Ɛksadɔso 1:14 - AHYERƐLƐ KRONGRON

¹⁴ Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.

Ɛksadɔso 1:14 Iomraidhean Croise

Gyenesise 15:13

Na AWURADE sele Abram kyɛ, “Memaa ɛte ye bo kyɛ, wɔ boso ama kɔyɛ ɛwɔfoɛ wɔ aseɛ bɔ nna bɛ deɛ ahɔ so. Bɛkɔyɛ ngoaa wɔ berɛ, na bɛkɔhyɛ bɛ so toonn afoɛ ɛyaa nna.

1 Ahemvo 12:14

na ogyinane mmerandeɛ nemɔ foɛtulɛ so sele bɛ kyɛ, “Me baba maa ɛmɔyɔle adwuma bɔ ɔyɛ se paa ɔ, na me wora, ngɔfa bieku ngɔboka so. Me baba de, ole mbire yeɛ ɔhwene ɛmɔ so ɔ, nakoso me de ngɔfa anyanyangyeleɛ yeɛ ngɔhwe ɛmɔ so ɔ.”

Edwein 129:1

“Ofi me ngwadaa nu, mmerɛ pee yeɛ bafa koɛ baateta me ɔ, afei, Yisrael kã e:

Edwein 68:13

ɔwɔ nu kyɛ bɛlela mmoaennduin nu de, nakoso bɛte kyɛ abubure bɔ ɛdwetɛ kata ye ndaa nwo, ye ndɛkra te kyɛ esikaa kɔkorɛ bɔ ɔte yerɛmyerɛm ɔ.

Edwein 81:6

“Nyele adesoa piri ne mvili ye bati so, ye sa yakyili kɛndɛen kukulɛ.

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 1:13

Yiti bɛhyɛle Yisraelfoɛ anyeborolɛ maa bɛyɔle adwuma serɛ paa bɛmane bɛ.

Ɛksadɔso 1:15

Afei Misraim hene sele Hebri mmrasua bɔ bede aworɛ, bɔ bɛ nu ko li Sifra, ná ko wora li Pua ne kyɛ,

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 6:9

Mose hane sɔ dwirɛ ne hyirele Yisraelfoɛ nemɔ, nakoso ɔnate b’aba nu bɔ né wabu, ɔne ngoaasolɛ serɛserɛ bɔ né bɛwɔ nu ne ati, bandɛ ye so.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Yesaya 10:24

Yiti AWURADE, Asafo Nyameɛ nwa nyoo, “O me maen bɔ ɛte Sion ɔ, nnɛsuro Asiria. Ɔkɔfa bakaa kɔbo wɔ, yeɛ ɔkɔfa pɔmaa kɔwa wɔ so kyɛbɔ Misraim yɔle ne.

Yesaya 14:6

Ye bɔ ye ahone hu a ɔnyakyi mmenia hunɛ ne, bɔ ɔfale ɛyaafɛlɛ lili maen maen mɔ so ne, bɔ ɔmaa bɛhɔle anwokyere ndoatoasoɛ nu ne.

Yesaya 51:23

Na ngɔfa ngowura bɛ bɔ bɛhyɛ wɔ so nemɔ bɛ sa nu, bɛ bɔ bahã bahyire wɔ kyɛ, ‘Da berɛ ma yɛtiatia wɔ so yɛhɔ’ ne; na ɛfale wɔ si yɛle kyɛ aseɛnwo, yeɛ ɛfa yɛle kyɛ atee maa bɛfale so.”

Yesaya 52:5

Na afei, nzikyɛ yeɛ odi kyɛ meyɔ ye wɔ wa ɔ? AWURADE noa dwirɛ ɛne, ofikyɛ basesa me maen bahɔ mbaen. Bɛ bɔ bedi bɛ so ne, bɛmaa bɛbɔ awuye, AWURADE noa dwirɛ ɛne; na daa biala bɛkekã musue dwirɛ betia me dumaa.

