabrɛdi ɛlɛsoo, kyɛbɔ mahyɛ wɔ ne, bosome Abibo nu mmerɛ bɔ mahyɛ ne, ofikyɛ bosome Abibo nu yeɛ etuli wɔ bo fili Misraim ɔ.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:27

“Sɔ bosome nzoo ne ala, ye kyẽa bɔ ɔtɔ so buru ne, ɔte mbata kyẽa; ɛ́mɔyɛ nyianu krongron. Odi kyɛ ɛmɔkye ɛhɔen ná ɛ́mɔbɔ see so afɔleɛ bɛma AWURADE.

Lewitikɔso 23:35

Kyẽa bɔ oli moa ne, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 28:18

Kyẽa bɔ oli moa ne, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 28:25

Na ye ɛlɛsoo ne aso, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 28:26

Fieso aleɛ bɔ bekoli moa bɛkɔfa ne, ye aluolue kyẽa ne, sɛ ɛmɔfa aburoo foforɛ bɛbɔ aburoo afɔleɛ bɛma AWURADE wɔ ɛmɔ Dapɛn Dapɛn aluolue ne anu a, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Numeri 29:12

Bosome nzoo ne, ye kyẽa bɔ ɔtɔ so buru ne nnu ne, ɛ́mɔyɛ nyianu krongron; Nnɛma ɛmɔyɔ adwuma biala. Ɛ́mɔli aluolue ɛlɛsoo bɛma AWURADE.

Yohane 19:31

Né sɔ kyẽa ne te Anwoboaboa kyẽa, na kyɛbɔ ɔkɔyɛ bɔ efuin nemɔ bɛngɔha mmeamudua nemɔ so wɔ afofikyẽa ne, (ofikyɛ né sɔ afofikyẽa ne ɔte kyẽa piri,) yiti Yudafoɛ bɛɛsrɛle Pilato kyɛ ɔma bebubu bɛ gya nu, ná bɛye bɛ bɛbra ase.

Deuteronomi 16:8

Di paanoo kabrɛdi toonn elesia, na kyẽa bɔ ɔtɔ so nzoo ne, ɔsɛ kyɛ ɔyɛ nyianu krongron hyɛ AWURADE wɔ Nyameɛ animnyam, nnɛyɔ adwuma biala.