Ɛksadɔso 11:1 - AHYERƐLƐ KRONGRON

¹ AWURADE sele Mose kyɛ, “Waha amaneɛ pirikua ko bɔ mebaafa meto Faro ne Misraim so ɔ. Ɛhe asi ye, ɔkɔmaa ɛmɔkofi wa bɛkɔhɔ, na sɛ ɔma ɛmɔ ate a, ɔkɔfoa ɛmɔ maa ɛmɔkofi wa.

Ɛksadɔso 11:1 Iomraidhean Croise

Gyenesise 15:14

Nakoso ngobua maen bɔ bɛkɔso ye ne ndɛen, na ɛhe asi ye, bɛkɔfa anwonya pee paa bekofi maen ne anu bɛkɔhɔ.

YOB NWOMAA NE 10:17

Ɛfa amaneɛ foforɛ to me so maa ɔyɛ adanzeɛ tia me, ɛfɛ me nwo yaa piri paa, na ɛfa ɛlɔen foforɛ ɛba me so.

Ɛksadɔso 12:29

Ye abunnamu ne, AWURADE huhuni Misraim aseɛ so bamuɛbaa mmienzua mukoraati, fite Faro bamuɛbaa bienzua bɔ ɔtena ye bia so ɔ so, kodwu sona bɔ bahye ye nnure bawura kuku nu ye bamuɛbaa so, ɔne nyɛmmoa mɔ bɛ bamuɛbaa mɔ so.

Ɛksadɔso 3:20

Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 9:14

Ofikyɛ afei de, mebaama me hawo amukoraa ba wɔ bɔbɔ wɔ so, wɔ somvoɛ mɔ ne wɔ maen so, amaa ɔnate so anwu ye kyɛ ebiala nne berɛ bɔ ɔte kyɛ me ɔ wɔ aseɛ so amukoraa.

Lewitikɔso 26:21

“Sɛ ɛmɔkɔso bedwɔso betia me, na ɛmɔandie me dwirɛ a, ɔnate ɛmɔ bɔne ti, ngɔhɔ so ngɔfa amaneɛ piri ngɔto ɛmɔ so pɛen nzoo.

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Nyekyire 16:9

Na ahuhuro kandinga mane mmenia nwo yerayerale bɛ, na bɛkekane musue dwirɛ betiale Nyameɛ bɔ ole sɔ ɛhawo nemɔ so tumi ne, na banzakyera b’adwene banhyɛ ye animnyam.

1 Samuel 6:4

Na Filistifoɛ bisale kyɛ, “Nzikyɛ foɛlilɛ afɔleɛ yeɛ yɛfa yɛɛma ye ɔ?” Bebuale kyɛ, “Ɛ́mɔfa sikaa kɔkorɛ bɛ́yɔ mbɔmbɔ nnu ne mmurokuruwa nnu, kyɛbɔ Filisti ahemvo mɔ somaa te ɔ, ofikyɛ amaneɛ komapɛ ne ala yeɛ wawa ɛmɔ amukoraa ne ɛmɔ ahemvo mɔ so ɔ.