Yesaya 58:6

“Aso nna akɔngyere he yeɛ ɔsɔ me nye ɔ: kyɛ ɛmɔkɔsangye nzɛmmɔne ngɔnzɔngɔnzɔ, kyɛ ɛmɔkɔsangye mmenia kɔnnua nyamaa, kyɛ ɛmɔkɔma bɛ bɔ ɛmɔhyɛ bɛ so ɔ bekonya bɛ fawɔnwodi, ɔne kyɛ ɛmɔkobubu kɔnnua biala ɔ?

Lewitikɔso 25:43

Nnɛhyɛ bɛ so, na mmom suro wɔ Nyameɛ.

Lewitikɔso 25:46

Ɛmɔkɔhora bɛkɔfa bɛ bɛkɔyɛ agyapadeɛ bɛkɔyakyi ɛmɔ mma mɔ, yeɛ ɛmɔkɔhora bɛkɔfa bɛ bɛkɔyɛ ɛmɔ nganga. Nakoso ɛmɔ mmango Yisraelfoɛ de, nnɛma ebiala hyɛ obiɛngo so.

Lewitikɔso 25:53

Nakoso sɛ ɔtɛwura ɛwɔfoɛ ne bo de a, odi kyɛ ɔyɛ afoɛnoa afoɛnoa paaniɛ ma ye mene ne. Na ɛ́mɔnea kyɛ ye mene ne, ɔngɔhyɛ ye so ɔ.

Mika 3:3

ɛmɔdi me mmenia nwonaen, na ɛmɔpuro bɛ nwonaen befi bɛ nwo, ɛmɔbubu bɛ mmowue nu, ɛmɔpepɛ nu ahuronzi ahuronzi, kyɛ bɛfa begua kukue nu ɔ, kyɛ naen bɔ ogua turonzemaa nu ɔ.

Nahum 3:14

Ɔnate kuro ne tualɛ ne ati, sesa nzue sie; miamia w’anwoserɛ afealeɛ nemɔ anu, dɔne nnɛterɛ fa pɛ mmerekese, ná miamia bɔ bɛfa bɛpɛ mmerekese ne anu yé.

Numeri 20:15

Ɛse kyɛbɔ yɛ nana mɔ hɔle Misraim, ɔne kyɛbɔ yɛtenane Misraim yɛhyɛle, ná Misraimfoɛ hyɛle yɛ ne yɛ nana mɔ so ɔ.

Asomafoɛ 7:19

Ye yeɛ ɔfale nnakannaka atee so hyɛle yɛ mmenia nemɔ so ɔ; na ɔhyɛle yɛ nana mɔ ma bɛtotole bɛ mma nnɔma mɔ beguale, kyɛbɔ ɔkɔyɛ bɔ bekowuwu ɔ.

Asomafoɛ 7:34

Manwu amaneɛ bɔ me mmenia nwu ye wɔ Misraim. Mate b’esuɛ koso, na madwu mawa ase kyɛ mebaaye bɛ mefi ngoaasolɛ nu. Yiti bra ma nzoma wɔ ma ɛhɔ Misraim.’

Deuteronomi 26:6

Misraimfoɛ hyɛle yɛ so, bɛteetee yɛ, na bɛmaa yɛyɔle adwuma bɔ ɔbo yɛ so ɔ.

Deuteronomi 4:20

Nakoso ɛmɔ de, AWURADE afa ɛmɔ, na waye ɛmɔ wafi buralɛ afaa hyerɛhyerɛ nu, mekyire Misraim, kyɛ ɛmɔɔyɛ ye bɔbɔ deinn ye deɛ, kyɛbɔ kekesaala ye ɛmɔte ye.

Rutu 1:20

Na Naomi sele bɛ kyɛ, “Nnɛma ɛmɔfrɛ me Naomi ko, ɛ́mɔfrɛ me Mara, ofikyɛ Ɛdangama ama me bra ayɛ weewee.