Ɛseta 9:15 - AHYERƐLƐ KRONGRON

¹⁵ Bosome bɔ oli Ada ne, ye kyẽa bɔ ɔtɔ so buru ne nna ne, Yudafoɛ bɔ bɛwɔ Susa ne boale bɛ noa bieku, na behuhuni mmenia ɛyaa nza wɔ Susa, nakoso bɛ nningyein de, bamva bɛ sa banga ye.

Ɛseta 9:15 Iomraidhean Croise

Ɛseta 8:11

Sɔ ngrataa ne anu, Nana Ahasuro fale tumi wurale Yudafoɛ bɔ bɛwɔ kuro biala so ɔ sa, kyɛ bɛha bɛ nwo bɛbɔ nu, ná bɛho bɛpere bɛ ti ngoa. Ɔnwa, sɛ maen anaa manzini biala fa koɛ batoa bɛ a, wama bɛ tumi kyɛ bɛkɔhora bekoli sɔ mmenia nemɔ awue, bekohu bɛ, bekonua bɛ ne bɛ mmrasua ne bɛ mma mɔ boso, ɔne kyɛ bɛkɔfẽ bɛ nningyein bɛkɔfa ɔ.

Ɛseta 9:10

Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.

Ɛseta 9:12

Na Nana Ahasuro sele Nana hemmaa Ɛseta kyɛ, “Susa ahenguro wa, Yudafoɛ bahuhu mmienzua ɛyaa nnu, yeɛ basa bahu Haman mma mmienzua buru nemɔ. Né nzaade bɔ bayɔ ye wɔ me manzini ngaa nemɔ anu ne, ɔkɔtra so. Kekesaala ye, nzikyɛ yeɛ ɔte w’abisadeɛ ɔ? Ka, na ngɔfa ngɔma wɔ. Nzikyɛ bieku yeɛ ɛpena ɔ? Wɔ sa kɔha ye.”

Ɛseta 9:13

Na Ɛseta buale kyɛ, “Nana, sɛ ɛkɔpene a, Yudafoɛ bɔ bɛwɔ Susa ne, ɛhema koso ma bɛ ate ma besa bɛyɔ bɔ bagyina mmeraa ne aso bayɔ ye ɛnɛ ne. Haman mma mmienzua buru nemɔ koso, maa besinze bɛ fuin nemɔ wɔ bakaa so.”

Ɛseta 9:14

Na Nana Ahasuro fale ahyɛdeɛ mane kyɛ bɛyɔ sɔ. Ɔhyɛle mmeraa wɔ Susa, na besinzele Haman mma mmienzua buru nemɔ bɛ fuin.

Ɛseta 9:16

Yudafoɛ ngaa bɔ bɛwɔ Nana Ahasuro manzini nemɔ anu ne, né bɛ koso baboa bɛ noa baho bapere bɛ ti ngoa, bɔ bɛ nwo atɔ bɛ wɔ bɛ pɔfoɛ mɔ sa nu ɔ, na behuhuni bɛ pɔfoɛ apee aburasoo ne nnu. Nakoso bɛ nningyein de, bamva bɛ sa banga ye.

Ɛseta 9:2

Yudafoɛ boaboale bɛ noa wɔ bɛ nguro nemɔ aso, wɔ Nana Ahasuro manzini ne amukoraa nu, kyɛ ebiala bɔ ɔkɔwa kyɛ ɔbaahu bɛ ne, bɛ koso bekohu ye. Na ebiala angora wangyina bɛ nyunu, ofikyɛ bɛ nwo suronyi tɔle amaen maen nemɔ nu mmenia so.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”