Ɛksadɔso 12:14 - AHYERƐLƐ KRONGRON

¹⁴ Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:14 Iomraidhean Croise

2 Ahemvo 23:21

Nana Yosia fale ahyɛdeɛ mane maen ne amukoraa kyɛ, “Ɛmɔli Abɔtra aluolue ne bɛma AWURADE ɛmɔ Nyameɛ kyɛbɔ amba, bahyerɛ ye wɔ apam nwomaa he anu ne.”

Edwein 111:4

Wamaa bɛkaye ye anwanwadeɛ nnwumaa nemɔ; AWURADE do mmenia, na ɔse anwumvoin.

Edwein 135:13

Ao AWURADE, wɔ dumaa timu berɛ daa, Ao AWURADE, wɔ nwo ngayeɛ wɔ aworɛ ndoatoasoɛ amukoraa nu.

Ɛksadɔso 12:17

Ɔsɛ kyɛ ɛmɔdi Paanoo Kabrɛdi aluolue ne, ofikyɛ sɔ kyẽa ne yeɛ nyele ɛmɔ amukoraati mvili Misraim aseɛ so ɔ. Yiti ɛ́mɔtu sɔ kyẽa ne besie berɛ beli sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 12:24

Odi kyɛ ɛmɔdi sɔ dwirɛ he aso; ɔte nhyehyɛleɛ ma wɔ ne wɔ boso ama afebɔɔ.

Ɛksadɔso 12:43

Na AWURADE sele Mose ne Aarɔn kyɛ, “Abɔtra ne nwo nhyehyɛleɛ ɛhe: amanvraniɛ biala nni ye aleɛ ne bie.

Ɛksadɔso 12:6

Ɛ́mɔfa ye bésie toonn ma odwu bosome he anu kyẽa bɔ ɔtɔ so buru ne nna ne, na afei Yisrael maen ne amukoraa behũhũ bɛ mmoaen ne nɔsoa.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 5:1

Nziɛ ye, Mose ne Aarɔn hɔle Faro berɛ beesele ye kyɛ, “AWURADE Yisrael Nyameɛ nwa: ‘Ma me mmenia nemɔ bɛhɔ, ná beeli aluolue bɛma me wɔ ɛserɛ so.’ ”

Hesekiel 46:14

Bɔ ye nwo aleɛ afɔleɛ ngyerɛmɔ biala, graa ko ye ngyɛmuɛ nzia, ɔne ngoo galɔn ko ye ngyɛmuɛ nza bɔ bɛkɔfa bɛkɔfɔre esam paa ne ɔ, ná ɔyɛ daa biala aleɛ afɔleɛ ma AWURADE, nhyehyɛleɛ bɔ ɔla berɛ daa hɔ ɛne.

Lewitikɔso 23:6

Sɔ bosome ne ala, ye kyẽa bɔ ɔtɔ so buru ne nnu ne, ɔte Paanoo Kabrɛdi aluolue ma AWURADE; odi kyɛ ɛmɔdi paanoo kabrɛdi ɛlɛsoo.

Sakaria 6:14

Na abotire nemɔ kɔyɛ ngayeɛ nikyee kɔma Helem, Tobiya, Yedaya ne Sefania awa Hen wɔ AWURADE asɔneyɛɛ sua ne anu.

Numeri 10:8

Aarɔn mma mmienzua nemɔ bɔ bɛ yeɛ bɛte asɔfo ne yeɛ odi kyɛ behu totorobɛndo ne ɔ. Ɛ́mɔma ɔyɛ daa ahyɛdeɛ ɔma ɛmɔ wɔ ɛmɔ aworɛ ndoatoasoɛ amukoraa nu.

Numeri 15:15

Yisraelfoɛ de, ahyɛdeɛ komapɛ yeɛ ɔla berɛ ma ɛmɔ ne ɛwɔfoɛ bɔ baatena ɛmɔ nu ne ɔ; odi kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ nu. Odi kyɛ ɛmɔ ne ɛwɔfoɛ ne bɛyɛ pɛ wɔ AWURADE nyunu.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 18:8

AWURADE sele Aarɔn kyɛ, “Afɔleɛ bɔ bɛfa bɛbrɛ me ne, bɔ ɔte Yisraelfoɛ akyɛdeɛ krongron amukoraa ne, mafa mawura wɔ sa. Mafa mama wɔ ne wɔ mma kyɛ ɔsɔfo kyɛfa bɔ ɔte ɛmɔ deɛ afebɔɔ ɔ.

Mateo 26:13

Nahorɛ nu, mekã mekyire ɛmɔ kyɛ, ewiase nekaa biala bɔ bɛkɔhã nzɛmba he nen, bɔ braa he ayɔ ne koso, bɛkɔhã bɛkɔfa bɛkɔyɛ ye ngayeɛ.”

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Deuteronomi 16:1

Di Abɔtra aluolue ne hyɛ AWURADE wɔ Nyameɛ animnyam wɔ bosome Abibo nu, ofikyɛ bosome Abibo nu yeɛ AWURADE wɔ Nyameɛ yele wɔ fili Misraim kɔngɔen ɔ.

Deuteronomi 16:11

Di ahurusi wɔ AWURADE wɔ Nyameɛ nyunu, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ bɔ bɛte wɔ kuro, ɛwɔfoɛ mɔ, nyisiaafoɛ ne kunafoɛ bɔ bɛte wɔ kuro ɔ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 6:8

Kyekye fa bɔ wɔ sa ma ɔyɛ sɛngyerɛnneɛ, ná fa bɔ wɔ nwoma so ma ɔyɛ ngayeɛ,

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”

1 Samuel 30:25

Na ofi sɔ kyẽa ne, Dawide fa yɛle ahyɛdeɛ ne nhyehyɛleɛ tole berɛ mane Yisrael, na ɔtɛwɔ berɛ maa waadwu ɛnɛ.