Ɛksadɔso 10:22 - AHYERƐLƐ KRONGRON

²² Yiti Mose tengyɛle ye sa hyirele anwuro, na awosii kabii wale Misraim aseɛ so amukoraa ɛlɛsa.

Ɛksadɔso 10:22 Iomraidhean Croise

YOB NWOMAA NE 5:14

Awosii to bɛ alehyeleɛ nu, na befuafua eyia ketee kyɛ kɔngɔen ahɔ ne.

Edwein 105:28

Ɔsomane awosii, na ɔmane aseɛ ne aso yɛle tunn; nakoso bamva ye dwirɛ ne banyɛ huu.

Ɛksadɔso 20:21

Mmenia ne gyinane dedeede, nakoso Mose de opingyele awosii kabii bɔ né Nyameɛ wɔ nu ne.

Yesaya 8:22

bɛkɔto bɛ nye bɛkɔnea aseɛ so, nakoso aworabɔlɛ, awosii ne amaneɛ yeɛ bekonwu ye ɔ; na bekogyi bɛ bekogua awosii kabii nu.

Hesekiel 32:7

Sɛ menua wɔ boso a, ngɔkata ewienu, na ngɔma nzramaa mɔ kɔyɛ tunn; ngɔfa munungum ngɔkata eyia nyunu, na ɛsraen ngɔta.

Hesekiel 32:8

Ewienu nganea mukoraa bɔ bɛta ne, ngɔmaa bɛkɔyɛ wɔ so tunn, na ngɔfa awosii ngɔkata w’aseɛ ne aso, AWURADE Nyameɛ noa dwirɛ ɛne.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Amose 4:7

“Asa koso, mama esue ayakyi tɔlɛ wama ɛmɔ wɔ aberɛ bɔ wahã bosome nza koraka né buberɛ adwu ɔ; mama esue watɔ wagua kuro ko aso, yeɛ mamma wandɔ wangua kuro ko aso. Esue tɔ guale eboo ko aso, na eboo bɔ esue wandɔ wangua so ne, nu nningyein yerale.

Deuteronomi 4:11

Ɛmɔpingyele berɛ, na ɛmɔgyinane bokaa ne nye abo, wɔ aberɛ bɔ né bokaa ne gye wuronyiwuronyi kɔ anwuro anwuro wɔ munungum kabii ne awosii tunn nu ɔ.

Deuteronomi 5:22

Sɔ dwirɛ hemɔ, AWURADE fale komviɛ piri dwudwo hyirele ɛmɔ maen ye amukoraa wɔ see ne anu, wɔ munungum ne anu, ɔne awosii kabii ne anu wɔ bokaa ne aso; na wamva edwirɛ biala wammoka so. Ɔhyerɛle bɛ guale nyɔboɛ taataa nyɔ so yeɛ ɔfa mane me ɔ.

Nyekyire 16:10

Na abɔfo bɔ ɔtɔ so nnu ne hwiele bɔ ɔwɔ ye kulie ne anu guale kaka n’ahennie bia ne aso, na ye ahennie ne kakyili awosii; na mmenia fale yealɛ bɛpesale bɛ temverema.