Ɛseta 9:27 - AHYERƐLƐ KRONGRON

²⁷ Yudafoɛ le tole nu, na ɔyɛle amammerɛ mane bɛ ne bɛ bosofoɛ ne ebiala bɔ ɔɔyɛle Yudaniɛ ɔ, kyɛ sɔ ngyẽa nyɔ ne, bɛngɔma ɔngɔpa ye nwo, na bɛkɔhɔ so bekoli ye afoɛnoa biala, wɔ mmerɛ bɔ bahyɛ bato berɛ ne anu, kyɛbɔ bahyerɛ bato berɛ ne.

Ɛseta 9:27 Iomraidhean Croise

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Ɛseta 9:20

Modekae hyerɛle edwirɛ bɔ osisili ne, na ɔmaa bɛfale ngrataa bɛɛmane Yudafoɛ amukoraa bɔ bepingye, ɔne bɛ bɔ bɛwɔ dedeede, bɔ bɛwɔ Nana Ahasuro manzini amukoraa nu ɔ.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,

Ɛseta 9:28

Ye sɔ ne ati, odi kyɛ bɛkaye sɔ ngyẽa ne, ná bedi ye aworɛ ndoatoasoɛ ne abusua ne manzini ne kuro biala nu. Na sɔ Purim aluolue ngyẽa nemɔ, onni kyɛ bɛyakyi bɛ lilɛ le wɔ Yudafoɛ nu, yeɛ bɛ bosofoɛ koso, onni kyɛ bɛ wora fi ye lilɛ le.

Edwein 78:7

amaa ɔnate so bafa bɛ wora bawura Nyameɛ nu, ná bɛ wora amvi Nyameɛ sa noa nnwumaa, na mmom bali ye mmeraa dwirɛ so.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 56:3

Amanvoraniɛ bɔ waafa ye nwo wabɔ AWURADE ne, nnɛmaa ose kyɛ, “Etulɛ ala yeɛ AWURADE kotu me kofi ye maen nu ɔ”; yeɛ sona bɔ ɔte sayɛɛ ne koso, nnɛmaa ose kyɛ, “Hmmm, me de mayɛ bakaa wuruwaa.”

Yesaya 56:6

“Yeɛ amanvrafoɛ bɔ bafa bɛ nwo baabɔ AWURADE kyɛ bɛbaaso ye, ná bahuro ye dumaa dwirɛ, ná bayɛ ye somvoɛ nen, ebiala bɔ odi afofikyẽa ne aso, bɔ ɔmva efiɛ nga ye ne, bɔ odi m’apam ne aso ne,

Hesekiel 16:61

Na sɛ mefa eliɛma mmrasua nemɔ, bɔ ko tra wɔ panyi, bɔ ko wora ɔte kãa tra wɔ ne, mema wɔ maa bɛyɛ wɔ mma mmrasua, bɔ nna w’apam ne aso yeɛ magyina mayɔ sɔ hɔ a, ye de ɛkɔkaye w’atee bɔ ɛnate so ɔ, ná wɔ nyunu agua ase.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Numeri 15:15

Yisraelfoɛ de, ahyɛdeɛ komapɛ yeɛ ɔla berɛ ma ɛmɔ ne ɛwɔfoɛ bɔ baatena ɛmɔ nu ne ɔ; odi kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ nu. Odi kyɛ ɛmɔ ne ɛwɔfoɛ ne bɛyɛ pɛ wɔ AWURADE nyunu.

Deuteronomi 5:3

Nna yɛ nana mɔ yeɛ AWURADE ne bɛ yɛle apam he ɔ, na mmom ɔne yɛ, yɛ mukoraati bɔ kekesaala ye yɛte ase ye.

Yosua 9:15

Yosua ne bɛ yɛle asomdwee apam, bɔ odi agyinamuɛ kyɛ ɔkɔmaa bekonya bɛ ti bekodidi nu ɔ; na Yisrael ɛlɔen ne anu mbanyi tale ndaen foale so.

Maenbulɛfoɛ 11:40

afoɛ biala, Yisrael mmrasua betu ɛlɛnna besie berɛ bekosu Gileadeniɛ Yɛfeta ɔwa brasua ne.

1 Samuel 30:25

Na ofi sɔ kyẽa ne, Dawide fa yɛle ahyɛdeɛ ne nhyehyɛleɛ tole berɛ mane Yisrael, na ɔtɛwɔ berɛ maa waadwu ɛnɛ.