Ɛseta 9:2 - AHYERƐLƐ KRONGRON

² Yudafoɛ boaboale bɛ noa wɔ bɛ nguro nemɔ aso, wɔ Nana Ahasuro manzini ne amukoraa nu, kyɛ ebiala bɔ ɔkɔwa kyɛ ɔbaahu bɛ ne, bɛ koso bekohu ye. Na ebiala angora wangyina bɛ nyunu, ofikyɛ bɛ nwo suronyi tɔle amaen maen nemɔ nu mmenia so.

Ɛseta 9:2 Iomraidhean Croise

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

Ɛseta 8:11

Sɔ ngrataa ne anu, Nana Ahasuro fale tumi wurale Yudafoɛ bɔ bɛwɔ kuro biala so ɔ sa, kyɛ bɛha bɛ nwo bɛbɔ nu, ná bɛho bɛpere bɛ ti ngoa. Ɔnwa, sɛ maen anaa manzini biala fa koɛ batoa bɛ a, wama bɛ tumi kyɛ bɛkɔhora bekoli sɔ mmenia nemɔ awue, bekohu bɛ, bekonua bɛ ne bɛ mmrasua ne bɛ mma mɔ boso, ɔne kyɛ bɛkɔfẽ bɛ nningyein bɛkɔfa ɔ.

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Ɛseta 9:10

Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.

Edwein 71:13

Bɛ bɔ bɛbɔ me kwaadu ne, ma bɛ nyunu gua ase ná bewuwu, bɛ bɔ bɛpena me bepura me ne, ma nyanzoen ne animguaseɛ obia bɛ.

Edwein 71:24

Mmerɛ biala, me noa koso kɔhã wɔ tenenee nwo dwirɛ, ofikyɛ bɛ bɔ bɛpena me bepura me ne, bafɛre, na bɛ nyunu agua ase.

Ɛksadɔso 23:27

“Ngɔma me nwo suronyi koli wɔ nyunu, na maen biala bɔ ekodwu so ne, ngɔma ahunundetelɛ kɔtɔ nu mmenia so. Na ngɔma wɔ pɔfoɛ amukoraa kɔnwati kofi wɔ nyunu.

Yesaya 8:9

Maen maen mɔ, ɛmɔ de, ɛ́mɔhã ɛmɔ nwo bɛbɔ nu, nakoso ɛmɔkoli ngoguo, dedeede maen mɔ amukoraa, ɛ́mɔyɛ asoɛ bétie, ɛ́mɔyɛ koɛ nu anwoboa, nakoso ɛmɔkoli ngoguo, ɛ́mɔyɛ koɛ nu anwoboa, nakoso ɛmɔkoli ngoguo.

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

Yosua 2:9

oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.