Ɛseta 9:30 - AHYERƐLƐ KRONGRON

³⁰ Yudafoɛ amukoraa bɔ bɛwɔ Nana Ahasuro manzini ɛyaa ko aburanyɔ ne nzoo nemɔ anu ne, bɛsomane maa bɛfale ngrataa bɔ asomdwee ne bɛ nwo waenbɔlɛ dwirɛ wɔ nu ɔ bɛɛmane bɛ.

Ɛseta 9:30 Iomraidhean Croise

Gyenesise 23:1

Sara afoɛ bɔ olili amukoraa te ɛyaa ko ne aburanyɔ ne nzoo.

Ɛseta 1:1

Sɔ dwirɛ he sili wɔ Nana Ahasuro aberɛ so, na sɔ Ahasuro ne, olili manzini ɛyaa ko aburanyɔ ne nzoo so fite Yindia maa oodwuli Yitiopia.

Ɛseta 8:9

Bosome nza bɔ yeɛ oli Siwan ne anu, ye kyẽa bɔ ɔtɔ so aburanyɔ ne nza ne, bɛfrɛfrɛle Nana Ahasuro ahyerɛlɛfoɛ maa beeyiale. Na edwirɛ biala bɔ Modekae hane ne, bɛhyerɛle maa ɔyɛle mmeraa, na bɛfa bɛɛmane Yudafoɛ, mbɔtam mbanyi, amrado mɔ ne manzini mbanyi bɔ bɛwɔ manzini ɛyaa ko aburanyɔ ne nzoo ne anu, fite Yindia bɔ ɔkwaadwu Yitiopia. Manzini biala, kyɛbɔ ye ahyerɛlɛ te ne, yeɛ mmenia biala, kyɛbɔ bɛ dwudwolɛ te ne, sɔ ala yeɛ bɛhyerɛle krataa ne ɔ, na bɔ bɛfa bɛɛmane Yudafoɛ ne koso, ɔte b’ahyerɛlɛ ne bɛ dwudwolɛ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Yesaya 32:17

Ɔnate tenenee so asomdwee kɔwa, na tenenee kɔfa bɛ soanutɔlɛ ne bɛ nwo waenbɔlɛ kɔwa afebɔɔ.

Yesaya 39:8

Yeɛ Hesekia sele Yesaya kyɛ, “AWURADE noa dwirɛ bɔ ahã ne, ɔte paa.” Ɔhane sɔ, ofikyɛ onyane adwene kyɛ, “M’aberɛ so, maen ne konya asomdwee, na nu kodwo fɔnwoo.”

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.