Ɛseta 9:22 - AHYERƐLƐ KRONGRON

²² kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

Ɛseta 9:22 Iomraidhean Croise

Ɛseta 9:19

Ye sɔ ne ati, Yudafoɛ bɔ bɛwɔ namue nemɔ anu, bɔ fasue nne bɛ nguro nemɔ anwo ne, batu bosome Ada, ye kyẽa bɔ ɔtɔ so buru ne nna ne basie berɛ kyɛ ɔte anigye ne ɛpoentolɛ kyẽa, na ɔte nwomelelɛ kyẽa bɔ bɛkyekyɛ bɛ nwo bɛ nwo aleɛ ɔ.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,

Ɛseta 9:23

Yiti Modekae nhyehyɛleɛ bɔ ɔhyerɛ ɔɔmane Yudafoɛ ne, bɛfa bɛfoale bɔ né bahyɛ ye bo bɛyɔ ne aso maa ɔɔyɛle b’amammerɛ.

Edwein 103:2

Ao me kra, ye AWURADE ayɛ, na nnɛma wɔ wora fi ye nningyein paa nemɔ anu biala.

Edwein 149:7

bɔ bɛkɔfa bɛkɔtɔ amaen maen mɔ so wereɛ, bɔ bɛkɔfa bɛkɔhwe amaen maen mɔ bɛ so,

Edwein 30:11

Ama m’aworabɔlɛlilɛ wakakyi ahurusililɛ; aye me nwo ɛsɛen tena ne agua berɛ, na afa anigye ahera me,

Edwein 30:12

amaa ɔnate so me kra wanga ye noa wandu nu, na mmom waye wɔ ayɛ. Ao AWURADE me Nyameɛ, ngɔla wɔ ase afebɔɔ.

Edwein 37:15

Ye ngrandɛ ne kɔwɔ ye bɔbɔ ye ahone nu, na ye agyaen nemɔ anu kobubu.

Yesaya 14:3

Na ɔkɔwa kyɛ, kyẽa bɔ AWURADE kɔye wɔ kofi wɔ yealɛ, amaneɛ ne kanga adwuma bɔ bɛhyɛle wɔ maa ɛyɔle ne anu ne,

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Galatiafoɛ 2:10

Bɛsrɛle yɛ nikyee komapɛ, kyɛ yɛkaye ehiafoɛ; na né ɛhe te nikyee bɔ mekuro kyɛ meyɔ ɔ.

Deuteronomi 15:7

“Sɛ eliɛma bie te ehianiɛ wɔ kuro bie anu, wɔ w’aseɛ bɔ AWURADE wɔ Nyameɛ ɔ́fa ma wɔ ne aso a, nnɛbɔ eliɛma ne atianuserɛ, yeɛ nnɛma wɔ sa bo yɛ se ma eliɛma bɔ ye nwo ahyere ye ɔ.

Deuteronomi 16:14

Aluolue mmerɛ ne, di ahurusi, ɛne wɔ mma mmienzua ne mmrasua, wɔ nganga mmienzua ne mmrasua, Lewifoɛ, ɛwɔfoɛ mɔ, nyisiaafoɛ, ɔne kunafoɛ bɔ bɛte wɔ kuro ɔ.

Deuteronomi 16:15

Aluolue ne, di ye ɛlɛsoo fa hyɛ AWURADE wɔ Nyameɛ animnyam, wɔ nekaa bɔ AWURADE kɔneanea nu kɔye kosie berɛ ne; ofikyɛ AWURADE wɔ Nyameɛ koyira wɔ wɔ wɔ fieso nningyein ne wɔ sa noa adwuma mukoraati nu, na wɔ nye kɔgye paa.

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

1 Samuel 25:8

Wɔ de, bisa wɔ mmerandeɛ nemɔ, na bɛkɔhã bekohyire wɔ. Yiti de me mmerandeɛ nemɔ nyemene so, ofikyɛ ɛnɛ bɔ yawa ye, ɔte anigye kyẽa. Yɛsrɛ wɔ ala, nikyee biala bɔ wɔ sa kɔsõ so ne, fa ma wɔ ngoaa ne ɛwa Dawide.’ ”