Ɛksadɔso 10:7 - AHYERƐLƐ KRONGRON

⁷ Na Faro mbanyi mɔ sele ye kyɛ, “Kyinzu koraa yeɛ biaa he kosua yɛ ngaen maa ɔkɔɔpem ɔ? Ma mmienzua ne bɛhɔ bɛɛsɔne AWURADE bɛ Nyameɛ ne. Aso ennwu ye kyɛ Misraim abɔ ɔ?”

Ɛksadɔso 10:7 Iomraidhean Croise

Edwein 107:34

ɔkakyi aseɛ bɔ ɔkye aleɛ ɔ maa ɔyɛ ɛgyɛhyerɛ, ɔnate aseɛ ne aso ama bɛ bɔne ti.

Ɛksadɔso 12:33

Misraimfoɛ hane Yisraelfoɛ bo kyɛ bɛha bɛ nwo befi aseɛ ne aso; ofikyɛ bɛhane kyɛ, “Yɛ mukoraa yawu yayie.”

Ɛksadɔso 23:33

Nnɛmaa bɛtena w’aseɛ so, anyɔ a né bamaa ayɔ bɔne atia me; ofikyɛ sɛ ɛso bɛ bosoen nemɔ a, ɔkɔyɛ wɔ so ngaen.”

Ɛksadɔso 7:5

Na sɛ metengyɛ me sa wɔ Misraim so, ná meye Yisraelfoɛ mefi bɛ nu a, Misraimfoɛ konwu kyɛ me ole AWURADE.”

Ɛksadɔso 8:19

Na ngonyaayelɛfoɛ nemɔ sele Faro kyɛ, “Ɛhe de, Nyameɛ sa wɔ nu! Nakoso Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Anyandera 29:6

Bɔnefoɛ, ye mmeraatolɛ kakyi ngaen kye ye, nakoso teneneeniɛ de, ɔto dwein di ahurusi.

Nworɛ Dwirɛhanɛniɛ 7:26

Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Yesaya 14:20

Bengosie wɔ ne bɛ ngɔbɔ nu, ofikyɛ asɛkye w’aseɛ, yeɛ ahũhũ wɔ mmenia. “Bɔnefoɛ bɛ bosofoɛ de, bɛngɔbɔ bɛ dumaa paa ko le!

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Yeremia 48:4

Moabo abɔ; ye mma mmaa mmaa bɛteatea nu maa bate bɛ komvi.

Yeremia 51:8

Mvum nu, Babilɔn afi ase, na wabɔ, ɛ́mɔsu ye! Ɛ́mɔfa ayire bɛwasa ye nwo bɔ otutu ye ne aso, ebiaa ye nwo kɔsande ye.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

1 Korintofoɛ 7:35

Ɛmɔ ngɔsoɛ ti yeɛ ɔmaa mekã he ɔ, mengã menhyɛ ɛmɔ so; na mmom mepena kyɛ ɛmɔyɔ bɔ ɔte paa ɔ, na ɛmɔfa ɛmɔ nwo amukoraa bɛso Awurade.

Yosua 23:13

ye de ɛ́mɔnwu ye kyɛ, AWURADE ɛmɔ Nyameɛ ne, ɔngɔfoa maen maen hemɔ ngofi ɛmɔ nyunu ko, na mmom bɛkɔkakyi ɛmɔ so ngaen ne atodum. Bɛkɔkakyi mbire bekofi ɛmɔ, ná bakakyi mmowue bawowɔ ɛmɔ nye, kɔpem kyɛ ɛmɔkowuwu bekofi aseɛ paa he bɔ AWURADE ɛmɔ Nyameɛ wafa wama ɛmɔ ne aso ɔ.

1 Samuel 18:21

Yeɛ Sɔɔlo hane ye wɔ ye ti anu kyɛ, “Ngɔfa Mikal ngɔma ye ngɔfa ngosua ye ngaen, na ɔnate so Filistifoɛ konya ye kohũ ye.” Yiti Sɔɔlo sele Dawide ye pɛen nyɔ so kyɛ, “Afei de, ɛkɔyɛ me sia.”

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.