Ɛksadɔso 1:16 - AHYERƐLƐ KRONGRON

¹⁶ “Sɛ ɛmɔde Hebri mmrasua aworɛ, ná awoleɛ nu berɛ, ɛmɔnwu kyɛ adɔma ne te bienzua a, odi kyɛ ɛmɔku ye. Sɛ ɔte brasua de a, nnɛma ɛmɔku ye.”

Ɛksadɔso 1:16 Iomraidhean Croise

Edwein 105:25

Ɔmane pɔfoɛ nemɔ adwene sesane maa bɛpɔle ye mmenia nemɔ. Na bɛfale nworɛ atee so bɛhyɛle ye somvoɛ nemɔ aso.

Ɛksadɔso 1:15

Afei Misraim hene sele Hebri mmrasua bɔ bede aworɛ, bɔ bɛ nu ko li Sifra, ná ko wora li Pua ne kyɛ,

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Mateo 21:38

Nakoso mmerɛ bɔ hwɛsofoɛ nemɔ nwuni ɔwa ne nen, besisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná yɛfa ye agyapadeɛ ne!’

Asomafoɛ 7:19

Ye yeɛ ɔfale nnakannaka atee so hyɛle yɛ mmenia nemɔ so ɔ; na ɔhyɛle yɛ nana mɔ ma bɛtotole bɛ mma nnɔma mɔ beguale, kyɛbɔ ɔkɔyɛ bɔ bekowuwu ɔ.

Hebrifoɛ 11:23

Ɔnate gyidie so yeɛ mmerɛ bɔ bɛwole Mose nen, ye awofoɛ fale ye feale tonn bosome nza ɔ; ofikyɛ benwuni kyɛ ye nwo yɛ nyemene, na banzuro kyɛ bekobu ɛhene ne mmeraa ne aso ɔ.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.