Ɛksadɔso 12:15 - AHYERƐLƐ KRONGRON

¹⁵ “Ɛmɔkoli paanoo kabrɛdi ɛlɛsoo. Kyẽa bɔ oli moa ne, ɔsɛ kyɛ ɛmɔye mɔle harewaa biala befi ɛmɔ awuro mɔ nu, ofikyɛ ofi kyẽa bɔ oli moa ne alaa bɔ ɔkwaadwu kyẽa bɔ ɔtɔ so nzoo nen, sona biala bɔ okoli mɔle harewaa ne, bɛkɔpɛ ye asue bekofi Yisraelfoɛ nu.

Ɛksadɔso 12:15 Iomraidhean Croise

Gyenesise 17:14

Na bienzua biala bɔ bambɛ ye bienzua nen, bɛkɔpɛ ye asue bekofi ye maen nu, ofikyɛ wabu m’apam ne aso.”

2 Aberɛso Dwirɛ 30:21

Yisraelfoɛ bɔ né bɛwɔ Yerusalem ne, bele anigye piri belili Paanoo Kabrɛdi aluolue ne ɛlɛsoo, na Lewifoɛ ne asɔfo nemɔ yele AWURADE ayɛ daa biala. Bɛfale edweintolɛ nningyein bɛyele AWURADE ayɛ.

Ɛsra 6:22

Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Ɛksadɔso 12:8

Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Ɛksadɔso 30:38

Na ebiala bɔ ɔkɔfrafra nningyein kɔyɔ bie kɔfofã kotie nen, bɛkɔpɛ ye asue bekofi ye maen nu.”

Ɛksadɔso 31:14

Ɛ́mɔli afofikyẽa ne aso, ofikyɛ ɔte krongron ma ɛmɔ. Sona biala bɔ okogua afofikyẽa ne nwo fiɛ nen, ɔsɛ kyɛ beku ye; sona biala bɔ ɔkɔyɔ adwuma sɔ kyẽa nen, ɔsɛ kyɛ bɛpɛ ye asue befi ye maen nu.

Ɛksadɔso 34:18

“Di Paanoo Kabrɛdi aluolue ne. Di paanoo kabrɛdi ɛlɛsoo, kyɛbɔ mahyɛ wɔ ne, bosome Abibo nu mmerɛ bɔ mahyɛ ne, ofikyɛ bosome Abibo nu yeɛ etuli wɔ bo fili Misraim ɔ.

Ɛksadɔso 34:25

“Mogya bɔ ɛfa bɔ afɔleɛ ma me ne, nnɛfa paanoo harewaa boka so; yeɛ naen bɔ ɛfa bɔ Abɔtra aluolue afɔleɛ ne, nnɛma ebie ka ma aleɛ kye so.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 17:14

“Ofikyɛ anwoɔnaen biala, ye mogya yeɛ ɔte ye ngoa ɔ; yiti mahã mahyire Yisraelfoɛ kyɛ, Nnɛma ɛmɔdi abɔdeɛ biala ye mogya, ofikyɛ anwoɔnaen biala ye mogya yeɛ ɔte ye ngoa ɔ; na ebiala bɔ okoli mogya ne, odi kyɛ bɛpɛ ye asue.

Malaki 2:12

Na bienzua biala bɔ ɔyɔ sɔ, kyɛ okyirekyire oo, anaa osua oo, AWURADE konua ye boso ama mukoraa bɛ bo kofi Yakob ɛtena sua nu, bɔ ebiala ngɔha bɔ ɔkɔfa afɔleɛ kɔbrɛ Asafo AWURADE ɔ.

Numeri 28:17

Sɔ bosome ne, ye kyẽa bɔ ɔtɔ so buru ne nnu ne, ɔte aluolue. Odi kyɛ bedi paanoo kabrɛdi ɛlɛsoo.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Mateo 16:12

Afei bɛtele ye bo kyɛ nna paanoo harewaa yeɛ osele bɛ kyɛ bɛ́nea bɛ nwo yé wɔ ye nwo ɔ, na mmom Farasiifoɛ ne Sadusiifoɛ bɛ ngyerɛkyerɛ nwo.

Luka 12:1

Sɔ mmerɛ ne, né mmenia apee apee bahyere so bɔ betiatia bɛ nwo so ɔ. Na Yesu hyɛle ye bo lili moa sele ye asuafoɛ nemɔ kyɛ, “Ɛ́mɔnea ɛmɔ nwo yé wɔ Farasiifoɛ mɔle harewaa bɔ ye ole nyaatwomyɛlɛ ne anwo.

Luka 2:43

Na beyiele aluolue ne di ne, bɔ besili nu besa bɛkɔ ne, akwadaa Yesu de, ɔhale nziɛ wɔ Yerusalem; nakoso né ye awofoɛ bɛnze.

Asomafoɛ 12:3

Na onwuni kyɛ bɔ wayɔ ne ayɛ Yudafoɛ nemɔ fɛ, yiti ɔtoale so hyele Petro koso. (Ɛhe sili Paanoo Kabrɛdi aluolue mmerɛ ne.)

Galatiafoɛ 5:12

Na sɛ ɔhale me ngome a, ahaa bɛ bɔ bɛsɛkye ɛmɔ adwene ne atutu bɛ bienzua bo bagua!

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.

Deuteronomi 16:5

Nguro bɔ AWURADE wɔ Nyameɛ ɔ́fa ma wɔ ne, nnɛbɔ Abɔtra afɔleɛ ne wɔ nu biala so.

Deuteronomi 16:8

Di paanoo kabrɛdi toonn elesia, na kyẽa bɔ ɔtɔ so nzoo ne, ɔsɛ kyɛ ɔyɛ nyianu krongron hyɛ AWURADE wɔ Nyameɛ animnyam, nnɛyɔ adwuma biala.