Ɛksadɔso 1:21 - AHYERƐLƐ KRONGRON

²¹ Na ɔnate kyɛ mmrasua bɔ bede aworɛ ne besuro Nyameɛ ne ati, ɔmaa bɛ koso bɛbɔle taen.

Ɛksadɔso 1:21 Iomraidhean Croise

1 Ahemvo 11:38

Sɛ ekotie bɔ mahyɛ wɔ ne amukoraa, ɛkɔnate m’atee so, ɛkɔyɔ bɔ ɔtengyɛ wɔ me nye so, ná ekoli m’ahyɛdeɛ ne me mmeraa dwirɛ so, kyɛbɔ me somvoɛ Dawide lili so ne a, ye de ngogyina wɔ si. Na ngɔma wɔ boso ama koli bia ne afebɔɔ kyɛbɔ nyɔ mane Dawide ne, na ngɔmaa ekoli Yisrael so hene.

1 Ahemvo 2:24

Ɔnate ye sɔ ti, AWURADE teasefoɛ bɔ wama me bo atimu ná wama mali me baba Dawide bia, ná wamaa ahennie aatɔ m’awuro kyɛbɔ ɔhyɛle bɔ ne, ngyi ye nyunu mekã kyɛ, ɛnɛ odi kyɛ beku Adoniya.”

Edwein 112:1

Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Edwein 127:3

Amba, mmaa te AWURADE sa nu agyapadeɛ, na aworɛ te ye sa nu saleɛ.

Edwein 37:3

De AWURADE di, na yɔ bɔ ɔte paa ɔ; amaa ɔnate so anya aseɛ ne aso atena, ná wɔ nwo atɔ wɔ.

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Anyandera 24:3

Sona fa nworɛ yeɛ osi sua ɔ, na bɛfa ndeaseɛ yeɛ bɛmaa ogyina ɔ;

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yeremia 35:2

“Kɔ Rekabofoɛ nemɔ awuro, ná ɛne bɛ beedwudwo. Fa bɛ bra AWURADE awuro berɛ pumbu nemɔ ko anu, ná ma bɛ nzaa kyɛ bɛno.”

1 Samuel 2:35

Me de, ngɔtete ɔsɔfo nahorɛniɛ ko ngɔma me bɔbɔ me nwo, na ye yeɛ okoli m’ahone nu dwirɛ ne me nhyehyɛleɛ so ɔ. Ngɔma ye bosofoɛ koli sɔfo kɔhyɛ, na okoli sɔfo afebɔɔ kɔso sona bɔ mapopa ye ngoo ne.

1 Samuel 25:28

Mesrɛ wɔ ala, fa w’afaneɛ mvomsoɛ kyɛ ye. AWURADE kɔma me mene ne ye boso ama bekoli hene afebɔɔ amba, ofikyɛ AWURADE koɛ yeɛ me mene ɔko ɔ. Na edwirɛ tɛɛ biala ngɔto wɔ wɔ mmerɛ biala bɔ ɛte ase ɔ.