Ɛseta 9:17 - AHYERƐLƐ KRONGRON

¹⁷ Bosome bɔ oli Ada ne, ye kyẽa bɔ ɔtɔ so buru ne nza ne yeɛ sɔ dwirɛ ne sili ɔ. Sɔ bosome ne, ye kyẽa bɔ ɔtɔ so buru ne nna ne, belele bɛ nwome, na bɛfa bɛkakyili ɛpoentolɛ ne anigye kyẽa.

Ɛseta 9:17 Iomraidhean Croise

Ɛseta 3:12

Bosome bɔ oli moa ne, ye kyẽa bɔ ɔtɔ so buru ne nza ne, bɛfrɛfrɛle Nana Ahasuro ahyerɛlɛfoɛ amukoraa maa beyiale, na bɛhyerɛle maa ɔyɛle mmeraa, kyɛbɔ Haman hyɛle kyɛ bɛyɔ ne ala. Na bɛfa bɛɛmane Nana Ahasuro mbɔtam mbanyi mɔ, amrado mɔ, maen maen nemɔ so mbanyi mɔ, manzini biala, kyɛbɔ ye ahyerɛlɛ ne nu mmenia dwudwolɛ si te ne, sɔ ala yeɛ bɛhyerɛle ye ɔ. Bɛhyerɛle ye Nana Ahasuro dumaa nu, na bɛfale ye nzɔanoɛ pɛteaa bɛsɔle ye noa.

Ɛseta 8:9

Bosome nza bɔ yeɛ oli Siwan ne anu, ye kyẽa bɔ ɔtɔ so aburanyɔ ne nza ne, bɛfrɛfrɛle Nana Ahasuro ahyerɛlɛfoɛ maa beeyiale. Na edwirɛ biala bɔ Modekae hane ne, bɛhyerɛle maa ɔyɛle mmeraa, na bɛfa bɛɛmane Yudafoɛ, mbɔtam mbanyi, amrado mɔ ne manzini mbanyi bɔ bɛwɔ manzini ɛyaa ko aburanyɔ ne nzoo ne anu, fite Yindia bɔ ɔkwaadwu Yitiopia. Manzini biala, kyɛbɔ ye ahyerɛlɛ te ne, yeɛ mmenia biala, kyɛbɔ bɛ dwudwolɛ te ne, sɔ ala yeɛ bɛhyerɛle krataa ne ɔ, na bɔ bɛfa bɛɛmane Yudafoɛ ne koso, ɔte b’ahyerɛlɛ ne bɛ dwudwolɛ.

Ɛseta 9:1

Bosome bɔ ɔtɔ so buru ne nyɔ, bɔ oli Ada ne, ye kyẽa bɔ ɔtɔ so buru ne nza ne aso, bɔ né bɛbaafa Nana Ahasuro mmeraa ne ye krataa ne bɛyɔ adwuma ne, sɔ kyẽa ne ala yeɛ né Yudafoɛ bɛ pɔfoɛ mɔ batu basie berɛ kyɛ bekohũhũ Yudafoɛ ɔ. Nakoso wamma ye sɔ. Ɔyɛle kyẽa bɔ Yudafoɛ belili bɛ pɔfoɛ mɔ so ngonim ɔ.

Ɛseta 9:18

Nakoso Yudafoɛ bɔ bɛwɔ Susa ne de, kyẽa bɔ ɔtɔ so buru ne nza, ɔne bɔ ɔtɔ so buru ne nna ne yeɛ bɛboaboale bɛ noa ɔ. Belele bɛ nwome kyẽa bɔ ɔtɔ so buru ne nnu ne, na bɛfa bɛkakyili ɛpoentolɛ ne anigye kyẽa.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,