Ɛksadɔso 11:7 - AHYERƐLƐ KRONGRON

⁷ Nakoso Yisraelfoɛ mɔ de, kyea po ongopo sona anaa kaka biala; amaa ɔnate so ɛmɔanwu ye kyɛ AWURADE ma nzonzoleɛ da Misraim ne Yisrael nu.

Ɛksadɔso 11:7 Iomraidhean Croise

YOB NWOMAA NE 5:16

Yiti anyelasoɛ wɔ berɛ ma sona bɔ ɔyɛ anwumvo ɔ, na Nyameɛ ka amumuyɛɛfoɛ bɛ noa to nu.

Edwein 7:12

Sɛ ebie anzakyera ye adwene a, Nyameɛ kosi ye ngrandɛ ne; wakondo ye agyaen, na wasina.

Ɛksadɔso 10:23

Ɛlɛsa mumua, ebiala annwu obiɛngo, anaakyɛ wandu ye gya; nakoso nekaa bɔ né Yisraelfoɛ bɛte ne de, ewienu yɛle hyireinn.

Ɛksadɔso 7:22

Nakoso Misraim ngonyaayelɛfoɛ koso yele ngonyaa yɔle sɔ ala. Yiti Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:19

Na ngonyaayelɛfoɛ nemɔ sele Faro kyɛ, “Ɛhe de, Nyameɛ sa wɔ nu! Nakoso Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:22

Nakoso sɔ kyẽa ne, ngɔye Gosen aseɛ bɔ me mmenia te so ne ngosie ahameɛ; nwɔsea pembepembe paa ne ngɔhɔ berɛ bie, amaa ɔnate so anwu ye kyɛ me ole AWURADE wɔ aseɛ ye aso.

Ɛksadɔso 9:26

Sana Gosen aseɛ so, nekaa bɔ né Yisraelfoɛ te ne, yeɛ asukɔtwea nyɔboɛ ne bie andɔ berɛ ɔ.

Ɛksadɔso 9:4

Nakoso AWURADE kɔfa ɛwɛen kɔto Yisrael ngaka ne Misraim ngaka b’afia, amaa ɔnate so Yisraelfoɛ ngaka nemɔ nu biala anwu.’ ”

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

Yosua 10:21

Nakoso Yisraelfoɛ de, bɛ mukoraa besa bɛwale Yosua berɛ asomdwee nu wɔ asikyeleɛ ne anu wɔ Makeda. Na ebiala angora wamva ye dwirɛ wamma Yisraelfoɛ so.