Ɛksadɔso 1:13 - AHYERƐLƐ KRONGRON

¹³ Yiti bɛhyɛle Yisraelfoɛ anyeborolɛ maa bɛyɔle adwuma serɛ paa bɛmane bɛ.

Ɛksadɔso 1:13 Iomraidhean Croise

Gyenesise 15:13

Na AWURADE sele Abram kyɛ, “Memaa ɛte ye bo kyɛ, wɔ boso ama kɔyɛ ɛwɔfoɛ wɔ aseɛ bɔ nna bɛ deɛ ahɔ so. Bɛkɔyɛ ngoaa wɔ berɛ, na bɛkɔhyɛ bɛ so toonn afoɛ ɛyaa nna.

1 Ahemvo 12:14

na ogyinane mmerandeɛ nemɔ foɛtulɛ so sele bɛ kyɛ, “Me baba maa ɛmɔyɔle adwuma bɔ ɔyɛ se paa ɔ, na me wora, ngɔfa bieku ngɔboka so. Me baba de, ole mbire yeɛ ɔhwene ɛmɔ so ɔ, nakoso me de ngɔfa anyanyangyeleɛ yeɛ ngɔhwe ɛmɔ so ɔ.”

2 Aberɛso Dwirɛ 10:11

Me baba maa ɛmɔyɔle adwuma bɔ ɔyɛ se paa ɔ, na me wora, ngɔfa bieku ngɔboka so. Me baba de, ole mbire yeɛ ɔhwene ɛmɔ so ɔ, nakoso me de ngɔfa anyanyangyeleɛ yeɛ ngɔhwe ɛmɔ so ɔ.’ ”

Edwein 105:25

Ɔmane pɔfoɛ nemɔ adwene sesane maa bɛpɔle ye mmenia nemɔ. Na bɛfale nworɛ atee so bɛhyɛle ye somvoɛ nemɔ aso.

Ɛksadɔso 1:14

Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Lewitikɔso 25:43

Nnɛhyɛ bɛ so, na mmom suro wɔ Nyameɛ.

Deuteronomi 4:20

Nakoso ɛmɔ de, AWURADE afa ɛmɔ, na waye ɛmɔ wafi buralɛ afaa hyerɛhyerɛ nu, mekyire Misraim, kyɛ ɛmɔɔyɛ ye bɔbɔ deinn ye deɛ, kyɛbɔ kekesaala ye ɛmɔte ye.