Ɛksadɔso 10:26 - AHYERƐLƐ KRONGRON

²⁶ Odi kyɛ yɛfa yɛ nyɛmmoa koso yɛkɔ; bɛ gya mbaboa ko po ngɔha wa, ofikyɛ bɛ nu bie yeɛ yɛkwaafa yɛsɔne AWURADE yɛ Nyameɛ ɔ. Na yɛngɔhora ngonwu nikyee bɔ yɛkɔfa yɛkɔsɔne AWURADE ɔ, sana yadwu dɔ koraka.”

Ɛksadɔso 10:26 Iomraidhean Croise

Ɛksadɔso 10:25

Nakoso Mose sele kyɛ, “Odi kyɛ ɛma yɛ sa ka nningyein bɔ yɛkɔfa kɔbɔ afɔleɛ ɔne naen yeralɛ afɔleɛ yɛkɔma AWURADE yɛ Nyameɛ ne ɔ.

Ɛksadɔso 10:9

Na Mose sele kyɛ, “Yɛ ne yɛ ngwadaa ne yɛ mbanyi, yɛ mma mmienzua ne mmrasua, yɛ mmoaen ne yɛ nandwie mɔ yeɛ yɛkɔhɔ ɔ, ofikyɛ, ɔsɛ kyɛ yɛdi aluolue yɛhyɛ AWURADE animnyam.”

Ɛksadɔso 12:32

Ɛ́mɔfa ɛmɔ mmoaen ne ɛmɔ nandwie mɔ, ná ɛ́mɔfi wa bɛhɔ, kyɛbɔ ɛmɔhane nen, ná ɛ́mɔyira me koso.

Ɛksadɔso 8:27

Ɔsɛ kyɛ yɛpɛ atee bɔ bɛfa ɛlɛsa bɛpɛ ɔ wɔ ɛserɛ so yɛkɔbɔ afɔleɛ yɛma AWURADE yɛ Nyameɛ ne, kyɛbɔ wahyɛ yɛ ne ala.”

Anyandera 3:9

Fa bɔ ele ye ɔ hyɛ AWURADE animnyam, wɔ fieso aleɛ bɔ ekoli moa kɔfa amukoraa koso,

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Sakaria 14:20

Sɔ kyẽa ne, adɔma mɔ bɔ bɛlela mbɔngɔ kɔme ne, bɛkɔhyerɛ so kyɛ, “ƆTE KRONGRON MA AWURADE.” Na AWURADE awuro berɛ ngukue nemɔ bɛkɔyɛ kyɛ afɔleɛ bokyea ne anyunu berɛ ndalie nemɔ.

2 Korintofoɛ 8:5

Nna bɔ yɛsusuli ne ngome po yeɛ bɛyɔle ɔ, na mmom ɔnate Nyameɛ pɛ so belili moa bɛfale bɛ nwo bɛmane Awurade, na afei bɛyɔle sɔ bɛmane yɛ koso.

Hebrifoɛ 11:8

Ɔnate gyidie so yeɛ Abraham tiele Nyameɛ frɛlɛ ne, ná otu hɔle maen bɔ ɔfa hyɛle ye bɔ kyɛ ɔkɔmaa ɔkɔyɛ ye agyapadeɛ ne aso ɔ; na otu fili ye maen nu bɔ né ɔnze nekaa bɔ ɔkɔ ɔ.