Ɛksadɔso 11:10 - AHYERƐLƐ KRONGRON

¹⁰ Mose ne Aarɔn yɔle anwanwadeɛ he amukoraa wɔ Faro nyunu; AWURADE mane Faro bubuli mmakaa tuale ye so, na wamma Yisraelfoɛ ate ma bamvi ye aseɛ so bangɔ.

Ɛksadɔso 11:10 Iomraidhean Croise

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Ɛksadɔso 10:20

Nakoso AWURADE mane Faro bubuli mmakaa tuale ye so, na wamma Yisraelfoɛ ate ma bangɔ.

Ɛksadɔso 10:27

Nakoso AWURADE mane Faro bubuli mmakaa tuale ye so, na wamma bɛ ate maa bangɔ.

Ɛksadɔso 12:1

AWURADE sele Mose ne Aarɔn wɔ Misraim aseɛ so kyɛ,

Ɛksadɔso 3:19

Me de, mese kyɛ Misraim hene ngɔma ɛmɔ ate ma ɛmɔngɔhɔ, sana tumi piri bie hyɛ ye so koraka.

Ɛksadɔso 4:21

Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 7:3

Nakoso ngɔma Faro kɔyɛ asobrakyeɛ. Ɔwɔ nu kyɛ ngɔma me nzɛngyerɛnneɛ ne anwanwadeɛ kɔsone pee wɔ Misraim aseɛ so de,

Ɛksadɔso 9:12

Nakoso AWURADE mane Faro bubuli mmakaa tuale ye so, na wandɛ bɛ so, kyɛbɔ AWURADE ha hyirele Mose ne ala.

Yesaya 63:17

O AWURADE, nzu ati yeɛ amaa yali w’atee nwo makyebu, bɔ yayɛ asoserɛ maa yiti yɛnzuro wɔ e? Sa bra, ɔnate wɔ ngoaa ti, w’agyapadeɛ mmusua kure nemɔ ati.

Yohane 12:40

“Wasi bɛ nye, na wama b’adwene ala, ná bamva bɛ nye bannwu nikye, ná bamva b’adwene bande ye bo, na banza bamma ma manza bɛ anwonyerɛ.”

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

Romanfoɛ 9:22

Sɔ ala yeɛ Nyameɛ ayɔ ɔ. Ɔyɛle kyɛ ahaa ɔkɔla ye yaafɛlɛ piri ne ye tumi ali. Nakoso onyane aboterɛ mane bɛ bɔ ɔfɛle bɛ nwo yaa bɔ b’ayieleɛ ole ewue ne.

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

1 Samuel 6:6

Nzu ati yeɛ ɛmɔyɛ asoserɛ kyɛbɔ Misraimfoɛ ne Faro yɛle asoserɛ ne? Oguale Misraimfoɛ nyunu ase yiele nen, aso bamma Yisraelfoɛ ate ma bangɔ?