Ɛseta 9:21 - AHYERƐLƐ KRONGRON

²¹ Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,

Ɛseta 9:21 Iomraidhean Croise

Ɛsra 6:15

Beyiele awuro ne si wɔ kyẽa bɔ ɔtɔ so nza wɔ bosome bɔ bɛfrɛ ye Ada ne anu, wɔ Nana Dario ahennie afoɛ bɔ ɔtɔ so nzia ne anu.

Ɛseta 3:7

Nana Ahasuro lili bia ne, ye afoɛ buru ne nyɔ ne anu, bosome bɔ oli moa, bɔ bɛfrɛ ye Nisan ne anu, beguale serewa wɔ Haman nyunu. Bɛfrɛ serewagualɛ ne Pure. Bɛfa bɛpenane kyẽa ne bosome bɔ ɔkɔfa konua Yudafoɛ boso ɔ. Na serewagualɛ ne yele kyẽa bɔ ɔtɔ so buru ne nza wɔ bosome bɔ ɔtɔ so buru ne nyɔ bɔ bɛfrɛ ye Ada ne.

Ɛseta 9:17

Bosome bɔ oli Ada ne, ye kyẽa bɔ ɔtɔ so buru ne nza ne yeɛ sɔ dwirɛ ne sili ɔ. Sɔ bosome ne, ye kyẽa bɔ ɔtɔ so buru ne nna ne, belele bɛ nwome, na bɛfa bɛkakyili ɛpoentolɛ ne anigye kyẽa.

Ɛseta 9:18

Nakoso Yudafoɛ bɔ bɛwɔ Susa ne de, kyẽa bɔ ɔtɔ so buru ne nza, ɔne bɔ ɔtɔ so buru ne nna ne yeɛ bɛboaboale bɛ noa ɔ. Belele bɛ nwome kyẽa bɔ ɔtɔ so buru ne nnu ne, na bɛfa bɛkakyili ɛpoentolɛ ne anigye kyẽa.

Ɛseta 9:20

Modekae hyerɛle edwirɛ bɔ osisili ne, na ɔmaa bɛfale ngrataa bɛɛmane Yudafoɛ amukoraa bɔ bepingye, ɔne bɛ bɔ bɛwɔ dedeede, bɔ bɛwɔ Nana Ahasuro manzini amukoraa nu ɔ.

Ɛseta 9:22

kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

Ɛseta 9:27

Yudafoɛ le tole nu, na ɔyɛle amammerɛ mane bɛ ne bɛ bosofoɛ ne ebiala bɔ ɔɔyɛle Yudaniɛ ɔ, kyɛ sɔ ngyẽa nyɔ ne, bɛngɔma ɔngɔpa ye nwo, na bɛkɔhɔ so bekoli ye afoɛnoa biala, wɔ mmerɛ bɔ bahyɛ bato berɛ ne anu, kyɛbɔ bahyerɛ bato berɛ ne.

Ɛseta 9:29

Nana hemmaa Ɛseta bɔ ɔse ole Abihail ne, ogyinane tumi so hyerɛle krataa bɔ ɔtɔ so nyɔ ɔ, kyɛ odi kyɛ bedi Purim aluolue ne, na ɔfa foale Yudaniɛ Modekae krataa ne aso.