Ɛseta 9:18 - AHYERƐLƐ KRONGRON

¹⁸ Nakoso Yudafoɛ bɔ bɛwɔ Susa ne de, kyẽa bɔ ɔtɔ so buru ne nza, ɔne bɔ ɔtɔ so buru ne nna ne yeɛ bɛboaboale bɛ noa ɔ. Belele bɛ nwome kyẽa bɔ ɔtɔ so buru ne nnu ne, na bɛfa bɛkakyili ɛpoentolɛ ne anigye kyẽa.

Ɛseta 9:18 Iomraidhean Croise

Ɛseta 8:11

Sɔ ngrataa ne anu, Nana Ahasuro fale tumi wurale Yudafoɛ bɔ bɛwɔ kuro biala so ɔ sa, kyɛ bɛha bɛ nwo bɛbɔ nu, ná bɛho bɛpere bɛ ti ngoa. Ɔnwa, sɛ maen anaa manzini biala fa koɛ batoa bɛ a, wama bɛ tumi kyɛ bɛkɔhora bekoli sɔ mmenia nemɔ awue, bekohu bɛ, bekonua bɛ ne bɛ mmrasua ne bɛ mma mɔ boso, ɔne kyɛ bɛkɔfẽ bɛ nningyein bɛkɔfa ɔ.

Ɛseta 9:1

Bosome bɔ ɔtɔ so buru ne nyɔ, bɔ oli Ada ne, ye kyẽa bɔ ɔtɔ so buru ne nza ne aso, bɔ né bɛbaafa Nana Ahasuro mmeraa ne ye krataa ne bɛyɔ adwuma ne, sɔ kyẽa ne ala yeɛ né Yudafoɛ bɛ pɔfoɛ mɔ batu basie berɛ kyɛ bekohũhũ Yudafoɛ ɔ. Nakoso wamma ye sɔ. Ɔyɛle kyẽa bɔ Yudafoɛ belili bɛ pɔfoɛ mɔ so ngonim ɔ.

Ɛseta 9:11

Sɔ kyẽa ne, mmenia somaa bɔ behuni bɛ wɔ Susa ahenguro berɛ ne, bɛfale ye nwo amaneɛ bɛɛbɔle Nana Ahasuro.

Ɛseta 9:13

Na Ɛseta buale kyɛ, “Nana, sɛ ɛkɔpene a, Yudafoɛ bɔ bɛwɔ Susa ne, ɛhema koso ma bɛ ate ma besa bɛyɔ bɔ bagyina mmeraa ne aso bayɔ ye ɛnɛ ne. Haman mma mmienzua buru nemɔ koso, maa besinze bɛ fuin nemɔ wɔ bakaa so.”

Ɛseta 9:15

Bosome bɔ oli Ada ne, ye kyẽa bɔ ɔtɔ so buru ne nna ne, Yudafoɛ bɔ bɛwɔ Susa ne boale bɛ noa bieku, na behuhuni mmenia ɛyaa nza wɔ Susa, nakoso bɛ nningyein de, bamva bɛ sa banga ye.

Ɛseta 9:2

Yudafoɛ boaboale bɛ noa wɔ bɛ nguro nemɔ aso, wɔ Nana Ahasuro manzini ne amukoraa nu, kyɛ ebiala bɔ ɔkɔwa kyɛ ɔbaahu bɛ ne, bɛ koso bekohu ye. Na ebiala angora wangyina bɛ nyunu, ofikyɛ bɛ nwo suronyi tɔle amaen maen nemɔ nu mmenia so.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,