Ɛksadɔso 1:20 - AHYERƐLƐ KRONGRON

²⁰ Yiti Nyameɛ lole mmrasua bɔ bede aworɛ ne, na Yisraelfoɛ nemɔ wora bɛ boso trɛle, na bɛtale pembepembe.

Ɛksadɔso 1:20 Iomraidhean Croise

Edwein 103:11

Na kyɛbɔ anwuro ne aseɛ b’afia si wale ne, sɔ ala yeɛ ye ɔdɔ bɔ onni ngasi ne ɔte piri ma bɛ bɔ besuro ye ɔ.

Edwein 111:5

Bɛ bɔ besuro ye ne, ɔma bɛ aleɛ, na ye nye wɔ ye apam so daa.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Edwein 61:5

Ofikyɛ wɔ, Nyameɛ, ate me bɔhyɛ ne, bɛ bɔ besuro wɔ dumaa ne, afa b’agyapadeɛ ama me.

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Ɛksadɔso 1:12

Nakoso bɛwɔ so bɛ́hyɛ bɛ anyeborolɛ maa ɔbo so nen, bekye po yeɛ né bɛ́kɔ so bɛsone ná bɛtrɛ ɔ. Na Misraimfoɛ surole Yisraelfoɛ paa.

Ɛksadɔso 1:19

Na mmrasua bɔ bede aworɛ ne buale Faro kyɛ, “Hebri mmrasua nemɔ de, bɛtte kyɛ Misraim mmrasua nemɔ; ofikyɛ bɛ nwo te kyerekyerɛɛ, na bɛwo koraka né sona bɔ ode aworɛ ne adwu berɛ.”

Ɛksadɔso 1:7

Nakoso Yisrael boso ama nemɔ wowole, bɛ boso trɛle, na bɛ nwo yɛle se. Yiti beyili maen ne anu tɛkyɛ.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Mateo 10:42

Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Luka 1:50

Na ye anwumvoinnwunɛ ne, ɔwɔ bɛ bɔ besuro ye ɔ so, wɔ aworɛ ndoatoasoɛ amukoraa nu.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.