Ɛksadɔso 11:8 - AHYERƐLƐ KRONGRON

⁸ Na wɔ mbanyi hemɔ amukoraa bɛkɔwa me nyunu bekoobu ndwerɛ bɛkɔhã kyɛ, ‘Fi wa kɔ, ɛne wɔ mmenia bɔ beli wɔ si amukoraa!’ Na ɛhe asi ne, ngofi wa ngɔhɔ.” Afei Mose fɛle ɛyaa hahii fili Faro nyunu berɛ hɔle.

Ɛksadɔso 11:8 Iomraidhean Croise

1 Ahemvo 20:10

Ben Hadade sa somane maa beesele Ahabo kyɛ, “Me koɛhonɛfoɛ pee bɔ bɛ somaa ti, sɛ bɛ nu biala sa Samaria mvuture ye sa bum ko po a, ɔngɔso bɛ so ne, sɛ mamma baammanzɛkye kuro ye a, ye de nyameɛ nemɔ betua me kerɛ behũ me.”

2 Ahemvo 3:9

Yiti Yisrael hene, Yuda hene yeɛ Edom hene besili nu. Na bɛpɛle atee bɔ ɔkondo ɔ ɛlɛsoo ne, né bennya nzue bɛmma koɛhonɛfoɛ nemɔ ne bɛ ngaka bɔ bɛboka bɛ so ne.

Nehemia 5:6

Ndele bɛ kwaadu ne sɔ dwirɛ bɔ ɔha bɛ ne, mvɛle yaa paa.

Edwein 6:1

Ao AWURADE, nnɛkã me nyunu wɔ wɔ yaafɛlɛ nu, yeɛ nnɛtwe me so wɔ wɔ yaafɛlɛ piri nu.

Ɛksadɔso 10:29

Na Mose buale kyɛ, “Yoo, ɛnwa nnɛmaa meba wɔ nyunu ko a, mate!”

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Yesaya 49:26

Bɛ bɔ bɛhyɛ wɔ so ne, ngɔfa bɛ bɔbɔ bɛ nwonaen maa bekoli, na bɛ bɔbɔ bɛ mogya kɔbo bɛ kyɛ nzaa. Na afei anwoɔnaen amukoraa konwu ye kyɛ me, AWURADE, me ole wɔ Ngoadefoɛ ne wɔ Defoɛ, Yakob ye Tuminiɛ ne.”

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Daniel 3:19

Yeɛ Nebukadenesa fɛle yaa hahii, na omunane Sadrake, Mesake ne Abedinego so paa. Na ɔhyɛle kyɛ behua foonoo see ne anu paa ma nu ɔyɛ hye pɛen nzoo ɔtra kyɛbɔ ɔyɛ a ye hyerɛ te ne.

Numeri 12:3

Né Mose odwo tra sona biala bɔ ɔwɔ aseɛ ye aso ɔ.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Deuteronomi 29:24

bɛ ne maen maen mukoraati kɔha kyɛ, ‘Nzu ati yeɛ AWURADE ayɛ aseɛ ye sɔa ye? Nzikyɛ yeɛ ɔmane sɔ ɛyaa piri he wale ye?’

Deuteronomi 32:24

Ɛhɔen kɔmaa bɛkɔfɔ, bɛ nwo kɔyerayera bɛ, na ewue anwonyerɛ kɔbɔ bɛ. Ngɔma ngaka aboyaa kɔɔhye bɛ koli, na ngɔma mvuture nu ewoo bɔ ye noa le borɔ kɔkeka bɛ.

Hebrifoɛ 11:27

Ɔnate gyidie so yeɛ Mose tu fili Misraim bɔ wanzuro ɛhene ne yaafɛlɛ ɔ, na ogyinane pindinn kyɛ sona bɔ ye nye tua Ɛdangama Nyameɛ bɔ bennwu ye ne.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.

Maenbulɛfoɛ 4:10

Barake boaboale Sebulɔn ne Nafetali mmusua kure noa wɔ Kedese. Olili koɛhonɛfoɛ apee buru nyunu ɔne bɛ hɔle, na Debora ne ye bɛhɔle.

Maenbulɛfoɛ 8:5

Yiti Gideon srɛle Sukotefoɛ kyɛ, “Ɛ́mɔma me mmenia bɔ beli me si ye aleɛ kãa. Ɛhɔen apɛ bɛ, na mefoa Midian ahemvo Seba ne Samuna mekɔkye bɛ.”