Ɛseta 9:24 - AHYERƐLƐ KRONGRON

²⁴ Ɔhyerɛle kyɛ, Agaginiɛ Hamedata ɔwa Haman bɔ ɔpɔ Yudafoɛ amukoraa ne, ɔbɔle porɛ kyɛ okonua Yudafoɛ bɛ boso. Oguale serewa bɔ bɛfrɛ ye ‘Pure’ ne, kyɛ okoli bɛ so ngonim ná wanua bɛ boso.

Ɛseta 9:24 Iomraidhean Croise

2 Samuel 21:5

Na bebuale Nana Dawide kyɛ, “Biaa bɔ ohuhuni yɛ, bɔ ahaa ɔpena kyɛ yɛ boso nua, ná ɔye yɛ fi Yisrael aseɛ so nekaa biala ne,

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛseta 9:10

Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.

Ɛseta 9:23

Yiti Modekae nhyehyɛleɛ bɔ ɔhyerɛ ɔɔmane Yudafoɛ ne, bɛfa bɛfoale bɔ né bahyɛ ye bo bɛyɔ ne aso maa ɔɔyɛle b’amammerɛ.

Yesaya 22:25

Asafo AWURADE nwa nyoo, sɔ kyẽa ne, pɛmbɛen bɔ omi nekaa bɔ berɛ yɛ se ne, ye bo kɔyɛ gɔhɔgɔhɔ, bɛkɔpɛ maa ɔkɔtɔ ase, na adesoa bɔ osinze so ne kɔsɛkye, ofikyɛ AWURADE noa dwirɛ ɛne.”