Ɛksadɔso 12:12 - AHYERƐLƐ KRONGRON

¹² Ngɔɔpɛ nu Misraim aseɛ so sɔ kyẽa ne kɔngɔen, na ngohũ Misraim aseɛ so bamuɛbaa mukoraa, fite mmenia so kodwu ngaka so; na ngobua Misraim mmosoen amukoraa ndɛen. Me ole AWURADE.

Ɛksadɔso 12:12 Iomraidhean Croise

1 Aberɛso Dwirɛ 14:12

Filistifoɛ nwatili bɛyakyili bɛ nyameɛ mɔ berɛ, na Dawide maa bɛyerale bɛ nyameɛ nemɔ.

Edwein 135:8

Ye yeɛ ohuhuni Misraimfoɛ bamuɛbaa mɔ ɔ: mmenia ne ngaka bɛ bamuɛbaa mɔ.

Edwein 82:1

Nyameɛ atena ye bia nu wɔ nyameɛso badwa ne anu, na obua nyameɛ mɔ ndɛen kyɛ,

Edwein 82:6

Menwa nyoo, “Ɛmɔte nyameɛ mɔ, ɛmɔ amukoraa, ɛmɔte Anwuro Anwuroniɛ ne, ye mma mmɔ.

Edwein 91:7

Apee kɔtotɔ wɔ wɔ ngyɛnu, yeɛ apee buru kɔtotɔ wɔ wɔ sa famaa so, nakoso wɔ de, ebie ngɔto wɔ.

Edwein 95:3

Ofikyɛ AWURADE te Nyameɛ piri, ɔte Ɛhene piri bɔ ɔtra nyameɛ mɔ amukoraa ɔ.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Ɛksadɔso 21:6

ye de ɔsɛ kyɛ ye mene fa ye kogyina Nyameɛ nyunu. Ɔ́fa ye oogyina anoa nu anaa aponnwaa nu berɛ, ná ye mene ne ɔfa tulie otofi ye so anu, ná ye asetena nu mukoraa ɔso ye mene ne.

Ɛksadɔso 22:28

“Nnɛkã edwirɛ tɛɛ tia Nyameɛ, yeɛ nnɛnoma wɔ maen panyi.

Ɛksadɔso 6:2

Nyameɛ sele Mose kyɛ, “Me ole AWURADE.

Ɛksadɔso 9:6

Aleɛ hyene ne, AWURADE yɔle sɔ ala. Misraimfoɛ nyɛmmoa mukoraa wuwuli, nakoso Yisraelfoɛ nyɛmmoa de, ko po anwu.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Yeremia 43:12

Ngɔfa see ngɔto Misraim nyameɛ mɔ b’asɔneyɛɛ sua nemɔ anu. Nebukadenesa kɔyera bɛ kɔhye bɛ nnure kɔhɔ. Na ɔkɔfa Misraim aseɛ kɔhera, kyɛbɔ mmoaenneafoɛ ɔfa ye tena ɔkera ɔ. Na okofi berɛ kɔhɔ asomdwee nu.

Yeremia 43:13

Okobubu Bete Semese amoen nemɔ bɔ bɛwɔ Misraim aseɛ so ne, na ɔkɔfa see kɔyera Misraim nyameɛ nemɔ.’ ”

Yeremia 46:25

Asafo AWURADE, Yisrael Nyameɛ nwa nyoo, “Ɛ́mɔtie, ngɔhwe Amon bɔ ɔwɔ Tebese, Faro, yeɛ Misraim ne ye nyameɛ mɔ ne ye ahemvo mɔ bɛ so, yeɛ Faro ne mmenia bɔ bɛfa bɛ wora bewura ye nu ɔ.

Hesekiel 12:16

Nakoso ngɔma bɛ nu kãa bie konya bɛ ti bekodidi nu bekofi ngrandɛ ne noa, kofi ɛhɔen ne ewue anwonyerɛ nu, amaa ɔnate so bato bɛ noa nu tui bahã b’akyiwadeɛ yɔleɛ amukoraa wɔ maen maen bɔ bɛkɔhɔ so nemɔ anu, na bekonwu kyɛ me ole AWURADE.”

Amose 5:17

Na bɛkɔbɔ awuye wɔ bobe boo nemɔ amukoraa nu, ofikyɛ ngɔɔpɛ nu ngɔfa wɔ nu,” AWURADE noa dwirɛ ɛne.

Sefania 2:11

AWURADE nye kɔboro bɛ so, ofikyɛ okonua aseɛ so mmosoen amukoraa bɛ boso, na asue noa maen maen ne amukoraa, sona biala kɔsɔne ye wɔ ye bɔbɔ ye aseɛ so.

Numeri 33:4

Sɔ mmerɛ ne, né Misraimfoɛ begu so besie bɛ bamuɛbaa mɔ amukoraa bɔ AWURADE ahũhũ bɛ wafi bɛ nu ne. Misraimfoɛ nyameɛ nemɔ koso, AWURADE amva bɛ nwo angyɛ bɛ.

1 Samuel 5:3

Na ye alehyeleɛ nu ngyerɛmɔ tutututu bɔ Asedɔdefoɛ dwɔsole ne, benwuni kyɛ Dagɔn amunu afi, bɔ ye nyunu butu ase wɔ AWURADE alaka ne nyunu ɔ. Yiti bɛmane Dagɔn so besa besiele ye boso.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.