Ɛseta 9:25 - AHYERƐLƐ KRONGRON

²⁵ Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

Ɛseta 9:25 Iomraidhean Croise

1 Ahemvo 8:32

ye de tie ye wɔ nyameɛso dɔ ná di dwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

Ɛseta 3:6

Né baha maen horɛ bɔ Modekae fi nu ɔ bahyire Haman, yiti Haman anguro kyɛ okohu ye ngome ɔ. Na mmom Haman bɔle porɛ kyɛ, Modekae aliɛma mɔ Yudafoɛ amukoraa bɔ bɛwɔ Ahasuro ahennie nu ne, okonua bɛ boso.

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Ɛseta 7:4

Ofikyɛ bayɛ me ne me mmenia atɔen kyɛ beli yɛ awue, behũ yɛ, ná benua yɛ boso. Na sɛ bɛtɔnene yɛ maa yɛyɛle ngoaa ne afaneɛ mɔ po a, ahaa mengɔtɛ me noa nu, ofikyɛ ahaa ye nwo ngohia kyɛ ngɔfa sɔ dwirɛ kaaba he ngɔha Nana adwene ɔ.

Ɛseta 7:5

Yeɛ Nana Ahasuro bisale Nana hemmaa Ɛseta kyɛ, “Sona beni ɛne, ɔwɔ nisua, nwa yeɛ wabɔ sɔ porɛ he ne?”

Edwein 140:8

Ao AWURADE, nnɛyɔ bɔnefoɛ b’apɛdeɛ ma bɛ; nnɛmaa bɛ porɛ tɛɛ ne ɔba nu ná banhoahoa bɛ nwo. Sela

Edwein 140:9

Bɛ bɔ bapɛ me nwo bayia ne, bamoma bɛ nwo so; ma bɛ noa nu musue dwirɛ ne ɔbɔ bɛ ti so!

Edwein 141:10

Ma bɔnefoɛ bɛ bɔbɔ bɛ ngaen ɔhye bɛ, na me de, maa nya atee nwati.

Edwein 7:16

Ye musue bɔ ye bɔbɔ ye ti so, na basabasa bɔ wahyehyɛ ne, odwiri gua ye bɔbɔ ye ti so.

Edwein 7:17

AWURADE tengyɛ, yiti ngɔfa asennaa bɔ ɔfata ye ɔ ngɔma ye, na AWURADE bɔ ɔwɔ anwuro anwuro ne, ngɔto dwein ngɔye ye dumaa ayɛ.

Edwein 94:23

Okotua bɛ b’amumuyɛɛ so kerɛ, ná ɔnate bɛ bɔne ti wanua bɛ boso. Amba, AWURADE yɛ Nyameɛ konua bɛ boso.

Anyandera 26:27

Ebiala bɔ ɔpɛ kumaa ne, ɔkɔte kɔtɔ nu, yeɛ sona bɔ omunu nyɔboɛ ne, nyɔboɛ ne kosa ye si kɔɔtɔ ye so.

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Yesaya 22:25

Asafo AWURADE nwa nyoo, sɔ kyẽa ne, pɛmbɛen bɔ omi nekaa bɔ berɛ yɛ se ne, ye bo kɔyɛ gɔhɔgɔhɔ, bɛkɔpɛ maa ɔkɔtɔ ase, na adesoa bɔ osinze so ne kɔsɛkye, ofikyɛ AWURADE noa dwirɛ ɛne.”

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Mateo 21:44

Na ebiala bɔ okofi ase kɔtɔ nyɔboɛ he aso ne, okobubu ye nu ahuronzi ahuronzi; yeɛ sɛ ɔte tɔ ebie so a, okonuku ye nyokonyoko.”]

1 Samuel 25:39

Dawide tele kyɛ Nabal awu ne, ɔhane kyɛ, “AWURADE bɔ watɔ Nabal alapaa bɔ wabɔ me ne aso wereɛ, bɔ asa koso wamma ye akoaa anyɔ bɔne ne, animnyam hã ye. AWURADE ama Nabal bɔne abɔ ye bɔbɔ ye ti so.” Afei Dawide somane maa bɛɛhã behyirele Abigail kyɛ okogya ye.