Ɛksadɔso 11:4 - AHYERƐLƐ KRONGRON

⁴ Na Mose hane kyɛ, “AWURADE nwa nyoo: Ngɔɔnatenate Misraim kɔyɛ abunnamu;

Ɛksadɔso 11:4 Iomraidhean Croise

2 Samuel 5:24

Sɛ ɛte mmenia gya boso nga wɔ basam mmakaa nemɔ aso a, ye de kɔ Filistifoɛ so. Na ɛhe kyire kyɛ AWURADE ali wɔ nyunu moa okũkũ Filisti koɛhonɛfoɛ nemɔ.”

YOB NWOMAA NE 34:20

Bewu mvum nu, bɛ nwo wosowoso bɛ abunnamu, na ewue fa bɛ kɔ, na atitirefoɛ po, ɔye bɛ fi berɛ bɔ ɔmva sona so ɔ.

Edwein 60:10

Ao Nyameɛ, aso ɛppole yɛ anaa? Ao Nyameɛ, aso ɛyyakyili yɛ koɛhonɛfoɛ bɛ si gyinalɛ anaa?

Edwein 81:5

Ɔmaa ɔyɛle ahyɛdeɛ mane Yosef, mmerɛ bɔ ohwi fale Misraim aseɛ so hɔle, nekaa bɔ ndele dwudwolɛ bie bɔ nndele bie le ne.

Ɛksadɔso 12:12

Ngɔɔpɛ nu Misraim aseɛ so sɔ kyẽa ne kɔngɔen, na ngohũ Misraim aseɛ so bamuɛbaa mukoraa, fite mmenia so kodwu ngaka so; na ngobua Misraim mmosoen amukoraa ndɛen. Me ole AWURADE.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 12:29

Ye abunnamu ne, AWURADE huhuni Misraim aseɛ so bamuɛbaa mmienzua mukoraati, fite Faro bamuɛbaa bienzua bɔ ɔtena ye bia so ɔ so, kodwu sona bɔ bahye ye nnure bawura kuku nu ye bamuɛbaa so, ɔne nyɛmmoa mɔ bɛ bamuɛbaa mɔ so.

Yesaya 42:13

AWURADE kɔhɔ ye nyunu kyɛ katakyie, ɔkɔma ye ahone kohu kyɛ koɛhonɛniɛ, ɔkɔtea nu, ɔkɔbɔ ese, na okoli ye pɔfoɛ mɔ so ngonim.

Amose 4:10

“Anwonyerɛ mɔ bɔ mva mmɔle Misraim ne, nzomane maa ɔɔbɔle ɛmɔ; mvale ngrandɛ ngukuni ɛmɔ mmerandeɛ mɔ; nzesale ɛmɔ mbɔngɔ mɔ ngɔle, mmane ɛmɔ asikyeleɛ nu pambaen ne wurale ɛmɔ bonyi anu, nakoso ɛmɔanza bamma me berɛ,” AWURADE noa dwirɛ ɛne.

Amose 5:17

Na bɛkɔbɔ awuye wɔ bobe boo nemɔ amukoraa nu, ofikyɛ ngɔɔpɛ nu ngɔfa wɔ nu,” AWURADE noa dwirɛ ɛne.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Mateo 25:6

“Na abunnamu yeɛ ebie teane nu kyɛ, ‘Ɛ́mɔtie, atɔmvorɛ biaa ne awa oo! Ɛmɔbra beeyia ye oo!’