Ɛseta 9:20 - AHYERƐLƐ KRONGRON

²⁰ Modekae hyerɛle edwirɛ bɔ osisili ne, na ɔmaa bɛfale ngrataa bɛɛmane Yudafoɛ amukoraa bɔ bepingye, ɔne bɛ bɔ bɛwɔ dedeede, bɔ bɛwɔ Nana Ahasuro manzini amukoraa nu ɔ.

Ɛseta 9:20 Iomraidhean Croise

1 Aberɛso Dwirɛ 16:12

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

Ɛseta 1:1

Sɔ dwirɛ he sili wɔ Nana Ahasuro aberɛ so, na sɔ Ahasuro ne, olili manzini ɛyaa ko aburanyɔ ne nzoo so fite Yindia maa oodwuli Yitiopia.

Ɛseta 1:22

Nana Ahasuro maa bɛfale ngrataa bɛhɔle ye manzini ne amukoraa nu. Manzini biala, kyɛbɔ ye ahyerɛlɛ ɔte ne, yeɛ mmenia biala, kyɛbɔ bɛ dwudwolɛ ɔte ne, sɔ ala yeɛ bɛhyerɛle krataa ne ɔ; kyɛ, bienzua biala yeɛ tumi wura ye sa wɔ ye awuro ɔ, na ɔnzɛ kyɛ betu ye noa dwirɛ begua.

Ɛseta 3:12

Bosome bɔ oli moa ne, ye kyẽa bɔ ɔtɔ so buru ne nza ne, bɛfrɛfrɛle Nana Ahasuro ahyerɛlɛfoɛ amukoraa maa beyiale, na bɛhyerɛle maa ɔyɛle mmeraa, kyɛbɔ Haman hyɛle kyɛ bɛyɔ ne ala. Na bɛfa bɛɛmane Nana Ahasuro mbɔtam mbanyi mɔ, amrado mɔ, maen maen nemɔ so mbanyi mɔ, manzini biala, kyɛbɔ ye ahyerɛlɛ ne nu mmenia dwudwolɛ si te ne, sɔ ala yeɛ bɛhyerɛle ye ɔ. Bɛhyerɛle ye Nana Ahasuro dumaa nu, na bɛfale ye nzɔanoɛ pɛteaa bɛsɔle ye noa.

Ɛseta 8:9

Bosome nza bɔ yeɛ oli Siwan ne anu, ye kyẽa bɔ ɔtɔ so aburanyɔ ne nza ne, bɛfrɛfrɛle Nana Ahasuro ahyerɛlɛfoɛ maa beeyiale. Na edwirɛ biala bɔ Modekae hane ne, bɛhyerɛle maa ɔyɛle mmeraa, na bɛfa bɛɛmane Yudafoɛ, mbɔtam mbanyi, amrado mɔ ne manzini mbanyi bɔ bɛwɔ manzini ɛyaa ko aburanyɔ ne nzoo ne anu, fite Yindia bɔ ɔkwaadwu Yitiopia. Manzini biala, kyɛbɔ ye ahyerɛlɛ te ne, yeɛ mmenia biala, kyɛbɔ bɛ dwudwolɛ te ne, sɔ ala yeɛ bɛhyerɛle krataa ne ɔ, na bɔ bɛfa bɛɛmane Yudafoɛ ne koso, ɔte b’ahyerɛlɛ ne bɛ dwudwolɛ.

Ɛseta 9:19

Ye sɔ ne ati, Yudafoɛ bɔ bɛwɔ namue nemɔ anu, bɔ fasue nne bɛ nguro nemɔ anwo ne, batu bosome Ada, ye kyẽa bɔ ɔtɔ so buru ne nna ne basie berɛ kyɛ ɔte anigye ne ɛpoentolɛ kyẽa, na ɔte nwomelelɛ kyẽa bɔ bɛkyekyɛ bɛ nwo bɛ nwo aleɛ ɔ.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,

Ɛseta 9:26

Ye sɔ ne ati, bɛfrɛ sɔ ngyẽa ne Purim, bɔ benya befili edwofua Pure nu ɔ. Ɔnate Modekae krataa ne anu dwirɛ amukoraa so, yeɛ tebea bɔ bɛhɔle nu wɔ sɔ dwirɛ ye anwo, ɔne edwirɛ bɔ ɔtole bɛ ne ati,

Ɛseta 9:27

Yudafoɛ le tole nu, na ɔyɛle amammerɛ mane bɛ ne bɛ bosofoɛ ne ebiala bɔ ɔɔyɛle Yudaniɛ ɔ, kyɛ sɔ ngyẽa nyɔ ne, bɛngɔma ɔngɔpa ye nwo, na bɛkɔhɔ so bekoli ye afoɛnoa biala, wɔ mmerɛ bɔ bahyɛ bato berɛ ne anu, kyɛbɔ bahyerɛ bato berɛ ne.

Ɛseta 9:29

Nana hemmaa Ɛseta bɔ ɔse ole Abihail ne, ogyinane tumi so hyerɛle krataa bɔ ɔtɔ so nyɔ ɔ, kyɛ odi kyɛ bedi Purim aluolue ne, na ɔfa foale Yudaniɛ Modekae krataa ne aso.

Ɛksadɔso 17:14

Na AWURADE sele Mose kyɛ, “Kyerɛ he wɔ nwomaa bie aso ma ɔyɛ ngayeɛ nikye, ná kenga kyire Yosua kyɛ, ngonua Amalɛke ye boso ngofi aseɛ ye aso.”

Yeremia 29:1

Ngɔmhyɛlɛniɛ Yeremia fale krataa he manene fili Yerusalem. Ɔmaa bɛfa bɛɛmane mbanyi bɔ baha wɔ bɛ bɔ bahye bɛ nnure bahɔ nemɔ anu, yeɛ asɔfo nemɔ, ngɔmhyɛlɛfoɛ nemɔ ne mmenia amukoraa bɔ Nebukadenesa hyele bɛ nnure fili Yerusalem hɔle Babilɔn ne.